i miss you mum

i just want to set with you one last time, talking, laughing, and tell you how much i love you .

if only i know

if only

تعودت عليك. جيتى فى وقتك

الاغنية دى جت فى وقتها فعلا
المعنى مضبوط بالملى
لو هتتبص لها من المعنى الإجابى
يعنى التعود الحلو مش التعود الوحش
اللى ما هنعمل ايه بقى
و جملة على كل شئ عملته فيا
تتاخد بالمعنى الحلو
يعنى كل شئ حلو علمتهولى
كده تبقى مضبوطة بالملى
ﺗﻌﻮدت ﻋﻠﯿﻚ ﯾﺎﺣﺒﯿﺒﻲ ﻋﻠﻰ ﻇﻠﻤﻚ أﻧﺖ وع اﻟﺤﻨﯿﻪ ﻋﻠﻰ ﺿﺤﻜﻪ ﻣﺮا ودﻣﻌﻪ ﻣﺮاﻩ ﻋﻠﻰ ﻛﻞ ﺷﻲ ﻋﻤﻠﺘﻪ ﻓﯿﺎ
ﺗﻌﻮدت ﻋﻠﯿﻚ وﯾﺎﺧﺴﺎرﻩ .. ﯾﺎﺧﺴﺎرﻩ ﻣﺘﻞ ﻣﻌﻠﻖ ﺑﺴﯿﺠﺎرة .. ﺑﺴﯿﺠﺎرة ﺑﺪوب ﻓﯿﻬﺎ وﺑﺪوب ﺑﺪﺧﺎﻧﻬﺎ وﻧﺎرﻩ وﺑﺎﻻﺧﺮ ﺑﺪوب ﻓﯿﺎ ﻋﻠﻰ ﺿﺤﻜﻪ ﻣﺮا ودﻣﻌﻪ ﻣﺮاﻩ ﻋﻠﻰ ﻛﻞ ﺷﻲ ﻋﻤﻠﺘﻪ ﻓﯿﺎ
ﺗﻌﻮدت ﻋﻠﯿﻚ ﯾﺎﺣﺒﯿﺒﻲ ﻋﻠﻰ ﻇﻠﻤﻚ أﻧﺖ وع اﻟﺤﻨﯿﻪ ﻋﻠﻰ ﺿﺤﻜﻪ ﻣﺮا ودﻣﻌﻪ ﻣﺮاﻩ ﻋﻠﻰ ﻛﻞ ﺷﻲ ﻋﻤﻠﺘﻪ ﻓﯿﺎ
ﻛﻠﻤﺎت: ﻣﺮوان ﺧﻮري اﻟﺤﺎن: ﻣﺮوان ﺧﻮري
http://www.mawaly.com/music/Marwan+Khoury/track/59723

صوتين

فى صوتين جوايا
واحد بيقول لا كده كفاية
فى حاجة غلط
فى حاجة مش مضبوطة
فى تردد جوايا
و صوت تانى بيقول انتى اتجننتى
بطلى احلام
عيشى فى الواقع
بطلى احلام

الحق
الصوت الاول غالب على النفس و مسيطر الاحساس و العقل
و الصوت التانى غالب على الواقع




اخرسوا

Fdc

Starting next week my full year study at fashion design center

http://www.fashiondesigncenter.org/

ابشع عذاب

ابشع عذاب لما تكون عاوز تنام
و نايم على السرير متغطى كويس
الجو حلو مش بردان او حران
و مش عارف تفتح عينك
و وراك بكرة خمسميت حاجة
و مع ذلك
تقعد بالتلات ساعات مش عارف تنام
مع انك هتموت و تنام
نعسان و تعبان و كابس عليك النوم كمان
و مش عارف تنام
يا رب
عاوزة انام

موسم البكاء

و بدأ موسم البكاء
استعدوا
هى فين المناديل؟؟

انانية التفكير

هو انا بفكر بانانية عشان عاوزة ماننفصلش؟
تصدق اه!!

وجودى فى حياتك بيسبب لك هم و التزام انت مش قادر تلبيه بسبب الشهادة
بيسبب خنقة انك عاوز تحقق احلامك لكن ماينفعش
لازم تشتغل عشان تجيب فلوس تفتح بيها بيت
و انت قلت الكلام ده اكتر من مرة
انك مستمر فى المجلة بس عشانى
مع انها مابتجبش فلوس عدلة بس فى الاول و الاخر اسمها شغل

عارف ان انا كتير جدا اقول لنفسى انتى جيتى خربتيله حياتى
دلوقتى هيخلص الجيش و يجرى يشتغل اى شغالانة و السلام
و طز فى اى احلام او تطلعات
طبعا مافيش قرصات او ورش هتاخدها
عشان البيت اولى بالفلوس دى
مافيش شغل تطوعى او بملاليم هشان هيوصلك لمنصب محتاجة
المهم بيجيب كام عشان البيت

انا لما لقيت انى معايا الاختيار لما انتى بتعيد تفكير فى الموضوع بقيت بفكر بعقلانية
لكن تاخد قرار الانفصال لوحدك بيحسسنى كانى معايا شيكولاتة بالبندق و جيت انت تاخدها منى
اكيد همسك فيها و هزعق و اعيط و اقولك لا
مع انى مش بحب البندق اصلا
و كنت هاخد قضمة و اديهالك
لكن لما تقولى هتكليها ولا تديهانى و تروحى تجيبى واحدة سادة احسن
اكيد هفكر و اقول لا انت اولى بيها انت بتحب البندق
و بعدين بقى ابقى اجيب واحدة تانية

طبعا ده مش تشبيه ليك و انى من بعدك هشوف واحد تانى من غير البندق اللى مش بحبه
ده تشبيه للقرار
لو اديتنى حق الاختيار مع معرفة اختيارك
هفكر كويس

بس انا مش بعرف افكر لوحدى فى حاجة متخصنيش لوحدى
فى جوانب كتير للموضوع مش بشوفها الا لما حد يلفت نظرى ليها
او يمكن مش عاوزة اشوف الجوانب دى الا لما حد يصدمنى بيها

عارف ان حسن بيقولى نفس الكلام اللى انا بقولهولك
" يعنى عبدالرحمن فاكر انك بعديه هتتجوزى او هتقدرى تعرفى حد تانى.  و الله ما هيحصل. دا انتى بعديه هتعنسى يابنتى. انتى مش كده. انا عارف."

و انا بقوله عندك حق انا برده بقوله كده و هو بيقولى لا ده كلام افلام.

انا من بعدك هتجوز واحد كورى :)

بس اللى يشوفنى دلوقتى يقول ايه ده فاطمة مكنتش بتحب عبدالرحمن ولا ايه

عمالة اغنى و اضحك و اروح هنا و هناك و اهزر و انكت و اتفرج على افلام و اضحك
و انا بقول فى سرى دا انتى حالتك وحشة اوى يا فاطمة

شيماء صاحبتى فى المدرسة و اسماء كمان كانوا كل مايشفونى كده يقولوا يا نهار اسود هو ايه المصيبة اللى حصلت
و لو واحدة غلطت و قالتلى انتى حالتك وحشة اوى
تبقى فتحت على نفسها فتوحة عياط لا اخر لها
تقولى دا الهطل اللى كنتى فيه احسن
قضيها هطل احسن

كل واحد عنده طريقة فى التعامل مع مشاكله و ازماته.  و دى طريقتى
هطل و فرحة بلا حدود
ربنا يديم علينا الهطل.

بس محدش فاهم الحكاية دى دلوقتى
حتى انت
عمرك ما فهمت ان انا عندى خط رفع ما بين الفرحة و السعادة الشديدة و الحزن الشديد جدا
فى درجة لما بعديها بعد الضحك و الهزار و ادخل على الهطل، يبقى مصيبة
عمرك ما فهمت الحكاية دى
اول الاسبوع حسن كان بيقولى انتى مالك؟ بطلى يا فاطمة تضحكى على نفسك و تقنعيها انك كويسة ، اناى مش كويسة.
بس انا معنديش حل تانى اعمله
يا اما الاكتئاب يا اما الهطل
تحب تختار
مافيش اختيار
دى ممكن تكون قدرة عندى
انى بقنع نفسى انى كويسة
و بقتنع
مع انى مدركة انى بضحك على نفسى
بس مدركة برده انى لو اقنعت نفسى انى كويسة انى هبقى كويسة فعلا
المهم
مازال التفكير مستمر
و مش لاقية حد اتكلم معاه
الوحيد اللى اقدر اتكلم معاه فى الموضوع ده و اخد بكلامه هو انت
اوعدنى
انى لو خسرتك كحبيب و زوج
انى مخسركش كصديق
ممكن؟
يمكن يكون ده اللى هيهون علينا الفراق لغاية ما نتعود و حياتنا تستمر
يمكن!

انت كويس؟

لا يمكن ان تتخيل قد ايه انا عاوزة اكلمك
اطمن عليك و اقولك
انت كويس؟
اخبارك ايه ؟
عاوزة اقولك انا حاسه بايه و حالتى ايه
كصديق
لكن ماينفعش

مش انا قولتلك
ماينفعش تكون انت كل حاجة
الحبيب و الصديق و الصديقة
ماينفعش
دلوقتى ايه الوضع بقى

عاوزة اكلمك

عاوزة اكلمك اشتكيلك من نفسك
و اعيط و اقولك اعمل ايه

النهاية

مش ممكن تكون دى النهاية
مش هقبل
هستنى

من غير عنوان

عاوزة أقول حاجة و مش عارفة إيه هى!
عاوزة  أكلمك و مش عارفة أقول حاجة ماتوجعش دماغك
على قد ما أنا زعلانة....على قد ما أنا مش حاسه بحاجة
يمكن عشان حالتى النفسية المتلخبطة
يمكن عشان الصلاة
يمكن عشان الدعاء
يمكن عشان الاحلام
المهم 


إنى عاوزة أنزل الشارع الصبح الساعة 8 او 9 و أروح مكان أضطر إنى أمشى فى الشارع كتير عشان أعيش الصبح و الجو الضبابى و الشمس
عاوزة أحس بالانتعاش يمكن أقدر أفكر     

قرار بين اتنين

ده مش قرارك لوحدك
و انا مس هسمح بيه
لا مش موافقة
ده مش مسئولية منك
ولا قرار سليم
لا
لا
لا

ماما اعمليلى مركب ورق

مشهد واحد
ماما بتزعق عشان نبطل لعب بصوت عالى و عشان تهدينا تخلينا نقعد معاها نعمل مركب ورق
و نقعد نعمل كل الاحجام و بشراع و من غير شراع

مشهد اتنين
و انا فى الثانوى لما الاقيها زعلانة او قاعدة لوحدها اجيب ورق و اقولها علمينى اعمل مركب ورق عشان نسيتها
تضحك و تقولى والله انتى عمرك ما هتكبرى بطلى دلع
افضل اتحايل عليها لغاية ما تلعب معايا
و تتبسط و تفرح

مشهد تلاتة
لاقيت صورة على الفاس بيعملوا فراشة بالورق
جبت ورقة و حاولت اعملها بس فى خطوتين مش واضحين فمعرفتش اعملها
بعديت حاولت اعمل مركب معرفتش
قريت الفاتحة لماما و قولتلها
ماما تعالى علمينى اعمل مركب ورق
انا نسيت
هعلم ولادى ازاى دلوقتى
ماما تعالى اعلمينى اعمل مركب بشراع بعدين امشى
تعالى اقعدى معايا شوية
وحشتينى اوى يا ماما

فى ناس

فى ناس فاهمهم بس بتكرههم
و فى ناس تحبهم  و على طول فى بالك بس مش بتكلمهم
و فى ناس مش فى بالك اصلا بس لما تقاباهم تقعد تقابلهم تقعد تتكلم معاهم بالساعات و ترتاح معاهم اوى و تقول هو تنا مش بكلمهم ليه
و ترجع تنساهم و ماتكلمهمش
و ناس تحبها و تكلمها و ماتردش
و تبقى فاكرهم طول الوقت و عاوز تكلمهم و هم مش عاوزين
و ناس تتعرف عليها مرة يفهموك على طول
تيجى بعدها بفترة تحكى موقف مثلا تلاقيهم يقولوا بس انت مابتحبش كده او ده مش ذوقك او مش شبهك الموقف ده
كأنهم عارفينك طول العمر
و ناس تفضل معاهم سنين و لسه لا فاهمين بعض و لا عارفين تتفقوا
و ناس تكلمها من السنة للسنة عشان ينزلوا يشتروا معاك حاجة و عمرك لا انت ولا هم قلتوا على علاقتكم علاقة مصلحة لانها علاقة وفاء
لما بتحتاجه بتلاقيه و العكس صحيح
و ناس تكلمها كل يوم و لسه مش فاهم هم قصدهم ايه
و فى ناس بقى لما تبصلك تفهم هم عاوزين ايه
و ناس عمرك ما فهمتهم
و ناس تخاف على زعلها
و ناس يخافوا على زعلك
و ناس منتش فارق معاهم
و ناس مش فارقة عندك
و ياما بنقابل ناس

فتور

ايوة طبيعى بعد كل مرحلة بنقرب فيها بيحصل بعدها فتور
طبيعى
بس المرة دى غريب
الفتور المرة دى غريب
عاوزة اكلمك
بس معنديش ادنى فكرة اقول ايه
معرفش
بس حاسة احساس غريب
خوف يمكن
معرفش
اللى اعرفه
انك وحشتنى
وحشنى الكلام معاك
الهزار
الضحك
و الحكايات

عاوز تحافظ على الصلاة

عاوز تحافظ على الصلاة
فكر ان ربنا هيزعل لو مصلتش
ماتفكرش فى الثواب او المغفرة
ماتفكرش فى تعويضك للصلاة بكرة
فكر ان ربنا هيزعل منك
و هيزعل عليك
يمكن تكون كلمة هيزعل غريبة على الموضوع
بس انا بقيت بفكر كده
بفكر فى كل مرة زعلت فيها بابا
بفكر فى نظرته ليا اللى تفلق الحجر
بيبص كأنه بيقولى اخس عليكى انا بعملك كذا و كذا و كذا و هو دا رد الجميل و الشكر بتاعك!!
ساعتها بعمل اى حاجة عشان مايزعلش
و ممكن افضل ألف وراه و هو ماشى اقوله اسفه ماتزعلش منى
بفكر فى حالة عبدالرحمن لما يزعل منى
و قد ايه ببقى عاوزاه يتصالح
و ساعات كتير بيوصل لمرحلة انه حتى من عاوز يسمع صوتى بقول اسفه
طب هنقول لربنا اسفه ازاى؟
بالصلاة
احافظ على الصلاة
و اقوله سامحنى
و ادعى
لا اله الا انت سبحانك انى كنت من الظالمين
اللهم اغفر لنا ذنوبنا و كفر عنا سيئاتنا و قنا من عذاب النار
و ساعات كتير بتكلم معاه
اقوله يارب انا عارفة انى مقصرة فى حقك و انى بطلب من غير ما ادى
بس انت رحمتك وسعت كل شئ
لما ابقى عاوزة انام و مصلتش العشاء و فعلا تعبانة
و ابدأ اكسل  اقول لنفسى:
يعنى انتى يا هانم لما عبدالرحمن يكلمك تجرى على طول تكلميه بالساعات و لما ربنا ينادى عشان صلاة مش هتاخد عشر دقائق تقولى لا
دا الله سبحانه و تعالى اللى خلقك و خلقك عبدالرحمن
قومى صلى
ربنا هيزعل
زمان لما كان بابا يزعقلنا عشان الصلاة
كنت بقوله انا مش عاوزة اصلى عشان انا خايفة من ربنا او عشان الثواب
انا عاوزة اصلى و انا حابة الصلاة
الان
انا بصلى عشان بحب ربنا
و ماينفعش ازعل حبيبي
ربى اجعلنى من مقيمى الصلاة و من ذريتى
و ادخل نور القرآن فى صدورنا

ماما بتحب الفيلم ده

فيلم ايامنا الحلوة شغال على mbc
اتفرجت على خمس دقائق منه بعدين قلت لنفسى:
اه. دى ماما بتحب الفيلم ده.  اقوم اصحيها عشان تتفرج عليه
و فضلت اتخيل فرحتها لما اقولها و منظرها و هى بتقوم ملهوفة تتفرج عليه مع انها عاوزة تنام. و تقوم على طول على الصالة من غير ما  تغسل وشها او تسرح شعرها.
و شربت بق شاى من الكباية و حطيتها جنبى و جيت اقوم و لبست الشبشب
بعدين افتكرت ان ماما ماتت
و انى مش هلاقيها فى الاوضة
الله يرحمك يا ماما
وحشتينى اوى اوى اوى
انا بحبك اوى
اوى يا ماما
و الله بحبك اوى يا ماما

رغبة الشيكولاته

نفسى فى شيكولاته  فليك جدا جدا جدا
بس عبدالرحمن هيزعل لو كلتها
نفسى فيها اوى

اشهر خمس اخطاء فى التاريخ

اﺷﻬﺮ ﺧﻤﺲ اﺧﻄﺎء ﺑﺎﻟﻌﺎﻟﻢ
1- ﺑﺎع ﺟﻮرج ﻫﺎرﯾﺸﻦ ﻣﻦ ﺟﻨﻮب أﻓﺮﯾﻘﯿﺎ ﻣﺰرﻋﺘﻪ إﻟﻰ ﺷﺮﻛﺔ ﺗﻨﻘﯿﺐ ﺑﻌﺸﺮة ﺟﻨﯿﻬﺎت ﻓﻘﻂ ﻟﻌﺪم ﺻﻼﺣﯿﺘﻬﺎ ﻟﻠﺰراﻋﺔ ، وﺣﯿﻦ ﺷﺮﻋﺖ اﻟﺸﺮﻛﺔ ﻓﻲ اﺳﺘﻐﻼﻟﻬﺎ ، اﻛﺘﺸﻔﺖ ﺑﻬﺎ أﻛﺒﺮ ﻣﻨﺠﻢ ﻟﻠﺬﻫﺐ ﻋﻠﻰ اﻹﻃﻼق ، أﺻﺒﺢ ﺑﻌﺪﻫﺎ ﻫﺬا اﻟﻤﻨﺠﻢ ﻣﺴﺆوﻻً ﻋﻦ 70% ﻣﻦ إﻧﺘﺎج اﻟﺬﻫﺐ ﻓﻲ اﻟﻌﺎﻟﻢ.

2- ﻓﻲ إﺣﺪى ﻟﯿﺎﻟﻲ 1696م أوى اﻟﺨﺒﺎز اﻟﺒﺮﯾﻄﺎﻧﻲ ﺟﻮﻓﯿﻨﺰ إﻟﻰ ﻓﺮاﺷﻪ ، وﻟﻜﻨﻪ ﻧﺴﻲ إﻃﻔﺎء ﺷﻌﻠﺔ ﺻﻐﯿﺮة ﺑﻘﯿﺖ ﻓﻲ ﻓﺮﻧﻪ، وﻗﺪ أدى ﻫﺬا "اﻟﺨﻄﺄ" إﻟﻰ اﺷﺘﻌﺎل ﻣﻨﺰﻟﻪ ﺛﻢ ﻣﻨﺰل ﺟﯿﺮاﻧﻪ ﺛﻢ اﻟﺤﺎرات اﻟﻤﺠﺎورة ﺣﺘﻰ اﺣﺘﺮﻗﺖ ، ﻧﺼﻒ ﻟﻨﺪن وﻣﺎت اﻵﻻف ﻣﻦ ﺳﻜﺎﻧﻬﺎ ، ﻓﯿﻤﺎ أﺻﺒﺢ ﯾﻌﺮف "ﺑﺎﻟﺤﺮﯾﻖ اﻟﻜﺒﯿﺮ" ،، ﺟﻮﻓﯿﻨﺰ ﻧﻔﺴﻪ ﻟﻢ ﯾﺼﺐ ﺑﺄذى !!

3- ﻓﻲ ﻋﺎم 1347م دﺧﻠﺖ ﺑﻌﺾ اﻟﻔﺌﺮان إﻟﻰ ﺛﻼث ﺳﻔﻦ إﯾﻄﺎﻟﯿﺔ ﻛﺎﻧﺖ راﺳﯿﺔ ﻓﻲ اﻟﺼﯿﻦ ، وﺣﯿﻦ وﺻﻠﺖ إﻟﻰ ﻣﯿﻨﺎء ﻣﺴﯿﻨﺎ اﻹﯾﻄﺎﻟﻲ ﺧﺮﺟﺖ ﻣﻨﻬﺎ ، وﻧﺸﺮت اﻟﻄﺎﻋﻮن ﻓﻲ اﻟﻤﺪﯾﻨﺔ ﺛﻢ ﻓﻲ ﻛﺎﻣﻞ إﯾﻄﺎﻟﯿﺎ . وﻛﺎن اﻟﻄﺎﻋﻮن ﻗﺪ ﻗﻀﻰ أﺻﻼً ﻋﻠﻰ ﻧﺼﻒ ﺳﻜﺎن اﻟﺼﯿﻦ ﻓﻲ ذﻟﻚ اﻟﻮﻗﺖ ، ﺛﻢ ﻣﻦ إﯾﻄﺎﻟﯿﺎ اﻧﺘﺸﺮ ﻓﻲ ﻛﺎﻣﻞ أوروﺑﺎ ﻓﻘﺘﻞ ﺛﻠﺚ ﺳﻜﺎﻧﻬﺎ ﺧﻼل ﻋﺸﺮ ﺳﻨﻮات ﻓﻘﻂ.

4- ﺗﺬﻛﺮ ﺑﻌﺾ اﻟﻤﺼﺎدر أن أﺣﺪ اﻟﻤﻠﻮك اﻟﺒﺮﯾﻄﺎﻧﯿﯿﻦ اﺧﺘﻠﻒ ﻣﻊ اﻟﺒﺎﺑﺎ ﻓﻲ وﻗﺖ ﻛﺎﻧﺖ ﻓﯿﻪ ﺑﺮﯾﻄﺎﻧﯿﺎ ﻛﺎﺛﻮﻟﯿﻜﯿﺔ وﻛﺮد اﻧﺘﻘﺎﻣﻲ ﺣﺮّم اﻟﺒﺎﺑﺎ ﺗﺰاوج اﻟﺒﺮﯾﻄﺎﻧﯿﯿﻦ اﻷﻣﺮ اﻟﺬي أوﻗﻊ اﻟﻤﻠﻚ ﻓﻲ ﺣﺮج أﻣﺎم ﺷﻌﺒﻪ ، وﻟﻠﺨﺮوج ﻣﻦ ﻫﺬا اﻟﻤﺄزق ﻃﻠﺐ ﻣﻦ ﻣﻠﻮك اﻟﻄﻮاﺋﻒ ﻓﻲ اﻷﻧﺪﻟﺲ إرﺳﺎل ﺑﻌﺾ اﻟﻤﺸﺎﯾﺦ ﻛﻲ ﺗﺘﺤﻮل ﺑﺮﯾﻄﺎﻧﯿﺎ ﻟﻺﺳﻼم ﻧﻜﺎﯾﺔ ﺑﺎﻟﻔﺎﺗﯿﻜﺎن ! إﻻّ أن ﻣﻠﻮك اﻻﻧﺪﻟﺲ ﺗﻘﺎﻋﺴﻮا ﻋﻦ ﺗﻨﻔﯿﺬ ﻫﺬا اﻟﻄﻠﺐ ﺣﺘﻰ وﺻﻞ اﻟﺨﺒﺮ إﻟﻰ اﻟﺒﺎﺑﺎ ، ﻓﺄﺻﻠﺢ اﻟﺨﻼف ورﻓﻊ ﻗﺮار اﻟﺘﺤﺮﯾﻢ ) وﻟﻚ أن ﺗﺘﺼﻮر إﺳﻼم ﺑﺮﯾﻄﺎﻧﯿﺎ، ﺛﻢ ﻇﻬﻮرﻫﺎ ﻛﺈﻣﺒﺮاﻃﻮرﯾﺔ ﻻ ﺗﻐﯿﺐ ﻋﻨﻬﺎ اﻟﺸﻤﺲ ) !!

5- ﻓﻰ واﻗﻌﺔ ﻣﺸﺎﺑﻬﺔ ، ﺧﻼل ﻣﻌﺮﻛﺔ ﺑﻼط اﻟﺸﻬﺪاء )ﻗﺮب ﺑﻮاﺗﯿﯿﻪ ﻓﻲ ﻓﺮﻧﺴﺎ) ﻓﻔﻲ ﻫﺬﻩ اﻟﻤﻌﺮﻛﺔ ﻛﺮر اﻟﻤﺴﻠﻤﻮن ﻧﻔﺲ اﻟﺨﻄﺄ اﻟﻘﺎﺗﻞ ﻓﻲ ﻣﻌﺮﻛﺔ أﺣﺪ ؛ ﻓﻘﺪ ﺗﺮاﺟﻌﻮا ﻟﺤﻤﺎﯾﺔ ﻏﻨﺎﺋﻤﻬﻢ ﻣﻦ ﺟﯿﺶ ﺷﺎرﻟﻤﺎن ، ﻓﻐﻠﺒﻮا وﺗﻮﻗﻒ اﻟﺰﺣﻒ اﻹﺳﻼﻣﻲ ﻋﻠﻰ ﻛﺎﻣﻞ أوروﺑﺎ . ﯾﻘﻮل أﺣﺪ اﻟﻤﺆرﺧﯿﻦ اﻹﻧﺠﻠﯿﺰ : "ﻟﻮ ﻟﻢ ﯾﻬﺰم اﻟﻌﺮب ﻓﻲ ﺑﻮاﺗﯿﯿﻪ ، ﻟﺮأﯾﺘﻢ اﻟﻘﺮآن ﯾُﺘﻠﻰ وﯾُﻔﺴﺮ ﻓﻲ ﻛﺎﻣﺒﺮﯾﺪج وأﻛﺴﻔﻮرد

شاى بلبن

الشاى باللبن مشروب مصرى اصيل خصص للاطفال لكن الواحد مش بيقدر يتخلى عنه لما بيكبر
فى الغالب بيكون وسيلة لجعل الاطفال يشربوا اللبن
و اهالينا كانوا بيحطوا. نص الكباية شاى و النص التانى لبن
و كل ما الواحد بيكبر كل ما بيقلل كمية اللبن
و على فكرة
الشاى باللبن طعمه مش حلو
فعلا
و بيخلى طعم و ريحة الفم مش حلوة
لكن التعود على شئ مش حلو بيخلى الواحد عاجبه و طعمه بالنسبة له حلو
اخيرا
اخيرا
بقيت بشربه من غير سكر
طبعا بقالى كام سنة بشربه بمعلقة سكر واحدة
بس معلقة على كل كباية
و انت و مزاجك بقى
ممكن الواحد يشرب اربع او خمس كبايات
يعنى خمس معالق سكر فى اليوم
جربت السكر البنى و بقيت بعد اسبوعين من استخدامه بقلل الكمية حبه حبه
لغاية ما وصلت لربع معلقة
بعدين فى يوم
محطتش
و لقيت طعمه عادى
و بقالى اسبوع تقريبا على كده
و بالرغم انى اتعودت عليه اكن ه بس اول شفطة بتبقى غريبة
اللى بعدها على طول كويسة
السر ان السكر البنى بيخلى الحاجة طعمها حلو مش مسكر
عارفين الفرق؟
فبقيت بشرب شا حلو خفيف لانها معلقة واحدة و نسيت طعم السكر
فقدرت اقلل الكمية لغاية ما بطلت احط خالص
فرحانة جدا جدا جدا
كدة اقدر اشرب اى كمية فى اى وقت براحتى
و شايى حبيبى جنبى على طول
الحمد لله
(^_^)

يا رب توب علينا من الدراسة

يعنى هو كيفكم تعملوا مادة النقد و المسرح فى يومين ورا بعض
ليه الاذية دى يعنى
الامتحان بعد ساعتين
و نص المنهج كلام عجيب لا بيتفهم ولا بيتحفظ
و النص التانى خلاص عارفاه
هموت و انام
و مش عارفة
خايفة الامتحان يفوتنى
صاحية من امبارح و مش عارفة اعمل ايه الان
يا رب الامتحان ييجى سهل و نحل كويس و ننجح
يا رب ننجح
يا رب عبدالرحمن ينجح
انت عارف انه كويس و انه متعلم كويس و فاهم الكلام ده كويس اوى
بس مش صمام ز العيال الهبلة اللى مبتفهمش حاجة
يا رب باركلنا و ننجح يا رب
يا رب

I have got mail

فعلا الرسائل أبلغ من اى كلام
فرحتنى و ضحكتنى و خليتنى اتبسط و اذاكر كويس
انا دلوقتى حاسه بشعور كاثرين فى فيلم  you have got mail

Knitting wish list

Knitting wish list from amazon uk
http://www.amazon.co.uk/KnitPro-Metal-Interchangeable-Needle-Deluxe/dp/B0076VX5B2/ref=sr_1_6?s=kitchen&ie=UTF8&qid=1340717009&sr=1-6
http://www.amazon.co.uk/KnitPro-Metal-Fixed-Circular-Needles/dp/B0033GPJ68/ref=sr_1_sc_1?s=kitchen&ie=UTF8&qid=1348003556&sr=1-1-spell
http://www.amazon.co.uk/Knit-Pro-KnitPro-Needle-Sizer/dp/B004G3RN8Y/ref=sr_1_fkmr1_1?ie=UTF8&qid=1340717677&sr=8-1-fkmr1
http://www.amazon.co.uk/KnitPro-Single-Cable-Interchangeable-Needles/dp/B004G3O6QG/ref=pd_bxgy_kh_text_b
http://www.amazon.co.uk/Knitting-Accessory-Set/dp/B005RZCBIW/ref=pd_cp_diy_1
http://www.amazon.co.uk/KnitPro-10510-Cable-Connectors/dp/B0054DB85E/ref=pd_cp_kh_2
Some day
I will bought it

رسالة

خطوة واحدة...ضحكة واحدة...احساس بالراحة...تنهيدة ارتياح...مع شكر ربنا...الحمد لله
ساعات الرسائل بتكون أبلغ كتير من الكلام
بحبك

اللى عاوز حد مش بيخلق اعذار

سارةالاسكافى بقالها فترة بتقول ابداعات بصراحة
" , ﻟﻮ ﻫﺘﻜﻠﻢ ﺣﺪ وﻫﺘﻄﻠﻊ ﻣﻨﻪ اﻟﻜﻼم ﺑﺎﻟﻌﺎﻓﯿﻪ .ﻣﺘـــــــــﻜﻠﻤﺶ
, ﻟﻮ ﻫﺘﺒﻌﺖ ﻟﺤﺪ ﻣﺴﺞ وﻋﺎرف اﻧﻪ ﻣﺶ ﻫﯿﺮد ﻣﺘﺒــــــــﻌﺘﺶ.
ﻟﻮ ﻋﺎﯾﺰ ﺗﺸﻮف ﺣﺪ اوي وﻋﺎرف ان ﺷﻮﻓﺘﻚ ﻋﻨﺪﻩ اﺧﺮ ﻫﻤﻪ , ﻣﺘﻄﻠﺒـــــــﺶ.
, ﻣﻔﯿﺶ ﺣﺎﺟﻪ اﺳﻤﻬﺎ ) ﻣﻌﻠﺶ ( اﺻﻠﻲ ) اﻧﺸﻐﻠﺖ ﻣﻌﯿﺶ رﺻﯿﺪ , ﻧﻤﺖ , ﺧﺮﺟﺖ , ﻣﺨﺪﺗﺶ ﺑﺎﻟﻲ ( اﻟﻲ ﻋﺎﯾﺰ ﺣﺎﺟﻪ ﺑﯿﻌﻤﻠﻬﺎ واﻟﻲ ﻋﺎﯾﺰ ﺣﺪ
ﻣﺒﯿﺰﻋﻠﻮش ! "

Sarah El-Eskafy‎

العلاقَات كَـ المنَازل :
بعضهَا ,, يستَحقّ التّرمِيم البسِيط ..
و بعضهَا ,, يستحِقّ الهدم و إعادة البنَاء ..
والبَعض الآخَر ,, يُجبرنَا أن نكتُب عَليه للبَيع ..

خطك يا ماما

كل ما اشوف خط ماما مكتوب فى اجندة او نوت بوك
يوحشنى اوى
و اضحك جدا من اللى هى كاتباه
وحشانى اوى يا ماما
وحشانى اوى اوى
قد ايه انا محتاجة لهزارك دلوقتى
انا بحبك اوى يا ماما

جدولى

اشمعنة موضوع الجدول ده اللى عامل ازمة
عشر مرات
عشر مرات فى خمس سنين
و كمان النتيجة
هو العثور على رقم جلوسى صعب اوى كده
يعنى كل القسم ارقامهم تتجاب سهلة عادى و انا لازم اتسأل عن رقم جلوسى
عجيبة و الله
حاجة تضايق و تعصب جدا

Dreaming with knitting needle

I'm not usually dreams in my sleep
But now
I'm dreaming with knit pro knitting needle twice at the week
How silly is that!
I really need this needle

انتهينا

،اﻧﺘﻬﺖ ﺻﺪاﻗﺘﻨﺎ ﻟﯿﺲ ﺑﻤﺸﺎﺟﺮة أو ﻣﻮﻗﻒ ﻋﻨﯿﻒ" وإﻧﻤﺎ ﻫﻲ ﺣﺎﻟﺔ ﻣﻦ اﻟﻘﺮف واﻟﻤﻠﻞ اﻟﺘﺪرﯾﺠﻲ" ... ﻣﺎ !.. ﯾﻨﺘﻬﻲ ﺑﺒﻂء ﻻ ﯾﻌﻮد ﺑﺴﺮﻋﺔ .. ﻻ ﯾﻌﻮد أﺑﺪًا
احمد خالد توفيق

صديقة شبهى

دورى على صديقة
اسعى انك تقربى من اللى تعرفيهم
دورى على صحاب
مشكلتك انك مالكيش صحاب
دا اى كلام فى الهبل
ادور ازاى يعنى على صحاب
و اسعى ازاى يعنى
اللى اعرفهم اه بكلمهم و اه بنقول حاجات لبعض بس مش كل الحاجات
مش مقربين
مش فاهمة ليه محدش عاوز يفهمنى لما اقول انا عاوزة واحدة شبهى
واحدة اقدر اقولها على كل حاجة
بتفكر زيى ليها نفس خلفيتى نفس اهتماماتى
فاهمانى و مساندانى
واحدة اقدر اكون معاها صدرقة وفية
اقدر اقف جنبها افضفض لها و تفضفضلى
و مش عاوزة صداقات التليفون و النت دى
معنديش مشكلة انى اتعرف على واحدة على النت بس الاهم انى اقدر اشوفها
نروح بيوت بعض
نخرج سوا و نتقابل لما تحتاجنى تلاقينى مش اواسيها بالتليفون
انا اصلا معرفش مواساه التليفون دى عاملة ازاى اصلا
و اللى اعرفهم مافيش واحدة فيهم تحقق اى شرط من الشروط دى
اه عندى صحاب يطلق عليهم معارف زمايل
لكن مش مقربين و حاولت اخليهم مقربين معرفتش
و ايه حكاية ادور على صحاب دى؟!
ادور ازاى يعنى!!!
الصحاب بنقابلهم من خلال الدراسة و الشغل و الخروجات
و انا خلصت الحاجات دى
يبقوا هييجوا زى ما هييجوا بقى
و الحق
انا فعلا محتاجة صديقة شبهى و ليها نفس اهتماماتى
بحاول اتعرف على ناس على النت بس انا مش من الناس اللى بتعمل صداقات مع اى حد
و من احد اسباب وجود المدونة هى العثور على صديقة شبهى
لما تقرأ افكارى و ظروفى و اهتماماتى تتواصل معايا
يمكن فيه حاجة كدة و يمكن لا
الخلاصة
انا خلاص مش هصاحب حد لمجرد وجوده معايا فى الدراسة مثلا فمافيش غيره
او غيرها يعنى انا افضل اتكلم بالمذكر
انا هصاحب اللى شبهى و بس
و السلام ختام

مش هخلى حد ينكد عليا

مش هخلى حد ينكد عليا
خاصة لو كان مايستهلش
انا كويسة
و ضغطى طبيعى
و مش تعبانة
دا كله نفسى
و ظز فى ام اللى يزعلنى
الحمد لله
و الحمد و الشكر لله انى قادرة اعمل كل حاجة بنفسى
صدقوا اللى تصدقوه
و قرروا اللى انتم عاوزينه
و انتم اللى هتنفذوه
المهم اللى ربنا شايفه و اللى ربنا هيحكمه عليا
مش هخلى حد ينكد عليا

دموعى نزلت غصب عنى.انا بحبك يا ماما

مشهد 1
ماما جاية من بره وبترن جرس الباب
انا:مين؟
ماما: انا الميلامين
انا: مين؟!
ماما: انا الميلامين (تضحك)
افتح الباب و اقولها
ايه الميلامين ده؟
ماما: (تضحك)  مش عارفة الميلامين
انا: ايه الميلامين دا يعنى؟
ماما: (تضحك اوى) ايه مش عارفة الميلامين
امشى و اسيبها و اقولها مش عاوزة اعرف
تقعد تضحك هى اوى و تقول الميلامين يابنتى و تضحك

مشهد 2
ماما تكلم حد تسلم عليه و يرد حد من الاطفال مثلا
ماما: الو مين معايا؟
انا: انتى اللى طالبة ماينفعش تقولى مين معايا هو اللى المفروض يسأل
ماتعبرنيش
الطفل: محمد (مثلا)
ماما: ازيك يا محمد
الطفل: انتى مين؟
ماما: (تضحك) انا الميلامين
الطفل: مين؟!!
ماما: (تضحك اوى) انا الميلامين. مش عارفنى؟
الطفل: (ينده على مامته) يا ماما الميلامين بيتكلم. بيتكلم على التليفون
على ما مامته تيجى من المطبخ ماما تقعد تشتغل الحكاية دى معاه هو يقول انتى مين با طنط تقوله انا الميلامين لغاية ما اضحك و اقولها حرام عليكى الواد و هى تضحك

و كانت ساعات تكلمنى فى التليفون عند صاحبتى تشوفنى هرجع امتى، طبعا قبل الموبايل و مامة صاحبتى تقولى: تليفون ليكى يا فاطمة، اقول: مين ، تقعد تضحك و تقولى: انا الميلامين اقولها: عاوزة ايه يا ماما تقولى: لا انا الميلامين و تضحك.
مكنتش بقدر المواقف دى ساعتها

من سنة تقريبا عرفت ان الاطباق البلاستيك اللى بناكل فيها اسمها ميلامين
النهاردة بحكى موقف من دول لبابا قالى : كان فى اعلان زمان بيقول كدة بيقول انا الميلامين عشان كده هى خدت الحكاية دى منه
عيطت و مسكت نفسى و مسحت دموعى و عملت نفسى بضحك على المسلسل
ماتزعليش منى يا ماما

و النبى ماتزعليش منى
و الله انا بحبك بس انتى مكنتيش مديانا فرصة نبين دا
و الله كنت هعملك حفلة فى عيد الام بس انتى مُتى بدرى
و لما قلتيلى اعمل فرح و انا قلت لك لا، فزعلتى قولتلك خلاص هعمل حنة عشان خطرك
و الله كنت هعمل حنة عشان خطرك
الله يرحمك
و يرحم موتى المسلمين اجمعين
ههههههههه
مش انتى كل ما تقولى انا لما اموت محدش هيعيط عليكى كان بابا يقولك طب جربى انتى بس و شوفى هنعيط ولا لا
شايفة دلوقتى
شايفة يا ماما
ياريتك ما جربتى

اعلانات شركات الاتصالات فى مصر. رمضان2012

رمضان السنة دى ظهرت فيه اعلانات تحفة
اعلانات فودافون تموت من الضحك
اعلانات محترمة
مش بيستخفوا بعقل الواحد
فعلا اعلانات محترمة خاصة اول جزء
رجعتلى احترامى فى الشبكة تانى
معادا اعلان سمير غانم لما كان فى المستشفى
مش حلو اوى
و اعلان فاروق الفيشاوى كنت مستنياه
حلو جدا جدا
بس لما كان بيقول لسمير (ممثل) كان بيقولها فعلا كأنه بيمثل
اما بقى اعلان ماما كريمة و سوسن بدر تحفة تحفة
و اعلان سوسن و درة برده كان تحفة
برافو للى فكر فى فكرة الاعلانات دى
عبقرى فعلا
اعلانات اتصالات مبدعة جدا
و اسلوب الوحش الحقيقى دا على الرسومات حلوة اوى
بتضحك جدا
بس مش عاجبنى انهم بيزودوا عدد مستخدمين الشبكة من خلال (سرقة) مستخدمين الشركات التانية خاصة فودافون
لو الواحد ركز عيلاقى اللون الاحمر فى المكاتب او الخلفية لخدمة العملاء اللى بيكلموها
بس الفكرة حلوة
اما بقى موبينيل
كل رمضان تعمل اعلانات احلى من التانية
المرة دى الاغنيات اللى عملوها تجنن
انا لازم اسمعها كل مرة ييجى فيها و اركز معاها
و بدندن بالاغانى دى و انا فى البيت طول اليوم
خاصة اغنية عشان لازم نكون مع بعض و اغنية الالتراس
و اغنية بورسعيد حلوة اوى بس مش بتيجى كتير فمش عارفة احفظها
و اغنية البدوي تجنن
الاغانى كلها جميلة جدا معادا الاغنية الشعبى
بالصدفة اهو جت اغنية البدوى
جميلة جدا
(ما نخذل يوم عشيرتنا تلاقينا رجال و فرسان)
الله عليكم
بس نصيحة
جربوا تحافظوا على المشترين فى الشبكة اكتر من جذب مشتركيين تانيين

رمضان من غير ماما

ماما وحشتني اوى اوى
من اول رمضان و انا عاوة اكلم عبدالرحمن و اقوله ماما وحشتني اوى و اعيط
بس هو مابيحبش عياطى
و قبل رمضان قالى ماتعيطيش قدامى تانى
الله يرحمك
وحشنى ضحكك و حتى نكدك
انا اسفة على كل مرة معملتش الاكلة اللى انتى عاوزاها
اسفة على كل مرة مقعدتش معاكى
اسفة على زعيقى و خناقى
انا بحبك اوى يا ماما

مساعدة عبدالرحمن

26-7-2012

عبدالرحمن كان شغال فى كتاب و بيكتبه على الكمبيوتر
كتاب كبير اوى اوى
و كان عاوز حد يساعده
كنت عاوزة أقوله هاتلى شوية ورق و أكتبه لك بس الصراحة مكنتش ضامنة الاقى كمبيوتر أقعد عليه
بس لما طلب منى قلت له ماشى
و بالصفة حسنى بدأت تنزل المصنع فلقيت اللاب فاضى
قعدت تلات أيام خلصت فيهم تقريبا 70صفحة

فخورة اوى إنى قدرت أقف جنبه فى زنقته و قدرت اساعده
لاول مرة أقف جنبه فى حاجة فعلا
مش كلام و بس
قدرت أساعده و ابقى جنبه لما يحتاجنى

فرحانه بجد زعل كل مرة قالى فيها إنتى مجتيش المكان الفلانى و موقفتيش جنبى فى فرحتى

المرة دى موقفتش فى الفرحة
وقفت فى الأزمة
و ساعدت فعلا
آه منمتش كويس التلات أيام دول
و آه حاسة بوجع بيزن من اول صوابعى لغاية كتفى و نص ظهرى
و آه رجلى وجعانى بشكل يعصب
و من كتر الألم مش عارفة أنام مع إنى خلصت شغل

بس فرحانة
ألم طعمة حلو
ألم يفرح ميبكيش

الحمد لله
ربنا يبارك له فى رزقه

ساعدت عبدالرحمن

26/7/2012
ﻋﺒﺪاﻟﺮﺣﻤﻦ ﻛﺎن ﺷﻐﺎل ﻓﻰ ﻛﺘﺎب و ﺑﯿﻜﺘﺒﻪ ﻋﻠﻰ اﻟﻜﻤﺒﯿﻮﺗﺮ ﻛﺘﺎب ﻛﺒﯿﺮ اوى اوى و ﻛﺎن ﻋﺎوز ﺣﺪ ﯾﺴﺎﻋﺪﻩ ﻛﻨﺖ ﻋﺎوزة أﻗﻮﻟﻪ ﻫﺎﺗﻠﻰ ﺷﻮﯾﺔ ورق و أﻛﺘﺒﻪ ﻟﻚ ﺑﺲ اﻟﺼﺮاﺣﺔ ﻣﻜﻨﺘﺶ ﺿﺎﻣﻨﺔ اﻻﻗﻰ ﻛﻤﺒﯿﻮﺗﺮ أﻗﻌﺪ ﻋﻠﯿﻪ ﺑﺲ ﻟﻤﺎ ﻃﻠﺐ ﻣﻨﻰ ﻗﻠﺖ ﻟﻪ ﻣﺎﺷﻰ و ﺑﺎﻟﺼﻔﺔ ﺣﺴﻨﻰ ﺑﺪأت ﺗﻨﺰل اﻟﻤﺼﻨﻊ ﻓﻠﻘﯿﺖ اﻟﻼب ﻓﺎﺿﻰ ﻗﻌﺪت ﺗﻼت أﯾﺎم ﺧﻠﺼﺖ ﻓﯿﻬﻢ ﺗﻘﺮﯾﺒﺎ 70ﺻﻔﺤﺔ
ﻓﺨﻮرة اوى إﻧﻰ ﻗﺪرت أﻗﻒ ﺟﻨﺒﻪ ﻓﻰ زﻧﻘﺘﻪ و ﻗﺪرت اﺳﺎﻋﺪﻩ ﻻول ﻣﺮة أﻗﻒ ﺟﻨﺒﻪ ﻓﻰ ﺣﺎﺟﺔ ﻓﻌﻼ ﻣﺶ ﻛﻼم و ﺑﺲ ﻗﺪرت أﺳﺎﻋﺪﻩ و اﺑﻘﻰ ﺟﻨﺒﻪ ﻟﻤﺎ ﯾﺤﺘﺎﺟﻨﻰ
ﻓﺮﺣﺎﻧﻪ ﺑﺠﺪ زﻋﻞ ﻛﻞ ﻣﺮة ﻗﺎﻟﻰ ﻓﯿﻬﺎ إﻧﺘﻰ ﻣﺠﺘﯿﺶ اﻟﻤﻜﺎن اﻟﻔﻼﻧﻰ و ﻣﻮﻗﻔﺘﯿﺶ ﺟﻨﺒﻰ ﻓﻰ ﻓﺮﺣﺘﻰ
اﻟﻤﺮة دى ﻣﻮﻗﻔﺘﺶ ﻓﻰ اﻟﻔﺮﺣﺔ وﻗﻔﺖ ﻓﻰ اﻷزﻣﺔ و ﺳﺎﻋﺪت ﻓﻌﻼ آﻩ ﻣﻨﻤﺘﺶ ﻛﻮﯾﺲ اﻟﺘﻼت أﯾﺎم دول و آﻩ ﺣﺎﺳﺔ ﺑﻮﺟﻊ ﺑﯿﺰن ﻣﻦ اول ﺻﻮاﺑﻌﻰ ﻟﻐﺎﯾﺔ ﻛﺘﻔﻰ و ﻧﺺ ﻇﻬﺮى و آﻩ رﺟﻠﻰ وﺟﻌﺎﻧﻰ ﺑﺸﻜﻞ ﯾﻌﺼﺐ و ﻣﻦ ﻛﺘﺮ اﻷﻟﻢ ﻣﺶ ﻋﺎرﻓﺔ أﻧﺎم ﻣﻊ إﻧﻰ ﺧﻠﺼﺖ ﺷﻐﻞ
ﺑﺲ ﻓﺮﺣﺎﻧﺔ أﻟﻢ ﻃﻌﻤﺔ ﺣﻠﻮ أﻟﻢ ﯾﻔﺮح ﻣﯿﺒﻜﯿﺶ
اﻟﺤﻤﺪ ﻟﻠﻪ رﺑﻨﺎ ﯾﺒﺎرك ﻟﻪ ﻓﻰ رزﻗﻪ

خطة شرانية للنوم

خططتى الجديدة لنوم عميق
خطة شرانية خطرة
انا اصلا ضخطى فى العادى واطى
و فى الصيف اوطى
عشان كده
هشرب تمر هندى قبل الفجر على طول
التمر هندى بيوطى الضغط جدا جدا
فهدوغ زى ما حصل اول يوم رمضان
و هيجيلى صداعى
و هنااااااااام
عاوزة انام كويس بقى
خطة شرانية
لكن ما باليد حيلة
امال اخد منوم يعنى
لا لا
اشرب تمر هندى:)

لاه تياه

لاه لاه لاه تياه بسهام العينين رمى

يرنو يرنو يرنو بدلال فيثير بأشواقي ظما

أهواه أهواه وألقاه بأفراح وغنا

وأذيب بألحاني أشواقي نغما

ناد ناد ناد مياد ذو دلال وبها

هل يدري كم يجري بأفكار بأفكار ونها

يغريها يمنيها فتصبو فتصبو وأنى لها

يتمنى يتجنى يلقي يلقي اللوم بها

يا رب اظهر الحق

يا رب اظهر الكاذب و الصادق، يا رب اظهر الحق، و لو على رقبتى.

نورهان جاية

نورهان جاية القاهرة
هتنقل هنا
قد ايه انا فرحانة
عاوزة اتنطط
نورهان من الشخصيات الجميلة اللي اتعرفت عليها من منتدي كلمتنا اول ما بدأ
يعني من سبع سنين تقريبا
تواصلت معاها علي طول اول ما بدأنا كلام
فهمنا بعض علي طول
و قابلتها لما روحت اسكندرية من كام سنة
شخصية جميلة و ....
معرفش
اقول عليها ايه. ....!
نقدر نقول شخصية نضيفة
ممن تبقوا نضاف
معرفش الوصف دا لائق ولا لا
بس هي فعلا نضيف
مؤدبة و ذكية و .... شبهي
بس بجد كان نفسي نفضل علي تواصل علي طول
بس انا بكره الشات
و بكره ان تبقي صاحباتي اعرفهم بس في الشات و التليفون
مفهوم الصداقة عندي مش كده
عاوزة اشوف صحابي
اقابلهم
ابقي جنبهم لما يحتاجوني و العكس
مش بس شات
عشان كده مش بتكلم معاهم لاني عارفة اني مش هقدر اكلمهم علي النت علي طول
انا مش من نوع البنات اللي ماسكة التليفون و فاتحة النت و شغالة شات طول الوقت
انا عاوزة اكون مع صحابي
في ناس حلوة اوي عاوزة اكون معاهم
بس مش عارفة
نورهان و رنا بدوي و سارة اسكافي و مي فتحي
كلهم من المنتدي
بس كل واحدة في محافظة
المهم اني فرحانة جدا ان نورهان هتبقي في القاهرة
عاوزة اتنطط و اقول ياااهووووو

أذي الكتف

تخليت عن التريكو لحين شراء الابر من برا
أذيت كتفي جامد اوي
بقي اي ضغط بيسبب ألم فظيييع
هبطل اشتغل في البلوفرين
و هبطل تريكو
و هحاول احوش و اجيب الابر
متضايقة اوي اوي
دا احسن حاجة استغل بيها الوقت بشكل مفيد
يا رب ارزقنا رزقا حلالا مباركا فيه

مميزات عبدالرحمن

عبدالرحمن حلو اوي اوي
صبور عليكي جدا مع انه مش صبور اصلا
متمسك بيكي اكتر و اكتر
بيتنازل كتير عشانك
كلمته علي رقبته
اللي هيقوله الان مش هيرجع فيه تاني
صادق
لدرجة انه بيقول حاجات ماينفعش تتقال
لكن الواقع هعرفه دلوقتي او بعدين
و هو بيقوله الان
عشان ماجيش بعد كدة و اقول انا مكنتش عارفة ان الموضوع كده
مش بيخدعك
بيعرف يتعامل معاكي
بيسامحك كتييييير
ذكي حنون طيب مثقف متفاهم مساند حبيب رومانسي مجتهد مثابر
بيخاف علي الصالح العام اكتر من الخاص
بيدفعك تبقي احسن كل شوية
بيخاف عليا و علي مصلحتي
فعلا
له هدف و بيحاول يوصله
بيسعي للوصول له و بيسعي في سبيله طول الوقت
مش بيستسلم بسهولة
اه في الحلو و فيه الوحش
بس الحلو اللي فيه يغني هن الوحش
اجتماع الحاجات الحلوة فيه مش موجودة عند ناس كتير
الوحش ممكن تستحمليه
اه ساعات بيكون فوق طاقتك
و مش بتقدري تستحملي
بس العيوب دي احسن عيوب ممكن تلاقيها

لذة الشيكولاتة

بعد يوح حر و عرق طويل
بعد يوم جميل
بعد مود حلو
بعد خناقة و صلح
و انا مروحة اشتريت شيكولاتة فلوتس
و كنت عاوزة حاجة تانية
فلاول مرة اجرب شيكولاتة فليك
روعة
خيال
احساس رائع
طعم الشيكولاتة السايحة.....بس مش سايحة
احلي طعم للشيكولاتة بالحليب و الزبدة
وااااو

وجع الابر

الابر التريكو الطويلة بتسبب الم و ضغط في اليد و الذراع و الكتف و الرقبة
و بقالي تلات ايام عندي وجع في عصب في كف ايدي ما بين الخنصر و البنصر
و وجع في ظهر ايدي ما بين السبابة و الابهام
لدرجة اني لما بشيل طبق مليانبايدي اليمين بتوجعني جدا و بيقع مني
عاوزة اشتري الابر المدورة بسرعة
مش عارفة اعمل تريكو
مش لاقية حاجة اطلع فيها عصبيتي
دا هو اللي بيخفف عني

يادوبك يومين

ماعداش يومين و هموت و اسمع صوتك
لسه زعانة و غضبانة
بس واحشني
و الان
عدي اربع ايام
ابتديت اهدي شوية
امبارح حلمت بيك
وحشتني
بس في الفترة الاخيرة بقيت انانية
بقيت بفكر في نفسي
بقيت بقول لا
مش هبقي صفيحة الزبالة اللي بيترمي فيها غضب كل واحد
كل ما حد يزعل ييجي يزعقلي
ييجي يطلعه فيا
كل ما حد يحب يهدي يكلمني و يزعق فيا
كنت فخورة بدا الاول
كنت مبسوطة اني ملجأ للجميع
و مازلت فخورة
بس مش زي الاول
بقيت بتعب
بقيت عاوزة اتكلم انا كمان و حد يسمعني مش يقولي اه اه و هو مش معايا اصلا
بقيت بتخانق لما تقاطعني
بغضب لما تبقي مش سامعني
بزعق لما تعدل علي كلامي
دلوقتي عارفة شعور ماما كان ايه
لما كانت مش لاقية حد يسمعها
و انا كنت بقولها اه اه كأني سامعاها
و هي كانت عارفة اني مش سامعاها
بس من غلبها
كانت بتكمل الكلام
كانت دائما تقول:
(من عمل يعمل بعد حين )
ماما وحشاني اوي اوي
و انت واحشني اوي
و من ساعة ما ماتت ملقتش حد يخفف عليا موتها
انا غضبانة اوي اوي
انت حاولت تساندني
لكن مكنتش قادر
كنت محتاج اللي يساندك انت كمان
زعلانة
و غضبانة
و عشمي في انك تخفف عني حتي و انت تعبان
من اسباب حبي ليك
انك بتعرف تخفف عني
بتعرف تطلعني من المود اللي انا فيه
بتعرف تتعامل معايا و مع تقلباتي النفسية و مع ظروفي
لكن ملقتكش
و انا كان بقالي فترة طويلة جدا جدا مستحمله عصبيتك و خناقك و مقاطعتك و ضيق خلقك
كنت عاوزاك تقف جنبي تواسيني
انت حاولت لكن مقدرتش
مكنش عندك الطاقة تواسي حد
غضبت
و قلبت الترتبيزة
مش هتسمعني
هزعق و انكد عليك
هتقاطعني
هزعق و اقاطعك و مش هستحمل مقاطعتك ليا
و مش هزعل علي تنكيدي عليك و احاول اصالحك
هقول اهو حبة من اللي بتعمله فيا
طهقت
زهقت
ماما وحشتني اوي اوي
و مش لاقياك لا انت و لا هي
مش لاقية حد
تعبت
تعبت

القلب

إنما سمي القلب قلبا لتقلبه

بتطلعه فيا

انز مش بتطلع اللي مضايقك عليا
انت بتطلعه فيا
عارف الفرق؟
لما تتخانق مع حد او تسمع حاجة في الاخبار
ايا كان اللي مضايقك
بدل ما تبقي عصبي و تيجي تحكيلي و تزعق باللي كنت عاوز تقوله ساعة الخناقه مثلا
او انك تبقي متعصب و مزاجك مش رايق و مش عاوز تتكلم او لما تشوفني تبقي ساكت و مكلش نفس تضحك
او كل الحاجات اللي بمعني انك تطلع غضبك عليا
بدل ما تعمل كدة بس
انت بتعمل كدة بالاضافة انك تبقي غضبان عليا
و مش طايق اي حاجة اعملها
و بتنتقد كل صغيرة و كبيرة فيا
و لو غلطت و طلعت كلمة غلط يبقي نهاري اسود
و تزعقلي بزيادة اوي اوي عن الحد لو فعلا عملت حاجة تعصب صغيرة جدا
او لو كانت كبيرة بس انا مأخدش بالي
تزعق و تتعصب و تخلي حالتي زي القرف علي اساس انها المرة المليون اللي اعملها فيها
مع اني مش مختاجة غير بس تنبيه
بتكبر الحاجة اوي اوي اوي
خنقك ضيق و مش طايق حد
و فعلا مرة اتخانقت مع دبان وشك
بس دي كانت ناموسة مش دبانة
فاهم
انت بتطلعه فيا
لو بتطلعه عليا اقدر استحمل
لو طلعته فيا مرتين تلاتة استحمل
لكن بتطلعه فيا طول الوقت لدرجة اني لما اكلمك اقول لنفسي
هو انا غلطت اني كلمته ولا ايه!!!!
ساعات بحس ان الحاجة الوحيدة اني كلمتك الساعة دي
و انت متعصب
فاتحاشاك احسن
خوفا اني اعصبك اكتر
بقيت مصدقة اني انا فعلا اللي عصبتك
و ان مجرد كلامي معاك زودلك همك
بقيت معتقدة انك مش طايقني وان المشكلة فيا انا
علي فكرة
انت قلتلي عليه مش موجود الان
لا هو موجود
بس هو جوه
الغضب بس عاميني
مخليني مش شايفاه
ولا انت حاسس بيه

صداع

صداااااااع
عندي صداع
فظيع
اه مش باين عليا
بضحك من فيلم شكري سرحان!
بس خايفة اوي
ياتري انا غلطت اني طلعت اللي في قلبي
يا تري مكنش لازم اتكلم و استحمل و اسكت
ولا الاحسن اننا نكمل و كل واحد عارف التاني حاسس بايه
لا
انا غلطت
في حاجات مش المفروض تتقال
اسفة
انا بس ههدي و ارجع
اصفي ذهني و اصفي
احسن فعلا بقيمتك
و هرجع
عشان انا فعلا بحبك

عبدالرحمن

난 널 사랑해

اتعرفت علي واحدة كورية

اتعرفت علي واحدة كورية
اتعرفت علي واحدة كورية
اتعرفت علي واحدة كورية
اتعرفت علي واحدة كورية
فرحانة جدا جدا
البنت لطيفة و بتتكلم انجليزي بسيط زيي
بس انا بتكلم احسن منها
تصدقوا
انا اصلا ضايعة في الانجليزي
فرحانة جدا جدا

عاوزة ابعد عنك

انا مش زعلانة
انا حاسة بغضب فظيع
عاوزة اكسر البيت كله
غضبانة منك
مش عاوزة اكلمك
مش طايقاك
غضبانة عشان مش عارفة اساعدك
غضبانة عشان مش عارفة اواسيك
متضايقة جدا انك مش بتسمع كلامي لما بقولك حاجة عشان تخرج بيها من عصبيتك او تحل بيها موقف
غضبانة منك جدا لانك صعب كدة
مش طايقة نفسي و مش طايقاك
وجودي بيزعجك
لما بتكلمني لما تبقي متخانق مع حد او متضايق و مش بعرف ارد و نفضل ساكتين ببقي عاوزة ازعقلك
ببقي عاوزة اصرخ فيك و اقولك ما انت لو بتعمل اللي بقولك عليه لو بتسمع كلامي كان زماني الان مرتاحة في الكلام معاك و بعرف اواسيك
لما بيخيب ظنك فيا
و تبقي فاكر انك هترتاح لما تكلمي
ببقي غضبانة اوي و مترفزة اوي
عدم وجودي هيبقي احسن
علي الاقل مش بيقي الناس عليك و انا كمان
مش هيبقي الناس. مش فاهماك و انا معاهم
مش هيتحرق دمك اكتر مني
مش هحس بالعجز
و هبطل اعيط
انا زهقت من العياط
انا زهقت من تشبثك بافكارك
انا زهقت من كل حاجة
عاوزة اجازة

كنت

اهو انا كنت عاوزة اقول كدة
معرفش دلوقتي شعوري كدة ولا لا
بس الأكيد هو قد ايه نفسي يبقي شعورك انت كدة
http://fan6azya.blogspot.com/2009/08/blog-post.html

الندم

الندم مش علي اللي عملته
الندم بيبقي علي اللي معملتوش

أمهاتي

خلاتي اتغيروا خالص
بعد ما كانوا حسين انهم ملوك العالم و الكل عندهم عبيد
بعد العنتظة و الغرور و سوء التعامل
بقوا ملائكة
فعلا ملائكة
بعد كل اللي مروا بيه ربنا هداهم
بقوا حلوين اوي
طيبين مهتمين بينا
معاملتهم معانا و مع الناس حلوة
طريقتهم اسلوبهم كلامهم
كل حاجة فيهم بقت حلوة
حبيتهم اوي اوي
بقيت حاسة اني عندي امهات كتير
فعلا بقيت حاسة ان خالتي هي امي
الاتنين
مبقتش حاسة اني لوحدي و ماليش تم تقف جنبي في فرحي
بحبهم اوي
ربنا يخليهم و يصلحهم و يحفظ اولادهم

عاوز مصلحتي!!!!

لما كل واحد يقولي انتي سهل اللعب في دماغك و بتقتنعي بسهولة و بتمشي ورا اي حد يقولك حاجة
و اسمعي مني انا عشان انا عاوز مصلحتك......
يبقي مافيش حد فيكم عاوز مصلحتي

ستو ماتت

امبارح فات بالضبط تلات اشهر علي موت ماما
و ستو ماتت النهاردة الثلاثاء
الحمد لله ربنا رحمها
روحت الدفنة
كنت عاوزة ازور ماما
قريتلها الفاتحة و كلمتها
قولت لها بحبك اوي يا ماما
وحشتيني جدا
ماتخافيش مش هتبقي لوحدك
ستو جاتلك اهي
ربنا يرحمك يا ستو
ماما بتحبك اوي يا ستو
و ادفنتي جنبها اهو الحمد لله
ربنا يرحم موتي المسلمين اجمعين

مستنية إيميل

بقالي كام يوم بدخل علي الجي ميل و اعمل refresh
و قلبي يدق و انا مستنية يحمل
مستنسة يجيلي ايميل
من مين؟
معرفش
فعلا معرفش
مش عاوزة ايميل من موقع اوحاجة زي كدة
مستنية ايميل من حد يكلمني
حد عاوز يتعرف
حد اعرفه بيسأل عليا
حد بالصدفة
معرفش ليه
النهاردة لقيت رد علي بوست عملته قبل كدة
غير معروف
فرحت بيه جدا
اتبسطت اوي
بجد التعليق ادخل الفرحة في قلبي
يمكن دا اللي كنت مستنياه

حلم الأبر

حلم ابر التريكو بيضيع من ايدي
اهي اهي اهي اهي
الجمارك ممكن تصادر اي حاجة و تقولك مش هتدخلها
و توزعها كمان علي العاملين بها
بمزاج امه يتصرف
دا غير اننا هندفع مبالغ طائلة عليها
يعني احسن و آمن حاجة ان حد يكون جاي من امريكا يجيبها معاه
اهي اهي اهي
تعرف حد جاي من امريكا؟

ركبتي

لما كنت في الثانوي كنت واقفة بكلم صاحبتي
بعدين لفيت عشان اقعد جنبها
و انا بلف رجلي الشمال ماتزحلقتش علي الارض عشان تلف مع جسمي
لكن اللي حصل ان جسمي كله لف الا رجلي الشمال
مفصل رجلي الشمال اتفك و لف النص اللي فوق مع فخدي حوالي زاوية 60درجة
و النص اللي تحت فضل ثابت مع الساق و الرجل علي الارض
حسيت بألم لا يمكن ان يتخيله احد
ألم لدرجة اني مكنتش قادرة حتي اعيط لدقيقة
  بعدها عشت تقريبا اسوء شهر في حياتي
لابسة رابط للركبة و مش بعرف اقوم او اقعد او امشي من غير ما اقول في سري ألف آه
و من ساعتها و انا ركبتي الشمال بتفك لوحدها و انا ماشية
و لفت تاني مرتين بعدها
بس طبعا من زي المرة الاولي
المرة الاولي الدكتور قالي ان اللفة دي خلت المفصل اتفك و اتلف و رجع مكاني تاني
و طبعا الاربطة اللي في الجنب اتمزقت و دا اللي مسبب الألم
و علي فكرة رجوع المفصل تاني بيسبب الم اقوي بكتير من خلعه
و قالي مع المرهم و الرابط هتلتحم الاربطة
و اظاهر انها كانت محتاجة علاج تاني بدليل المرتين التانيين الي حصلت فيهم اللفة دي
دا غير موضوع انها تفك و انا ماشية و اقع
النهاردة حصلت تاني
مالفتش بزاوية كبيرة بس مؤلمة جدا
و مش عارفة انام ولا اتحرك
طبعا لازم  اغسل المواعين و نشرت الغسيل و بكره هطبخ
لكن معلش تهون
المرة دي مش هسكت بقي
كلام الدكاترة المصريين الزبالة اللي كل حاجة عندهم عادي عادي مش هاخد بالكلام دا تاني
هروح اعمل اشاعة و اروح الدكتور و يا رب يطلع عدل
و يا رب اتعالج
اصل ماينفعش يبقي عادي اني افضل حاسة طول الوقت ان مفصل رجلي بعيد عن بعض و الرجل التانية طبيعية مش حاسة بحاجة مختلفة فيها
مش عادي ان المفصل يفك كدة بالمعدل العالي دا
دكاترة حمير
90%من الدكاترة اللي عرفتهم طول حياتي بيقولوا عادي
كل حاجة عندهم عادي
العادي ان مايكنش في حاجة
ان مايكنش في شكوي
ان مايبقاش في كلمة حالات طارئة
الجسم مش بيقول كدة
الجسم بينبه الواحد ان في حاجة غلط
بيقوله حد بالك في مشكلة
هيقولك في شكل صداع دوخة شعر يقع اظافر تتكسر او حتي تعطس بدون سبب
الجسم مش بيتكلم علي الفاضي
لازم يكون في مشكلة حتي و لو كانت نقص شوية ألياف في الاكل او نقص فيتامين
لازم يكون في حاجة
انا طولت كدة ليه
تصبحوا علي خير
ياللي مش موجودين

باوند كاك

28-5-2012
ﻋﻨﺪي اﻣﺘﺤﺎﻧﺎت و ﺳﻬﺮاﻧﺔ اذاﻛﺮ و اﻟﺒﻠﺪ ﺑﺘﺨﺮب او ﻫﻲ ﺧﺮﺑﺖ اﺻﻼ ﻻ ﻻ ﻫﻲ ﻛﺎﻧﺖ ﺧﺮﺑﺎﻧﺔ و ﻣﺎزاﻟﺖ ﺧﺮﺑﺎﻧﺔ و ﻫﺘﺨﺮب اﻛﺘﺮ و اﻛﺘﺮ
اﻟﻤﻬﻢ ﻋﺸﺎن اﺷﻐﻞ ﻧﻔﺴﻲ و اﻃﻠﻊ ﻋﺼﺒﯿﺘﻲ و ﻏﻀﺒﻲ و اﺳﻜﺖ ﺟﻮﻋﻲ ﺟﺮﺑﺖ اﻋﻤﻞ ﺑﺎوﻧﺪ ﻛﺎك ﻻول ﻣﺮة
ﻫﻲ ﺻﻌﺒﺔ ﺷﻮﯾﺔ ﺑﺴﺒﺐ ﻣﻘﺎدرﻫﺎ اﻟﻜﺘﯿﺮ و اﻟﻠﻲ ﻫﺘﺰﻋﻠﻲ ﺟﺪا ﺟﺪا ﻟﻮ ﺑﺎﻇﺖ ﻣﻨﻚ
ﺑﺲ ﺟﺮﺑﺖ ﻣﻊ اﻟﻌﻠﻢ ان اﻟﺪﻗﯿﻖ ﻧﺎﻗﺺ رﺑﻊ ﻛﺒﺎﯾﺔ ﻟﻜﻦ ﻃﻠﻌﺖ ﺣﻠﻮة
اﻟﻤﻘﺎدﯾﺮ (اﻟﻤﻘﺎدﯾﺮ اﻟﻠﻲ ﻋﻤﻠﺘﻬﺎ )
ﻛﻮب و ﻧﺼﻒ زﺑﺪة (ﻛﻮب و ﺷﻮﯾﺔ )
3 ﻛﺒﺎﯾﺎت ﺳﻜﺮ (ﻛﻮﺑﯿﻦ و ﻧﺺ )
6 ﺑﯿﻀﺎت
ﻧﺺ ﻣﻠﻌﻘﺔ ﻓﺎﻧﯿﻠﯿﺎ
 ﻧﺺ ﻣﻠﻌﻘﺔ ﺑﯿﻜﯿﻨﺞ ﺑﻮدر
 ﻧﺺ ﻣﻠﻌﻘﺔ ﻣﻠﺢ 3
 ﻛﺒﺎﯾﺎت دﻗﯿﻖ ﻛ
ﻮب ﺟﺒﻨﺔ ﻛﺮﯾﻤﺔ ﻃﺮﯾﺔ (ﺟﺒﻨﺔ ﺳﺮﺣﺎن ﻓﯿﺘﺎ )
ﻃﺮﯾﻘﺔ اﻟﻌﻤﻞ
اﻟﻄﺮﯾﻘﺔ ﺗﻘﻮل ﻧﺨﻔﻖ اﻟﺴﻜﺮ ﻣﻊ اﻟﺰﺑﺪة ﺑﺲ اﻧﺎ اﺗﻌﻠﻤﺖ ﻣﻦ ﻣﺮات ﻋﻤﻲ اﻧﻲ ﻓﻲ اﻟﺤﻠﻮﯾﺎت ﻻزم اﺧﻔﻖ اﻟﺰﺑﺪة اﻻول ﻟﻮﺣﺪﻫﺎ ﻟﻐﺎﯾﺔ ﻣﺎ ﺗﺒﻘﻲ ﻛﺮﯾﻤﺔ ﺣﺘﻲ ﻟﻮ ﻗﻌﺪت ﻓﯿﻬﺎ ﺳﺎﻋﺔ
و ﺑﻌﺪﯾﻦ ﺣﻄﯿﺖ اﻟﺴﻜﺮ ﻋﻠﻲ ﻣﺮاﺣﻞ
و ﺑﻌﺪﯾﻦ ﺣﻄﯿﺖ اﻟﺒﯿﺾ ﺑﯿﻀﺔ ﺑﯿﻀﺔ ﻛﻞ واﺣﺪة ﻟﻮﺣﺪﻫﺎ و اﺧﻔﻖ ﻛﻮﯾﺲ ﺑﻌﺪ ﻛﻞ واﺣﺪة ﻣﻌﺎﻫﺎ اﻟﻔﺎﻧﻠﯿﺎ
ﺑﻌﺪﯾﻦ ﺣﻄﯿﺖ ﻛﺒﺎﯾﺔ اﻟﺠﺒﻨﺔ
و ﺑﻌﺪ ﻣﺎ ﺧﻠﻄﺖ اﻟﺪﻗﯿﻖ و اﻟﺒﯿﻜﯿﻨﺞ ﺑﻮدر و اﻟﻤﻠﺢ ﻟﻮﺣﺪﺗﻢ ﺣﻄﯿﺖ ﺑﺎﻟﻤﻠﻌﻘﺔ ﻋﻠﻲ اﻟﻌﺠﯿﻦ و ﺑﺎﻟﻤﻀﺮب اﻟﻜﻬﺮﺑﺎﺋﻲ ﻃﺒﻌﺎ ﻣﻦ اﻻول ﻟﻐﺎية ﻣﺎ اﺧﺘﻠﻄﺖ
 دي ﻛﯿﻜﺔ ﺗﻘﯿﻠﺔ اﻟﻌﺠﯿﻨﺔ ﻛﺎﻧﺖ ﺗﻘﯿﻠﺔ اوي
ﺣﻄﯿﺘﻬﺎ ﻓﻲ ﺻﯿﻨﯿﺔ ﻣﻔﺘﻮﺣﺔ ﻣﻦ اﻟﻨﺺ ﺑﻌﺪ ﻣﺎ دﻫﻨﺘﻬﺎ ﺑﺎﻟﺰﺑﺪة و ﺑﻌﺪي ﻏﻄﯿﺘﻬﺎ ﺑﺎﻟﺪﻗﯿﻖ
و ﻣﻠﺤﻮﻇﺔ ﺣﺮام ﻋﻠﯿﻜﻲ ﺑﻌﺪ اﻟﺘﻌﺐ دا ﻛﻠﻪ ﺗﻜﺴﻠﻲ ﺗﺠﻬﺰي اﻟﺼﯿﻨﯿﺔ ﻛﻮﯾﺲ و ﺗﺒﻮﻇﻲ اﻟﻜﯿﻜﺔ
ﻻزم ﺗﻐﻄﻲ اﻟﺼﯿﻨﯿﺔ ﻛﻮﯾﺲ ﺟﺪا ﺑﺎﻟﺰﺑﺪة اﻟﻠﻲ ﻃﺎﻟﻌﺔ ﻣﻦ اﻟﺜﻼﺟﺔ و ﺑﻌﺪﯾﻦ ﺗﺘﻐﻄﻲ ﺑﺎﻟﺪﻗﯿﻖ ﻛﻮﯾﺲ و ﺗﺸﯿﻠﻲ اﻟﺪﻗﯿﻖ اﻟﺰﯾﺎدة
و ﻧﻜﻮن ﻣﺴﺨﻨﯿﻦ اﻟﻔﺮن ﻋﻠﻲ درﺟﺔ 180
و ﻧﺤﻄﻬﺎ ﺳﺎﻋﺔ ﻛﺎﻣﻠﺔ
اﻧﺎ ﻋﻨﺪي ﻓﺮن ﻛﻬﺮﺑﺎء ﻓﺴﺨﻨﺘﻪ ﻣﻦ ﻓﻮق و ﺗﺤﺖ و ﻟﻤﺎ ﺣﻄﯿﺘﻬﺎ ﻃﻔﯿﺖ اﻟﺸﻮاﯾﺔ و ﺷﻐﻠﺖ ﺑﺲ ﺗﺤﺖ و ﺑﻌﺪ ﺗﻠﺖ ﺳﺎﻋﺔ ﺗﻘﺮﯾﺒﺎ ﺷﻐﻠﺖ اﻟﻠﻲ ﻓﻮق ﻣﻊ ﺗﺤﺖ ﻋﺸﺎن اﻟﻔﺮن ﻋﻨﺪﻧﺎ ﺣﺮارﺗﻪ ﺿﻌﯿﻔﺔ اﺻﻼ ﻟﻜﻦ ﻃﺒﻌﺎ ﻛﻞ واﺣﺪة ﻋﺎرﻓﺔ اﻟﻔﺮن ﺑﺘﺎﻋﻬﺎ ﻧﻈﺎﻣﻪ اﯾﻪ
اﻧﺎ ﺑﺘﻜﻠﻢ ﻟﻤﯿﻦ ﻫﻮ ﺣﺪ ﺑﯿﻘﺮأ اﻟﻤﺪوﻧﺔ اﺻﻼ ﻏﯿﺮ اﺧﻮﯾﺎ !!!

طرد الحزن

الستات ليهم طرق لنسيان الحزن او الغضب
التريكو و الكروشيه من اهم وسائل طرد الغضب
و بيساعد كتير في طرد خناقات من دماغ الست مع جوزها
الاكل و غسيل المواعين
الخبز و فرحة النتيجة باجمل كيكة
نشر الغسيل و نطره في الهوا بينطر معاه العصبية
الله يكون في عون الرجالة
يعملوا ايه عشان يطلعوا العصبية
انا شكلي هجيب لعبدالرحمن ساند باج يضرب فيها
هجبهاله هدية للجواز ان شاء الله
امال هيعمل ايه لما يتعصب
و انا بصراحة ماليش في المواساه خالص
انا يا اما بنيلها او بسكت و اروح الاوضة التانية
الله يكون في عون الرجالة

ايام الامتحانات

ايام الامتحانات دي الواحد بيبقي حالته زي القرف
طهقان و زهقان و جعان و عاوز تنام
و كمان فوق دا
قدامك اختيارين للمستقبل
علي رأي عبدالرحمن
يا اما تختار واحد يحرقك او واحد يغرقك
تختار مين؟
طب بالذمة الواحد يعمل ايه
يذاكر ازاي
مع العلم انه اصلا مش بيعرف يذاكر و لا طايق يذاكر
انا بجد قرفانة و عمالة اعيط علي الفاضي و المليان
معرفش ليه
يا رب ننجح
يا رب نجينا من المركب اللي احنا فيها دي
اللي راكبين معانا اغبية
و بصراحة انا الي حد ما غبية زيهم
يا رب نجينا

Knit picks needle

بعد تفكير و بحث و سؤال و تفكير و حساب احتياجاتي من الابر
http://answers.yahoo.com/question/index?qid=20120522100643AANs6dB
عشان كدة قررت اشتري الابر النيكل و معاهم ابرتين مقاس اصغر خشب عشان الخيط الرفيع الناعم
يبقي انا كدة الي حد ما غطيت احتياجاتي
يا رب اكون صح في تفكيري
لانه مافيش تراجع بعد الشراء
و مش هينفع اشتري ابرة تانية
انا حسبتها شوية و لقيت ان انو كدة خطيت كل احجام الابر
و ان شاء الله يعيشوا لاخر العمر معايا و يبقوا نافعين
يا رب
انا فرحانة فرحانة

الضمير

انا بحس بالذنب بسهولة اوي
يعني لما حسن يقولي مستني بابا اتعشي معاه و يكون مشغول مايخدش باله ان بابا هياكل
و انا اكون بذاكر و بابا يجهز الاكل لنفسه و ياكل
حسن بيتعصب و يزعقلي ماقولتيش لبابا ليه اني هاكل معاه
انا غصب عني باعتمد ان بابا كل يوم يسأل مين هياكل معايا
بس ساعات بيحس باليأس و مش بيسأل لانه علي طول ياكل لوحده
بحس بالذنب اوي ان حسن مش هياكل معاه مع انه قالي و انا ماخدش بالي اقول لبابا
و اتضايق كمان ان كمان بابا اكل لوحده
بحس بالذنب اوي لما محمد يتحايل عليا اعمل مكرونة بليل و انا اتاخر و بعد ما اعملها يدخل ينام متضايق
ببقي هتجنن و افضل اصحي فيه و ازعق و اقوله بلاش اسلوب المقموصين دا
بحس بالذنب اوي لو نام جعان
بحس بالذنب لو دخلت اذاكر و في احتمال واحد في المية ان حد يطلب حاجة و مايلقنيش فميطلبش
فمش بذاكر و اقول هم اولي من المذاكرة
هو انا بقيت ام ولا ايه!!!

Knit picks needle

انا قربت اتجنن
من ساعة ما عرفت ان في ابر تريكو مدورة و انا بدور علي ابر اشتريها من بره مصر
و لما لقيت دول اتجننت
Options Interchangeable Nickel Plated Circular Knitting Needle Set
لقيتها و اتفسحت شويه في الموقع و قريت reviews عنها
و بعدين لقيتها علي امازون ب 27دولار  .
بس كانت لمدة 26 ساعة و مكنش في فلوس في البنك عشان نجيبها
و الحمد لله اني ماجبتهاش لاني اكتشفت حاجات تانية صغيرة مهمة جدا كنت بدور عليها و اساسية في شغل التريكو و مكنش ينفع اشتريها لوحدها لان الشحن كان هيبقي ست او سبع اضعاف ثمنها
كل تأخيرة و فيها خير
المهم
قررت خلاص اشتريها
بس من يومين ابتديت اقرأ عن الابر الخشب
Harmony wood from knit picks
نفس نوع الابر بس خشب
و مفيدة اكتر في شغل الخيط الناعم عشان بتمنعه انه يتزحلق منها
و قريت التقارير عنها
و اتهبلت بقي
انا قررت اشتري المجموعة كلها من nickel plated لانها هتقعد معايا طول العمر و مش هحتاج اشتري ابر تاني ابدا
دا غير ان سعرها مجمعة ارخص ربع الثمن من تجميعها
بس لما عرفت امكانيات الخشب
و ان النيكل ناعمة اوي هتتعب في الشغل الصيفي
بقيت هتجنن
عاوزة الاتنين
محتاجة الاتنين
بس غالين اوي
طبعا سعرهم فيهم
و هيوفروا فلوس كتير في المستقبل
و هيساعدوا في نمو موهبة و مهارة جميلة جدا
و يمكن من غيرهم اسيب التريكو اصلا
لان الابر اللي في مصر تموت كل المواهب بصراحة
و متعبة
و امكانياتها ضئيلة
بس ماينفعش ادفع الف جنيه في مجموعتين ابر
كفاية خمس مائة في واحدة
مع اني لما اشتري التانية هدفع كتير في شحنها
بس الف كتير اوي
انا ممكن اكتفي بالاولي بس،
خاصة اني بحب الابر النيكل و بحب الابر الناعمة
بس نفسي فيها
النفس بقي
اااااه هموت عليهم
بس الحلو بقي
اني همسك نفسي و استحمل
لغااااية الكريسماس
و لو التخفيضات وصل اني اجيب الاتنين بسعر واحدة الان
او حتي لو وصلوا لمائة دولار
هشتريهم
بس يا رب ينزل سعرهم
ساعتها هبقي اسعد انسانة في العالم
لاني اخيرا هيبقي في ايدي الادوات و الامكانيات اللي هتخليني بني ادم
هتخليني عندي موهبة و مهارة قليل يمتلكوها
هقدر اصنع شئ بايدي غرسة غرسة
ملي ملي
سنتي سنتي
هقدر ابتسم و اقول انا اللي عاملة دا
هقدر اقول انا مش بس ربة منزل مش لاقية شغلانة تقدر تشتغلها و تبدع فيها
مش هبقي بس واحدة تعيسة تطبخ و تغسل و تتفرج علي المسلسلات
مش هتحول لماما
مش هتحول لست مصرية اصيلة عقلها وقف عند الثانوي و اتمسح ما قبله و توقف عن تحديث ما بعده
هيتفتح أفق قدامي
هدور علي مجلات علي تصميمات
هنفذ ملابس محدش لابسها
هبقي منتجة مش مجرد مستهلكة
تخيلوا بقي كل دا من مجرد ابر تريكو اللي مكنتش بحبه اصلا
مش بقول لكم الابر اللي في مصر ماتشجعش علي حاجة ابدا
دا غير اني هبقي فخورة اني الوحيدة من اللي اعرفهم الي يمتلكوا الابر دي
و مين عارف مش يمكن ابقي الوحيدة في مصر اللي عندها الابر دي
يمكن محدش جاله الشجاعة يدفع خمسمائة جنيه في ابر من بره مصر
هبقي ليا قيمة
مش مجرد حاجة

مش محتاجة اتكلم

بعد مرور فترة طويلة من عدم وجود صديقات في حياتي
مبقتش حتي محتاجة اتكلم مع حد لما ابقي تعبانة او متضايقة
بقعد لوحدي اهدي
و مش عاوزة اكلم حد خالص

زي الاطفال

انا عاملة زي الاطفال
بحب حركة المواصلات و برتاح فيها و مش بتعب من هزتها الا اذا كانت قوية لسواق مبيعرفش يسوق
بحب أقعد في التاكسي او العربية
و برتاح و اعصابي بتستريح
و كتير بنام في المكروباص من الجامعة للبيت
طبعا لاني حافظة الوقت الزمني للوصول فبصحي قبل البيت
و في السفر بحب اسافر بالعربية عشان اشوف الصحراء و الجبال و المناظر الطبيعية
و ساعتها مش بنام الا لما بقع من التعب
لاني بستمتع جدا بالطريق مهما طال
الاطفال بيناموا لما يتحركوا لمدة عشر دقائق مستمرة
و بيبطلوا عياط لو اتمشيت بيهم او اخدتهم في عربية و تمشي بيها
اظاهر اني لسة طفلة

وحشاني اوي يا ماما

كل ما افتكر موقف ضحكتك فيه او ضحكتيني فيه
توحشيني
كل ما افتكر سؤالي ليكي عن الافلام القديمة
و انتي تدللي و تجاوبي
و انا اقولك دا انتي موسوعة افلام
و تضحكي
توحشيني
كل ما افتكر ضحكك
عياطك
فرحتك
عبطك
زعلك
تدللك
بتوحشيني
و اقول خلاص مافيش من المواقف دي تاني
خلاص مافيش ضحك
ولا نكد
ولا زعيق
ولا عياط
ولا استعباطي عليكي
ولا دلعي عليكي
ولا هزار
ولا حتي صوت شخيرك
بزعل كل ما افتكر انه خلاص مافيش الكلام دا
انك خلصتي
بكل مميزاتك و عيوبك
لما بفتكر كل مرة طلبتي فيها حاجة مني و انا طنشت
كل مرة كلمتيني كويس و انا مردتش
كل مرة خاصمتك فيها
كل مرة زعلتك فيها
بندم
و اقول خلاص مافيش فرص تانية
مافيش تصليح للاخطاء
بتوجع
بتوجع من ذكراك
الحلوة و المرة
الحلوة مافيش منها تاني
و المرة بندم عليها
انا بحبك اوي يا ماما
سامحيني

النوووووووووووم

قد ايه النوم بقي صعب جدا جدا
يوميا بضيع علي الاقل اربع ساعات مستنية انام تاني
و دا كله بس عشان بقوم علي الفجر ادخل الحمام
مهما عملت
انا زهقت

علشاني

حتي لو كان ملهاش طعم
انا طلبتها منك
يعني سبت الناس كلها و اختارتك انت تقولها
دلوقتي
انا مش عاوزة اسمعها منك ابدا
ولا حتي علشان خطري

وحشتني

عاوزة اكلمك
عاوزة اشوفك
اتمشي معاك لغاية ما ازهق
نضحك
نسكت و نسمع الدنيا
صوت النيل
الشجر
الرياح
نشم طعم الغروب
عاوزة اسمع حكاوي ذكرياتك
عاوزة اضحك
عاوزة اكلمك
نرغي في اي هبل
اقولك بحبك
تقولي شوفتي المزة دي
اتعصب و اقولك لا مش حلوة اوي
تقولي انتي مابتفهميش
تقولي بصي دي بقي
اهي دي بقي مزة مزة
اشوفك و انت بتبحلق فيها و تستعبط عشان اتغاص
ابصلها اتنهد و اسكت
و ابص في الارض
و اقولك اهي دي. بقي مقدر اقول عليها حاجة
دي بقي مزة
عاوزة اكل ايس كريم معاك
عاوزة اقعد في الشمس
عاوزة استناك كتير اوي و انت بتكلم صحابك
عاوزة اعيط علي ماما
عاوزة اخس
عاوزة اهدي
عاوزة اكلمك
بس مش عارفة اقول ايه
هكمل فرجة علي المسلسل الكوري احسن
سلام

اسفة

لما بكون بفكر في حاجة
بحاول ابعد التفكير فيها و اقرأ قرآن عشان اعرف انام
بوصل لنرحلة اني نعسانة جدا
و مش قادرة افتح عيني
و بقعد علي السرير بالساعات هموت و انام
و مش عارفة
حاسة بالذنب
انا اسفة مكنش قصدي ازعلك
بجد مش قصدي
ماتزعلش

سارة الاسكافي قالتها من الاخر

.. أوﻋﻰ اﻟﻤﻈﺎﻫﺮ ﺗﺨﺪﻋﻚ .. وﻻ ﻛﻠﻤﻪ ﺣﻠﻮﻩ ﺗﻮﻗﻌﻚ .. وﻻ ﺻﺎﺣﺐ ﻧﺪل ﯾﻀﯿﻌﻚ .. وﻻ ﻋﯿﺸﻪ ﻣﺮﻩ ﺗﻐﯿﺮك .. وﻻ ﻗﻠﺐ ﻋﺸﻘﺘﻪ ﯾﺤﯿﺮك .. وﻻ ﻧﺎس ﺣﺒﺘﻬﺎ ﺗﺪﻣﺮك وﻻ ﻏﺮﺑﻪ ﺻﻌﺒﻪ ﺗﻜﺴﺮك .. وﻻ ﺣﺒﯿﺐ ﻣﺨﻠﺺ ﯾﺨﺴﺮك .. وﻻ دﻣﻌﺔ ﺣﺰن ﺗﺴﻬﺮك وﻻ ﻛﻠﻤﻪ ﺗﻘﻮﻟﻬﺎ ﺗﺼﻐﺮك .. دى اﻟﺪﻧﯿﺎ ﻟﺤﻈﺎت .. واﻟﻨﺎس ﻣﻘﺎﻣﺎت .. واﻟﺰﻣﻦ .. ﻣﺴﺎﻓﺎت .. واﻟﺤﺐ ﻛﻠﻤﺎت .. واﻧﺖ زى اﻟﻮرد ان دﺑﻞ ﻣﺎت !

استعيد توازني

ابتديت استعيد توازني تاني
النشاط ابتدي يدخل في حياتي تاني
و ان شاء الله هبتدي اذاكر و اضبط نفسي
ربنا يوفقنا
مش بقول اني بقيت كويسة
بس علي الاقل مش تعبانة طول الوقت
بس بقنع نفسي اني كويسة
بعد كلام اختي ليا اتطمنت
و عندي احساس ان ماما عارفة اننا بندعلها

روحت البيت

تعبانة تاني
البيت كئيب

راحة اخيرة

بقالي فترة طويلة في البيت
تعبت
روحت لعمي
و قعدت قعدة حلوة مع مرات عمي
في شئ غريب في البيت دا
لاول مرة من موت ماما و انا حاسة براحة
مافيش خنقة و ضيق صدري
مش تعبانة
قررت ابات اليوم دا
كمحاولة بالاستمتاع بشعور الراحة
بجد حسيت بتغيير من اليومين دول
حاسة اني بقيت احسن

اليوم لسه مخلصش

في كثير من الاحيان ترجع اسباب سهري و عدم انتظام يومي و تسببه في ضغطي المنخفض هو شعوري بان اليون لم ينتهي بعد،و انه هناك الكثير لفعله، مشاهدة فيلم او مسلسل، حياكة التريكو، او التسكع علي النت في فعل لا شئ
فقط اقول
اليوم لسه مخلصش مش عاوزة اضيعه
فينتهي الامر بالنوم متاخرا و الاستيقاظ متاخرا متعبه مثقله باعمال البيت و حينها
يضيع اليوم التالي فعلا
بس

تقبل موتك

انا لسه معيطتش علي ماما لغاية دلوقتي
عيطت خفيف
بس الانهيار و البكاء لفترة بعد التقبل و الاعتراف بانها فعلا ماتت
لسه محصلش
بمنع نفسي
و دا بيزود الوجع اللي جوايا
و اللي عارفيني مدركيين كويس قيمة العياط عندي
طول ما انا معيطش طول ما انا عاملة زي القنبلة
لازم اعيط و اخرج اللي جوايا
الا عمره ما هيتنسي
كل ما اعيط اسكت و تمنع نفسي
لسه معتقدة انها بايتة في الدقي و طولت شوية
و هتيجي في اي لحظة
عندي شعور بالذنب فظيع بيقطع فيا
باني مقدرتهاش و مأكرمتهاش و مفرحتهاش
حاسة بالذنب لاني قولت لبابا بليل انها تعبانة بحاجة في دماغها و بانها محتاجة دكتور و دا مش التعب اللي متعودين عليه
حاسة بالذنب لاني ملحتش عليه يجيب الاسعاف
حاسة بالذنب لاني حسيت يوميها انها خلاص هتموت و سكت
اتأخرنا عليها
و ان التاخر دا سبب موتها
يمكن كانت صحيت و قولتها انا بحبك
ماسمعتش الكلمة دي مني الا في الخناق
عجيبة و الله
وحشتني اوي
وحشني كل حاجة حلوة عملتها عشانا
وحشتني ضحكتها
انا تعبانة اوي
في حفرة سودة في قلبي
بتوجع
الوجع بيزيد
انا تعبانة اوي

الرياضيات

صوت مستر عرفة علي حلو اوي
صوت الموهبة
و انا قاعدة جنب حسني بسمعه بيشرحلها رياضة 2
انا مدرستهاش اصلا
و بقالي خمس سنين معرفش عن الرياضة حاجة
و فهمت
فهمت و هو بيحل مسألة مش و هو بيشرح القانون
فهمت كذا حاجة في درس التباديل و التوافيق
حسيت بشعور وحش جدا
شعور الموهبة الضائعة
عشان مافيش كلية بتدرس الرياضة
حسيت قد ايه انا ماهرة في الرياضة
و ضاعت الموهبة
و الله فهمت حاجات من غير ما يشرحها او يقول عنها حاجة
و فهمت حاجات حسني اتلخبطت فيها
و فكرت غصب عني (يعني حسن و حسني يدخلوا هندسة و انا لا )
بعدي قلت استغفر الله العظيم
ربنا يوفقهم
بس انا عندي مهارة نادرة
هبقي احكي عنها بعدين
بس للاسف كليات مصر مابتعلمش

انا بكدب

انا بكدب
انا مش كويسة
ابتسامتي مصطنعة
مبقتش بنام كويس
بمعني اصح بقع مغمي عليا من التعب علي الفجر
بعد عناء شديد مع الاحساس بالذنب
ماما
انتي كنتي حلوة اوي
و فضلتي حلوة لغاية اخر يوم
بحبك

أنا بحبك اوي يا ماما

تقريبا هكره الليل و هدوءه
كل يوم مش بعرف انام
بقرأ قرآن لماما و افتكرها
افتكر انها عاشت تعيسة
و افتكر كل حاجة حصلت في الشهر الاخير
و كل يوم افتكر حاجة جديدة تدل انها كانت حاسة انها بتموت
النهاردة افتكرت لما طلبت تتفرج علي البوم الصور
و انا تقريبا رمتهولها علي الترابيزة عشان كانت مزعلاني
و اندم
اندم اني مقعدتش جنبها نتفرج عليه سوا و نفتكر اللحظات الجميلة دي
ايه القسوة دي
انا ليه كنت قاسية كدة
وحشتني قوي
انا معنديش مشكلة تموت
بس كان نفسي ابسطها و افرحها
كان نفسي تصدق اننا بنحبها
و اننا فعلا هنعيط عليها لما تموت
و احنا كنا نهزر و نقولها طب جربي كدة
و احنا هنموت من العياط
بس جربي انتي
كانت تضحك
و تقولي حسن بس هيعيط
انتم لا و خاصة محمد
و تقول محمد مش هينزل دمعة
ماما
اديكي اهو جربتي
شايفانا؟
حاسة بينا و سامعانا؟
عارفة اننا بنعيط
مايغركيش ضحك النهار
و التلفزيزن و الافلام و الهزار
تعالي بصي بليل و انتي تشوفي احنا بنحبك قد ايه
نصيحة لكل الناس
نصيحة من واحة عاشت عشرين سنة بتكره امها و بتتمني موتها
لكل واحد بيكره امه
روح قولها انا بحبك و ضحكها
عشان لما تبقي في اللحظة دي دلوقتي
هتحس ابشع وجع في حياتك
هتموت مع كل نفس ليك
و الله بحبك يا ماما بس مكنتش عارفة
سامحيني
و الله بحبك
انتي طيبة اوي يا ماما

البكاء

إبتدا البكاء
في اي فرصة متاحة
طول ما انا فاضية و انا بمنع نفسي من العياط
بشغل نفسي
اتفرج علي فيلم غبي
العب كوتشينة
بس معيطش

الهمزات و التشكيل

انا مبقتش اقعد علي الكمبيوتر خالص
و بكتب في المدونة من التليفون
و مافيش اي تشكيل في الكيبورد
و همزة الالف لازم ادوس علي الالف و افضل هولد عليه و  يفتح قائمة و اسحب للهمزة اللي عاوزاها
فتعب بجد
فاعتذر انا مش هكتب همزة تاني طول ما انا بكتب من التليفون
الواحد بيكون علي باله كلام و عاوز يكتبه بسرعة
و البطء في الكتابة بيضيع الكلام
انا عارفة انا من قسم عربي و عيب انسي الهمزات
لكن بجد تعب
اسفة

الصدمة

في العلم النفسي الإنساني
يمر الإنسان بمراحل خمس بعد الصدمة
1:الإنكار
2:الغضب
3:المساومة
4:الإكتئاب
5:القبول
طبعا مدة كل مرحلة تختلف من شخص لأخر
و كل ما أسمع الموضوع دا أفتكر مشهد من مسلسل monk لما عرف إن الدكتور النفسي بتاعه هيتقاعد و يحول مرضاه لدكاترة تانية
مش هنسي أبدا مونك و هو بيمر بجميع المراحل ورا بعض هلال نص دقيقة و بعدين يعيدها تاني
كان مشهد يموت من الضحك
المهم المهم
الاحد 3/11
بعد رجوعي البيت كنت بأخد دش و سمعت حسني بتقول ألحق يا بابا خالتي بتقول إن ماما ماتت
{الإنكار}
أنا لنفسي:(ماتت إزاي دي المفروض تكون أتحسنت شوية .لا لا دي تلاقيها بتلعب معانا زي ما عملت في السعودية لما ماتت كام ساعة و بعدين صحيت تاني).
بعد ساعتين كلمت حسني في المستشفي
أنا: أيوة يا حسني ، إيه الاخبار عندك
حسني: إيه يعني
أنا: يعني ماما ماتت خلاص
حسني: أيوة ماتت (صوتها مخنوق)
أنا: آخر كلام
حسني: إيوة يابنتي أخر كلام، ايه دا!
أنا: طيب
لنفسي: لا بس ممكن تصحي تاني
الأحد بليل
{الغضب}
لنفسي: يعني إنتي جاية تموتي دلوقتي ما كان عندك من ثلاث سنيت في السعودية ،حد يطول يموت و هو بيعمل عمرة و في رمضان كمان ، دا إنتي غريبة اوي دائما تعملي حاجات غريبة في اوقات غريبة ، يعني إحنا لسه مدبسين في موضوع دخولك المستشفي و إنتي تقولي لا أنا هموت، لو كنتي فاكرة إنك بتريحينا من التعب تبقي غلطانة ، احنا عاوزين نتعب بقي ، أنا كنت عاوزة أقعد معاكي شوية قبل ما تموتي .
الإثنين قبل الغسل و الدفن
{المساومة}
خلاص ماما ماتت بجد ، بس ممكن تصحي دلوقتي ، يا رب تصحي تاني و أنا مش هزعلها تاني ابدا يا رب
و النبي يا رب تصحي زي السعودية، و هعاملها كويس و مش هعمل لها حاجة وحشة تاني و هستحمل منها كل شئ
الأربعاء بليل
بكلم عبدالرحمن
{الاكتئاب}
أنا قلبي بيوجعني أوي ، مكنتش متخيلة إني هزعل كدة ، في وجع صعب أوي مش قادرة استحمل، أخر كلام معاها كان خناقة يوم الخميس بليل لما زعقتلها و قولتلها أنا مش عاوزة حاجة منك تاني ماتشتريش حاجة مش عاوزة حاجة منك ، و دخلت نمت.
إزاي يكون دا آخر كلام مع أمي إزاي يكون أخر مرة أكلمها فيها تبقي كدبة لما قولتلها يوم الجمعة أنا مع إيمان عشان ماتزعلش إني روحت المعرض مع بابا و حسن ، لما تعبت و الكل نام بصتلي بصة صعبة اوي كإنها بتقولي (أخص عليكي يا فاطمة أنا تعبانة و إنتي سايباني كدة خلاص سبيبيني مش عاوزة منك حاجة) و بعدين بصت للناحية التانية
بجد كانت بصة صعبة اوي كانت متضايقة اوي و حزينة اوي و زعلانة مني اوي و تعبانة اوي
أنا كنت عاوزة أعملها مفاجأة يوم عيد الام و اعملها حفلة و أعملها تورتة. أجيبلها ورد و هدية لأول مرة، يعني يوم ما أحتفل بيها زي ما هي عاوزة تموت طب كانت ماتت بعدها باسبوعين بعد عيد الأم.
كنت عاوزة أعملها حاجة حلوة كنت عاوزة أفرحها عاوزاها سعيدة ، مش عشان الثواب، لكن عشانها هي عاوزاها تبقي سعيدة و فرحانة عاوزاها تنسي تعاسة حياتها كلها ، عاوزاها تبقي سعيدة علي الأقل قبل ما تموت ، حاسة إني بنت وحشة أوي أوي و إني كان المفروض أسعدها و محصلش دا ، أنا تعبانة جدا

الأربعاء بليل
محمد سمعني و أنا بتكلم مع عبدالرحمن و قالي بتعيطي ليه
محمد: يابنتي مكنتش زعلانة منك دي خبطت عليا قبل ما تتعب علي طول و كانت كويسة و شكلها صافي مننا مش زعلانة من حد.
أنا: لا كانت زعانة و فهمت إني كدبت عليها و عشان كدة ضغطها علي و تعبت
محمد: يابنتي لا ماتعبتش بسببك و لا كانت زعلانة منك أنا عارف
بابا:دي بعد ما طلعناها من العربية جريت للمقابر
محمد: ايوة انا لما شلتها كنت تعبان و مش قادر أشيل لكن لقيت رجلي بتخبط في اللي قدامي من السرعة كنا بجد بنجري و كانت خفيفة جدا جدا
بابا: شوفتي دا معناه إنها في الجنة إن شاء الله و إنها ماكنتش زعلانة من حد
الخميس بليل بعد ما قرايبنا مشيوا
اتكلمنا شوية عنها و بعدها ارتحت
{القبول}
لنفسي: ماما خلاص ماتت. و في الأن حياة جديدة مستنيانا ، يا رب أحمينا و أحرسنا من كل شر و صبرنا و وفقنا في حياتنا إن شاء الله

قلبي بيوجعني أوي

حاسة بوجع في قلبي جدا
ماتت متخانقة معاها
آخر حاجة قولتها لها: خلاص أرميه و ماتجيبيش حاجة تانية مش عاوزة منك حاجة
سامحيني يا ماما
و فخورة إني بقولك ماما مش أمي
لانك كنتي فعلا ماما
إنتي عملتي اللي عليكي و زيادة
إنتي بس مكنتيش فاهمة صح
بس إنتي تعبتي كتير اوي اوي
أنا أسفة
سامحيني
الله يرحمك

ماما ماتت إمبارح

أنا: ماما تصبحي علي خير
ماما: و إنتي من أهله
أنا: ماما تصبحي علي خير
ماما: و إنتي من أهله
أنا: ماما تصبحي علي خير بقي
ماما: طيب
أنا: يا ماما بقي (بدلع) تصبحي علي خير بقييييي
(تضحك)
أنا يا مااااماااا
ماما: (تضحك) تصبحي قطة من غير ديل
خلاص
أنا:  ماشي(بفرح)
ماما: و الله إنتي هبلة و لسه صغيرة
أنا: ماشي
(في سري) أنا بحبك أوي

أبشع دعوة في الدنيا

أبشع دعوة في الدنيا
انك تدعي لأحد والديك بالرحمة و الموت
لإنك شايف عذابه بعنيك
و إيدك فاضية
و موته راحة ليه

الحاجات الصغيرة المهمة المنسية

عارف
أحنا بننسي الحاجات الصغيرة اللي خلتنا نحب شخص ما
عارف الحاجات دي
أيوة الحاجات اللي بتخلينا نحسن بإرتياح مع شخص ما ، سواء صديق أو زميل أو حتي إنك تفضل أخ عن التاني بدون سبب واضح
لكن هي حاجات صغيرة جدا الواحد مش بياخد باله منها
هقولك شوية حاجات علي بالي الأن
إنت بتعمل حاجات كتير جدا جدا منها
بس الحاجات دي بتتنسي بسرعة
عشان كدة كل ما أفتكر حاجة هكتبها هنا
من الحاجات دي:
-بتمسك دراعي و تسندني لما أنزل من الرصيف و آطلع عليه عشان إنت عارف إن الجيبة ساعات بتبقي ضيقة من تحت ، و إني لما ضغطي بيوطي بفقد احساسي بالإتزان و ممكن أقع علي وشي من غير ما أحس.
-بتتعصب لما أدفع المواصلات، و كل مرة تطلب مني أدفع لما نأكل في مكان عشان الفلوس معاك مش هتكفي بتدفع انت في الأخر ، و أنا عمري ما دفعت حاجة
مع إني حابة إني أشارك في دفع الفلوس الكتير علي الأكل اللى بنكله من برا ،
بس بحب أوي النخوة الشرقية اللي فيك دي لإني عارفة إنها حقيقة مش تمثيل مؤقت
عارف بقي ايه أهم حاجات:
-مش بنحتفل بالفلانتين
-مش بتشيلي الكرسي لما اقعد
-مش بتجيبلي ورد
-مش بتشتريلي دباديب
-مش بتكلمني كل شوية
-مش بترنلي
-مش بتخليني أكلمك كل ما أخرج عشان (استأذن منك)
و دا عاجبني جدا جدا
لإنك عارف إني مش من البنات اللي بتحب الحاجات التافهة دي،
و إنك مش من الرجالة اللي بيعملوا التصرفات المراهقة دي(اقصد هنا أخر أربع أسباب)
و في تصرفات مهمة تاني:
-صادق
-بتقول حاجات عنك و عن عيلتك ماينفعش تتقال، لإن بقيت البنات لما تسمعها بتخاف منها و تقول أنا ليه أتجوز واحد عنده المشاكل دي
و دا عاجبني جدا جدا جدا
إننا مش بنمثل قدام بعض
يعني تتكلم معايا كويس و متتعصبش قدامي و تأكل بشكل كويس و المظاهر الكدابة دي اللي بتبان علي حقيقتها بعد الجواز
-مش بتقولي كلام الافلام من نوع أنا مقدرش أعيش من غيرك و لو عدي يوم و مكلمتكيش معرفش أنام و الكلام الفسقان دا ( مش هقول فكسان)
-بتصحي بسهولة
-محدد في كلامك و في طلباتك
-لا تراعي شعوري
و دي حاجة حلوة لإنها مش تمثيل و بعد الجواز تقول إنتي مراتي و أعمل اللي علي مزاجي و تخبطي راسك في الحيط
-بتسمعني لما أكون تعبانة و بشكي و أعيط و بتستحمل الهرتلة اللي مش مفهومة و بتصبر عليا لغاية ما أهدي
و حاجات و تصرفات تانية كتير بس دا اللي علي بالي الأن
و عشان كده أنا بحبك

My second perfect glass

أنا لبست نظارة لما كان عندي 15 سنة
و أوب نظارة كانت معدن بعدها بكام شهر جربت حوالي 5 نظارات بلاستيك من النوع الرخيص
بعدين أشتريت النظارة السودة
بجد ممتازة و فضلت لبساها ست سنين لغاية ما جابت أخرها
كانت مدهشة
لما تقع بتتقفل و تنزل علي ظهرها
نظارة بتحافظ علي نفسها
و بعدين جبت النظارة البيضاء دي
طبعا كان مستحيل أشتريها لنفسي
إيمان هي اللي أقنعتني بيها
بس بجد تحفة
مريحة و شيك و عريضة و مش شايفة الفرام من تحت
لاني بتخايل بيه و بيضايقني لما ببص لتحت أو لما أقرأ
إن شاء الله تفضل معايا ست سنين كمان
دا إنا قلبت الدنيا علي ما لقيت نظارة كويسة

فين انتاجي؟

أنا بشتغل تريكو من و أنا عندي 8 سنين
أول حاجة عملتها هي باندانا كنت بلبسها عشان أرفع القصة من علي عيني
بعدين أشتغلت كروشيه لغاية ما بقي عندي 18 سنة بعدين رجعت تاني للتريكو
فضلت عشر سنين أعمل محاولات لشنط نجحت فيهم أخر واحدة و أنا عندب 17 سنة
قبلها عملت كذا شنطة و عملت حاجات كتير غير مستعملة و أدبت الشنطة لبنت أم محمد الشغالة
خلصت حوالي شوال خيط ( فعليا شوالة)
لكن مطلعتش إنتاج!!!
في شنط طلع مقاسها مش مظبوط
و حاجات كنت بتسلي فيها
مافيش غير جراب المحمول اللي بطلت استخدمه
دلوقتي عملت كوفيتين واحدة لعبدالرحمن و واحدة لهاجر
و عملت أكتر من عشرة آيس كاب
و تلات شنط ليا
و قربت أخلص شال هاجر
لكن
فين أنتاجي
بقالي حوالي 14 سنة و معملتش بلوفر!!
غير محاولة الكروشية الفاشلة و المركون
بتكسف جدا لما أتسأل السؤال دا
طب إنتي عملتي إيه طول السنين دي؟!!
يا إحرج
بس الأن عقدت العزم
هخلص شال هاجر و مش خعمل حاجة لحد تاني
هعمل البلوفر البني و الفضي اللي جبت خيطهم و هعمل كوفية لنفسي قبل ما أعمل لحد أي حد تاني
لازم أطلع إنتاج لنفسي أقول أنا عملت دا و كذا و كذا
مش معقوله كل السنين دي تدريب بس
هو اه صح أنا محدش علمني كويس أنا علمت نفسي بالأكتشاف بالصدفة
لما كنت أتعلم حاجات صغيرة جدا من كل واحدة تنعم عليا و تقولي حاجة
و أنا مع الممارسة أتعلمت أربط المعلومات ببعضها و أكتشفت حاجات جديدة
لغاية ما تعلمت كل الاساسيات تقريبا و أكتشفت اليوتيوب السنة دي و فتح أفق الابداع قدامي و الأشكال المختلفة
عشان كدة هعمل لنفسي الأول بعدين أفصل للناس
معلش يا عبدالرحمن البلوفر بتاعك هيتأخر شوية
يعني السنة الجاية إن شاء الله
لاني عاوزة أعمله بإيدي غرزة غرزة
مش علي مكنة الجمعية
عاوزاك تقول مراتي عملت البلوفر دا بفخر
و عاوزة أتعب فيه
تعب بحب

الخناقة

لما قولتلك علي اللي مضايقني و اللي خلاني مش طايقاك للدرجة دي
لما قولت لك عن كل حاجة صغيرة استحملتها لغاية تفاقمها و كثرتها
لما قولتلك انك بتعمل حاجات بتخليني أكره أتكلم معاك
لما قولت المشاكل و أسبابها و معناها و رؤيتي ليها و أعذارك كمان
لما قولتك إني فاهمنه ظروفك و فاهمة إنك متقصدش
عبدالرحمن
أنا كنت خايفة أوي
كنت مرعوبة
مرعوبة لتقولي دا غلط و إنتي شايفة الأمور غلط و راعي ظروفي و كل الكلام اللي بتقوله كل مرة و اللي بيكون عندك حق فيه
و يمكن را اللي خلاني أستحمل لغاية ما تفتح الموضوع أنت
عبدالرحمن
أنا كنت مرعوبة
لإني وصلت لمرحلة مبقتش فتكرة فيها أنا ليه حبيتك
كنت واقفة علي السور
لو شديتني ناحيتك هقع في حضنك
و كلمة واحدة منك توقعني بعبد عنك
و يتبني سور بنا مش هتعرف تهده المرة دي
عبدالرحمن
عاوز تعرف أنا ليه عيطت جامد أوي لما قولتلي بعد كلامي كله "عندك حق"
عارف ساعتها أنا حسيت بإيه؟
حسيت بحاجات كتير حدا متناقضة:
1. إني زعلانة منك جدا بقالي مدة كبيرة جدا و الموضوع بيزيد
2. إني زعلتك أوي بكلامي اللي قولته
3. إني مبقتش بحبك لإنك مش إنت اللي حبيته
4. رجعت أحبك تاني لإن الصفات اللي في الشخص اللي حبيته رجعت تاني و أهمها إنك فهمتني و قدرتني
5. إن لأول مرة في خناقة يطلع عندي حق من غير ما تحلل بالمنطق الأجزاء الغلط و الصح في كلامي
6. إنك صدقتني و وثقت فيا لما قولتلك علي حاجات إنت بتعملها مش واخد بالك منها
7. مرعوبة لتكون دي نهاية علاقتنا سواء بإن الكلام دا يأثر عليها و أعترافي بإني نسيت حبك مؤقتا أو سواء بإنك تقولي دا كله عبط و أنا مش بعمل كدة فساعتها هتكون النهاية
8. حسيت قد إيه أنا أخترت (سواء بإرادي أو بغيرها ) الانسان الصح اللي يعترف بالغلط و بحاول بصلحه
9. إحساسي بالظلم الشديد ليك لإني أنا دائما الشخصية النكدية في العلاقة دي و كل المشاكل بتبتدي من جهتي و كل الخناقات أنا سببها
10. إني لأول مرة في حياتي أطلب حقي و يعترف به
كل الكلام و الهرتلة اللي فوق دي حسيت بيها خلال ثانيتين من بعد ما قاتلي عندك حق و بعدها إنفجرت في العياط
ماتتصورش الاحاسيس دي كلها كانت سوا جوايا أزاي
و الأهم من دا كله
إني يا حبيبي سامحتك بمجرد ما قلتلي (عندك حق بالرغم من كل شئ إنتي ليكي حق عليا)
عبدالرحمن
ربنا يباركلي فيك و في حبنا
أنا بجد دلوقتي متأكدة قد إيه أنا بحبك

عشاب بحبك

ﻋﺸﺎن ﺑﺤﺒﻚ ﻣﺮدﯾﺘﺶ أﻧﺎم إﻻ ﻟﻤﺎ أﺧﻠﺺ ﻟﻚ اﻵﯾﺲ ﻛﺎب
ﻋﺒﺪاﻟﺮﺣﻤﻦ أﻧﺎ ﺑﺪأت أﻓﺘﻜﺮ أﻧﺎ ﻟﯿﻪ ﺣﺒﯿﺘﻚ و دي ﺷﻮﯾﺔ أﺳﺒﺎب
• ﺑﺘﺤﺒﻨﻲ
ﺑﺘﺤﺘﺮﻣﻨﻲ
ﺑﺘﻔﻬﻤﻨﻲ
ﺑﺘﺴﺎﻣﺤﻨﻲ
داﺋﻤﺎ ﻋﺎوزﻧﻲ أﺑﻘﻲ أﺣﺴﻦ
ﺑﺘﺴﺘﺤﻤﻠﻲ
ﺑﺘﺮاﻋﻲ ﺗﻘﻠﺒﺎﺗﻲ اﻟﻤﺰاﺟﯿﺔ
ﺑﺘﻮاﺳﯿﻨﻲ ﻟﻤﺎ أواﺟﻪ أزﻣﺔ
ﻣﺘﻘﺒﻞ أﺛﺎر ﻧﺸﺄﺗﻲ
ﻋﺎرف أﻣﺮاﺿﻲ و ﻣﺘﻘﺒﻠﻬﺎ
ﺑﺘﻌﺮف ﺗﻔﺮﺣﻨﻲ
ﺑﺘﻌﺮف ﺗﺤﺘﻮﯾﻨﻲ
ﺣﻨﻮن
ﻧﺼﻮح
ذﻛﻲ
ﺑﺘﺪاﻓﻊ ﻋﻨﻲ
ﺑﺘﺠﯿﺒﻠﻲ ﺣﻘﻲ
ﺑﺘﺰﻋﻞ ﻟﺰﻋﻠﻲ
ﺑﺘﻔﺮح ﻟﻔﺮﺣﻲ
و ﻟﺴﻪ ﻓﻲ ﺗﺎﻧﻲ ﺑﺲ ﺑﺤﺎول أﻓﺘﻜﺮ
ﻹﻧﻲ أﻫﺘﻤﯿﺖ ﺑﯿﻚ ﻟﻸﺳﺒﺎب دي و ﺑﻌﺪﻫﺎ ﺣﺒﯿﺘﻚ ﻛﻠﻚ ﻋﻠﻲ ﺑﻌﻀﻚ ﺑﺎﻟﺤﻠﻮ و اﻟﻤﺮ
ﺳﻮاء وﺟﺪت اﻷﺳﺒﺎب دي أو ﻗﻠﺖ أو أﺧﺘﻔﻲ ﺑﻌﻀﻬﺎ
ﻓﺄﻧﺎ ﻣﺎزﻟﺖ ﺑﺤﺒﻚ ﻃﺎﻟﻤﺎ ﻣﺎزﻟﺖ ﺑﺘﺤﺒﻨﻲ و ﺑﺘﺤﺘﺮﻣﻨﻲ و ﺑﺘﻬﺘﻢ ﺑﯿﺎ و ﺑﺘﺜﻖ ﻓﯿﺎ ﻓﺎﻟﺤﯿﺎة ﻣﺴﺘﻤﺮة
و أﻧﺎ ﻣﺎزﻟﺖ ﺑﺤﺒﻚ

حافظ عليا

أنا ناقصلي خطوة واحدة و أكره الكلام معاك
تتضايق لما أجي أقول حاجة و أسكت و أقولك مافيش فايدة في إعادة موضوع قلناه قبل كدة من غير نتيجة
و ترجع تقول لا قولي و إتكلمي
ابدأ أتكلم تقاطعني كأني مكنتش بتكلم اصلا و تقول حاجة تانية
و تخلص كلام و خلاص
ولا كأني كنت موجودة اصلا
المعني اللي بيوصلي
إني مش مهمة و إن كلامي لا معني له و لا هدف له
مع إني كنت لسه هقولك إني متضايقة إنك عاوزني اتحول تماما للشخصية اللي بتحلم بيها
المثقفة اللي تتناقش معاك مش تسمع بس
مع إنك دائما بتقاطعني و مش عارفة اتكلم اصلا
شكرا
خليتني اكره الكلام معاك
دا انجاز كبير جدا في علاقتنا
مبروك

اتباع القوانين

أنا طول عمري بتبع القوانين

حتي لو كان كل الناس مش ماشية عليها

في المدرسة مكنتش أبدا أنزل من الحصة أو بين الحصص أو حتي في الحصة الأحطياطي

لازم أستأذن المدرس و مشرف الفصل و مشرف الحوش

مع إني لو أستأذنت مش هينزلي

بس القانون بيقول كدة

يبقي مانزلش أصلا

في المحلات لما اشتري حاجة خاصة محلات الطعام

أقف بأدب

الناس تدفع بعض و تحاول توصل الأول

و أنا أقف ولا ست بأعتبار انه صف الستات :)

و معنديش مانع الناس يدخلوا قدامي

أقف لغاية ما اللي قدامي يخلص

و غالبا مش بيخلصوا

لغاية ما البياع يقولي عاوزة أيه

لإنه شايفني واقفة بأدب مش بزق في الناس و مستعجلة

النظام نظام

نفس الموضوع مع كل حاجة

يعني و أنا واقفة علي كولدير أملأ الزجاجة أو بشتري تذكرة المترو أو عند السوبر ماركت

و طبعا كل الناس بيقولولي انتي كدة بتضيعي حقك في أنك جيتي قبل ناس تانية جاية بعدك و دخلت قدامك و مشيت قبلك

و زي ما هم بيعملواأعملي

و أنا بقول لأ أنا هفرض أحترامي و النظام علي الكل

أنا أبدأ و من بعدي الناس تقلد

مؤخرا مبقتش بعمل كدة

و دا مضايقني جدا

في حاجاة كتير جدا أتغيرت فيا السنتين او الثلاث سنين اللي فاتوا

بس ناوية أرجع زي الأول

أنا هعمل الصح و طز في كل الناس

أنا هقف في الطابور اللي مش موجود أصلا

أنا هوسع للناس عشان تعدي مش هسد الطريق

أنا همشي علي القانون

أنا هفرض بأحترامي أن المسئول اللي بتعامل معاه يقولي أتفضلي عاوزة إيه و يمشيني

من غير زعق و لا كلام و لا خطب من نوعية : دي هجمية و لازم يكون في نظام و أقفوا طابور

أنا هقف 

و اللي فاهم هيقف ورايا

و بس

مبقتش مستحملة تريقتك علي ضحكتي أو علي الااااااه بتاعتي اللي زي صوت الجاموسة

أنا عاجبني أقول اااااااااه كدة

و من ساعة ما عرفتني و أنا بقولها

مبقتش مستحملة مقاطعتك ليا

 و زي ما قلتلك أخر مرة

كل مرة هتقاطعني مش هقول بقيت الكلام وهتعامل معاك علي إني قولته

حتي لو بقيت نكدية

و غتتة

و بقفلك

و بخلي المكالمة زي الزفت

أنا هفضل أقول ااااااه

و هفضل أقول فسقان مش فسكان

و هفضل أغلط في الحروف

و مش هكمل كلامي بعد مقاطعتك

وصلتني لمرحلة إني مبقاش يهمني إنك تزعل لما أتعصب و ماكملش كلامي

مابقاش يهمني تتضايق من كلامي

أنا كدة

و هفضل كدة

حبني زي ما أنا

يا إما بلاش احسن

احنا ليه بعدنا عن بعض كدة

يتمنعن و هن الراغبات

أنا فهمت ليه أنا معجبة بالمسلسلات الكورية و مغرمة بأبطالها
عشان البطل بيعمل اللي بنبقي نفسنا رجالتنا تعمله


الست المصرية و الست عامة تقول حاجة و تبقي قصدها حاجة
مابتحبش تصرح باللي هي عاوزاه
أو ساعات بتعمل اللي المفروض يتعمل بس نفسها في العكس
و الرجالة عكس كدة تماما
هو بيفهم اللي قولتيه بالحرف
مش بيفهم أنك قصدك اللي ماتقالش


 البkت تقوله:( مش عاوزة أشوفك تاني عشان اللي عملته فيا و أنت جرحتني جدا و أنا مقبلش بكدة )
و باقي الجملة المسكوت عنه هو :( بس لو اتأسفت لي شوية كمان هسامحك علي طول)
بس هو مش بيفهم دا
و عشان هو بيحبها بينفذ رغبتها و يقولها : خلاص مش هضغط عليكي بس أنا بحبك
و يمشي
لكن هي بتقول لنفسها : شوفتي الخاين ماصدق قولتله امشي راح مشي
مع أنها مافهمتش أنه من كتر حبه ليها و أحترامه لها نفذ اللي هي عاوزاه


لكن في المسلسلات الكورية يقولها : لا مش همشي أنا أسف أنا غلطت و أستاهل اي عقاب غير إني أبعد عنك
البنت تقول لنفسها : هاااااااااااااااي هااااااااااااي :)
و تقوله : لا أنا مقبلش بكدة ماينفعش تحرجني كدة أو تتعامل معايا كدة
و دا عشان توصل له قانون بإن أنا مش حيوانة ماتشية وراك تضرب فيها وقت ما تحب
أنا ليا كرامتي و لازم تصونها
مع أنها عارفة أنه غلط و غصب عنه
و أنها سامحته بمجرد ما جه يصالحها
بس مش عاوزة تصرح أنها ساهلة السماح بالشكل دا
الراجل الكوري بقي :)) (و نعم الرجالة) يمسك أديها و هي ماشية و يقولها :
لا مش هقدر أبعد عنك أنا أسف و سامحيني و أخر مرة و ........ شوية رغي علي الفاضي
و في الاخر تسامحه


و دا محور كتاب الرجال من الزهرة و النساء من المريخ


و علشان كدة انا بحب المسلسلات الكورية أكثر من المسلسلات الأمريكية
عشان الكورية الرجالة فيها بيفهموا أحنا عاوزين ايه
و الأمريكية بينفذوا اللي احنا قلناه


دا مش عيب في اي حد


بس رسالة لكل راجل
احنا صنف ...........
سيبك من اللي بنقوله
و تخيل ايه اللي احنا مقلهوش
و مع أننا فاهمين كل الكلام دا
لكن برده مهما كانت الواحدة واعية و مثقفة و عندها ثقة بنفسها
مش بتحب تصرح بحاجات كتير


احنا صنف ملاوع
صنف يقرف
صنف عاوز الحرق


بس ماتقدروش تعيشوا من غيرنا :)))

إدعاء الغباء

أنا بعمل حركة غبية جدا جدا جدا
محمد أخويا مش بيتكلم إلا بالاستفزاز
كل ما أحاول أفهم حاجة أو نتناقش في حاجة مش بيتكلم
و حرام العلم اللي عنده و مش بينفع الناس بيه
فبقيت دائما بدعي الغباء و الإعتقاد بأفكار متخلفة و غبية عشان يشرحلي ايه الصح
و الحركة دي بقت عامة مع كل الناس

أنا عارفة إني غلط
بس مبقتش عارفة أتكلم مع حد إلا لما يكون هو عارف أكتر مني
يعني لنا أقول لعبدالرحمن إني بتاعب الاخبار و أقوله النهاردة حصل كذه و سمعت ايه اللي حصل
90% من الوقت يقولي عارف عارف سمعت انا كمان
و الكلام بيقفل علي كدة
إلا لو كنت انا عارفة بعض الموضوع و هو أكيد عارف معلومات أكثر من بكتير و يكملي هو الموضوع
لكن لو أحنا الاتنين عارفين فمافيش فايدة من تكرار الكلام تاني
 فساعات ببقي عارفة هو بيتكلم في ايه
و فاهمة و ليا موقف من الموضوع
و لو أتكلمت مع واحدة صاحبتي مش عارفة الموضوع دا بتكلم زيه

بس معاه بدعي المفاجأة و الأستغراب و الذهول غصب عني
بلاقي رد الفعل دا طلع لوحده
فهو يكمل شرح و الكلام يجيب بعضه و يتفتح موضوات كتير
لكن لما ببقي وجهة نظري زيه بيبقي عادي
و نشوف موضوع تاني نتكلم فيه

أنا كنت كدة في الاول
كنت فعلا بتفاجأ و مش عارفة حاجة و لازم حد يشرحلي
و مازلت كذلك لكن عقلي تفتح شوية
مش كتير مش هبالغ
بس بقيت عارفة و مش المفروض أعمل رد الفعل دا
بس الكلام بيخلص
عاوزة الحديث يستمر

الحقيقة أنا بعمل الحكاية دي بدون دراية مني و بدون قصد
كأني أتعودت علي كدة
بس بعد ما يطلع أول رد فعل تلقائي مش بعرف أرجع في كلامي تاني

أنا مش فاهمة ليه الغباء اللي بعمله دا

أنا ساعات بشوف ناس تعمل كدة عشان تجيب أخرك
عشان تعرف أنت بتفكر أزاي و ايه رأيك في الموضوع
و عشان تديك الأمان إنها هبلة و أي كلام  هتقوله مش ممكن تستخدمه ضدك
و الله ممكن يكون دا نوع من أنواع ألاعيب السياسة

بس برده مش حو إني أعمل كدة

بس أعمل ايه
عاوزة محمد يشرحلي و يعلمني اللي م عارفاه
أمال فايدة العلم اللي عندك دا ايه لو مامررتوش للناس من بعدك
دا هيحاسب عليه يوم القيامة

 و بابا دائما يقوله يابني البنت كبرت و بدأت تفهم من غير شرح كتير
علمها
أنت أتكلم و بس
هي بقي مافهمتش مش مشكلتك
أنت اللي عليك تشرح و أن شالله عنها ما فهمت
بس هتتحاسب أنك معلمتهاش لما هي سألت

و دائما أقوله طالما سألت سؤال يبقي عقلي مستعد للأجابة

بس برده مش بيتكلم إلا بالاستفزاز و يقولي إنتي دماغك بايظة و دا غلط و لازم تعمل ي كذا و كذا
طب ما كان من الأول

كمان بقيت مش عارفة تكلم مع عبدالرحمن في أي حاجة من الاحداث الجارية
مهما عرفت من معلومات لما بأجي أتكلم معاه بيكون هو عارف أدها عشر مرات
دائما عارف أكثر مني
ما شاء الله دا كويس
بس دائما الموضوع يتحول أنه يقعد يتكلم هو و يتضايق إني مش عارفة حاجة
فبحاول أسمع الاخبار من كذا جهة و اقرأ شوية من غير ما أدخل معاه في حوار
عشان دائما بيطلع هو اللي بيشرح و يفهم في الأخر
مش عاوزة أضايقه
و في نفس الوقت عاوزة أبقي مثقفة زي ما هو عاوز
بس دائما بيبقي هو عارف أكتر و بيحب بالفجوة المعرفية اللي بنا و يتضايق

طب اعمل ايه بقي
تعبت
بس هفضل أحاول