انا فرحانة  اوي

تاني باترون ليا يتحط علي Ravelry  و في خلال كام ساعة اتحمل 32 مرة!!!!!!!

انا مش مصدقة

انا هموت من افرحة

الحمد لله

و الشكر لله

احسن حاجة حصلتلي في حياتي اني اتجوزت عبدالرحمن

انا وحشة اوي

ازاي امشي الكائن البرئ ده

قطفوطة صغنونة بريئة 

انا اسفة بس خايفة اظلمها

انا مش قادرة اتعود عليها 

خايفة اظلمها و افضل حابساها عشان خايفة منها 

مع انها كتكوتة خالص و لطيفة

بس مش عارفة العب معاها

فرحتك بيها لا توصف

و ضحكك و لعبك معاها يجنن 

بس مش قادرة 

انا اسفة 

انت مشيتها عشاني و التكشيرة قد كده علي وشك

مقلتليش لا

انت ملاك

و انا عاوزة اخليها عشانك 

بس هظلمها و دي امانة 

سامحني

قد ايه كل يوم بحبه اكتر و اكتر 

قد ايه هو انسان جميييل اوي اوي

انا اتجوزت اعظم انسان

الحمد و الشكر لك يا رب

يا رب احفظه و ارضيه و اجمعنا سوا دايما في الدنيا و في الجنة

الامل الحلو مالوش اي طعم من غيره

زي الحياه من عيره مالهاش اي معني

الحمد لله

عاوزة الصحة

نفسي يكون عندي عضلات اكتر

او بمعني اصح يكون عندي عضلات اصلا

كل ما العب رياضة يجيلي cramps

لو ده معناه ان العضلات اشتغلت فماشي الحمد لله

نفسي ابقي عندي صحة

نشيطة و ماجوعش ابدا

الان ال carbs لاعبة في جسمي اوي

بعد ساعتين من الاكل بجوع بشكل غبي

و ده مش جوع ده نسبة السكر في الدم انخفضت

انا فاهمة ده و مش باكل

بس عاملالي هلوسة في دماغي

الكيتو بيلعب في دماغي اوي

و انا في الكيتو كنت ملكة زماني

امشي و اقضي مشاوير في عز عز شمس الصيف بالساعات

و ماجوعش تمااااما

الكيتو حلو اوي

نظام صحي تماما 

لا يشوبه شئ

فيما عدا اني مش باكل فيه شئ اصلا 

باكل بروتين و دهون 

و عدد خضروات يتعد علي الصوابع

صعب صعب

مميت

مش لاني مش باكل carbs

لا خااااالص

بس عاوزة اكل بصل ، طماطم ، ثوم ، بسلة من غير ما اخرب الدنيا

ماباكلش غير كام نوع و بزهق منهم بشكل اووووفر

لو اقدر اكل فراخ و لحمة في كل وجبة صح هعمل الكيتو

بس ده خراب بيوت

لاني المفروض اكل نص الطبق بروتين

ورك فرخة لا شئ بالنسبة لل mecro بتاعي

و زهقت و مليت و اتجننت من البيض

البيض اللي بحبه و بعشقه اصلا

بس لما يوصل الحال اكل ٩ بيضات في اليوم

لاااااااا stop انا زهقت

و في مصر في حاجات مهمة للكيتو غالية جدا زي الافوكادو

اعمل فيها ايه دي بقي 

انا عاوزة اكل كل الاكل اللي خلقه ربنا

مش هقول سكر و دقيق

بس اكل فاصوليا و بقوليات و بسلة و بطاطا و ذرة و قلقاس و جزر و طماطم 

اكل خضاااااار براحتي

الرجيم فعلا فعلا محتاج فلوس 

طبق السلطة فعلا بيتكلف 

بداله ممكن تاكل معلقتين رز بجنيه

فعلا محتاج فلوس

ربنا المعين

اللهم لك الحمد

انا اتجوزت اعظم انسان في الكون

حرفيا ده بجد اعظم انسان في الوجود

اللهم لك الحمد كما ينبغي لجلال وجهك و عظيم سلطانك

انا كنت مستنياكي يا ماما 

بكرة فرحي علي أعظم إنسان في الوجود

رسالة إليكي أمي

ماما حبيبتي

وحشتيني اوي، كنت عاوزة تعرفي غلاوتك عندنا، اديكي عرفتي، انتي كنتي حس البيت و طعمه و جماله، انتي كنتي اللي بتفضي المشاكل و تحليها، انتي اللي كنتي بتتكلمي، انتي وحشتينا اوي

كان نفسي تكوني جنبي، انا عملت كل حاجة لوحدي يا ماما، كل حاجة

انتي اللي كنتي هتقفي جنبيو تساعديني و تشيلي معايا

مطلبتش مساعدة من حد و مكنتش عاوزة اطلب ، محدش يملي مكانك، لو انتي مش موجودة يبقي محدش غيرك يا امي

كان نفسي تفرحيلي 

كان نفسي تمنعيني

انتي لو كنتي موجودة انا مكنتش اتطلقت

كلمتك مكنتش هتفرق بس كان هيبقي في حد في البيت بيقول لا

لو كنتي موجودة كنت هتجوز اسرع لانك كنتي هتجهزيني

انا عشت سنييين طويلة مستنية يوم فرحي عشان هحلم بأم بابا

لكن الان انا بفالي تلات سنين و زيادة مستنية يوم جوازي

عشان اشوفك

تعالي اقعدي معايا و كلميني و قوليلي مبروك انا حاسة بيكي و جنبك و شايفاكي

قوليلي انك فرحانة 

قوليلي انك معايا 

معادنا بعد اسبوع

مستنياكي

انت حياتي كلها 

انت كل شئ

انا بحبك

باقي من الزمن ١٠ ايام 

١٠ ايام و تنتهي رحلة جري و تعب مدتها سبع سنين و تسع شهور و ١٣ يوم 

من اول كلمة بحبك يوم ١٩/٣/٢٠٠٨

لغاية يوم دخلتنا يوم ٣/١٠/٢٠١٥

مشوار طويل اوي 

عبدالرحمن تعب فيه جدا جدا

و انا غلطت فيه كتيييييير

و لازم اعوضه

و افرحه

و انسيه كل حاجة وحشة عدت عليه معايا و قبلي كمان

يا رب اعنِّي علي طاعته و طاعتك

يا رب وفقني اسعده طوال العمر 

انت فعلا احسن واحد في الدنيا كلها

باقي من الزمن ١٩ يوووم 

هااااااا

كل حاجة راحت الشطة خلاص

ناقص افرش و اضبط الحاجة في اماكنها 

و ناقص الكنبة

و بس 

الحمد لله 

الحمد لله 

اللهم لك الحمد كما ينبغي لجلال وجهك و عظيم سلطانك 

كدابة كدابة كدابة

انتي كدابة كدابة كدابة ليوم الدين

دايما و ابداً

هتفضلي كدابة 

نفس الحركة بتفس الاسلوب بنفس الكلام

يااااه انا فرحانة اوي اوي انك مُصرة تعمليها

نازلة النهاردة

ااه

نازلة امتي ؟

كمان شوية

ايوة امتي ؟ الساعة كام ؟

معرفش كمان شوية

جاي دليفري و انا محتاجة انزل ضروري

انا نازلة

يعني قاعدة ساعة مثلا

لأ

كل مرة دار فيها الحوار ده ، مانزلتيش قبل ساعتين

و ٥٠٪ من الوقت مكنتيش بتنزلي اصلا

انت بس مش عاوزة تعملي حاجة ليا

و لما اخوكي يقولك بعد مني علي طول انتي نازلة امتي ده الراجل جاي كمان نص ساعة يادوبك تكوني بتلبسي

علي طول تقولي حاضر

كدابة كدابة كدابة

مالكيش عندي اي مصداقية ليوم الدين

باقي من الزمن ٢٥ يوم الا ساعتين  

باقي علي السعادة الابدية ٢٥ يوم 

كده مافيش كيتو ولا رجيم

تتضبط هي الاول و يعدي شهر الاجازة بعدين نقول رجيم

يا رب كل حاجة تتضبط 

يا رب انت قادر علي كل شئ

اضبط و سهل كل شئ 

لو ارجع لورا

قد ايه نفسي امسح افعالي الثمان سنين اللي فاتوا

قد ابه نفسي افتح صفحة جديدة مع عبدالرحمن

قد ايه عاوزة امسح كل شئ من قلبه و عقله

و ابدأ من جديد

ابدأ صح

و ماعملش فيه اللي عملته السنين اللي فاتوا

نفسي يشوف مني كل خير

نفسي يشوف مني تصرفات صح

مش غلطات ورا غلطات ورا غلطات

انتي تستاهلي 

تستاهلي كل المصايب دي

ضيعتي كل شئ

ضيعتي اهم حاجة في الدنيا كلها

ضيعتي اهم حاجة في الكون

ضيعتي حب عبدالرحمن

حبه اللي الله اعلم هيرجع تاني ولا لأ

الله قادر علي كل شئ

الله يصفي القلوب و يصلحها

قد ايه نفسي ارجع بالزمن 

و ابقي فاكرة اللي حصل و اللي اتعلمت منه

و ابدأ صفحة جديدة معاه

صفحة نظيفة ماجرحوش فيها ولا اقوله لأ علي شئ

صفحة اقوله فيها حاضر علي طول

صفحة اقوله فيها من الاول اننا مشوارنا طويل

اننا مش هنتخطب الا بعد الجامعة

صفحة اضحك دايما فيها و معيطش ابدا

يا رب

انت قادر علي كل شئ

انت القادر

اصلح كل شئ

نفسي ارجع لورا

ساعتها هتعرف عليه تاني و هحبه تاني

بس بشكل مختلف

علاقتي بيه اهم شئ في الكون

وجودي معاه اهم شئ في الحياة

قلتها قبل كده 

لو رجع بيا الزمن هختاره بدل المرة مليون مرة

بس علاقتنا هتختلف

كل المشاكل و الانتظار لازم تختلف

ساعتها كان لازم اقف قدام بابا و اقوله لا انا عاوزة اتجوز الان

لو ارجع بالزمن 

كنت هفضل نفس البنت اللي عبدالرحمن عرفها

اللي بتقوله حاضر و بس

لو ارجع بس لورا

الان هعمل ده

حاضر و بس

اللي انت عاوزه و بس

انا تحت رجليك

و حياتي ملك ايديك

يا رب

احفظه و اسعده و ارضيه

اسعد قلبه و فرحه دايما

استحملي

هو اسبوع تعب و دوخة و تنفس صعب و ألم في الصدر

استحملي شوية

عشان ترجعي للكيتو تاني 

و ترجعي تكملي مشوار انقاص الوزن

و ترجعي لنشاط الكيتو اللي انتي محتاجاه في الشهر الطحن ده

استحملي

كلمته سيف

مافيش حد بيتكلم عن نفسه بصدق

و مافيش حد بيدخل علاقة و يحكي للطريف التاني كل حاجة

و مافيش جوازة يكون الطرفين عارفين كل حاجة عن بعض

دي بعض الاقاويل المشهورة في كللللللل الثقافات و الازمنة

بس انا لقيت العكس

انا كنت العكس

انا كنت بحكي كل حاجة لحبيبي

لاني محبش التمثيل و الخداع

و الحمد لله ربنا رزقني بواحد كده كمان

بيحكيلي كل حاجة لانه مايحبش التمثيل و الخداع

و انا بغبائي و قلة خبرتي ضيعت ده

بوظته و دمرته

اعترف و هفضل اعترف بخطأي طوال العمر

و هحاول ما حييت اني اصلح ده

و ربنا يعيني علي اصلاح ما بنا

المشكلة بقي اني اتجوزت احسن واحد في الدنيا

كلمته واحدة

كلمته سيف علي رقبته

و ده من احسن مميزاته

و من اسوء عيبوبه في نفس الوقت

لاني زي ما بيقول شئ ايجابي بيمشي عليه

بيمشي برده علي اي شئ سلبي بيقوله

زي ما هو لو قالي مش هعمل كذا طالما انتي مش بتحبيه

برده بيقول مش هعمل كذا في لحظات غضب و بعدها بيلتزم بيها

و كل الحاجات دي بتكون بسببي انا

تصرف خطأ عملته بقصد او من غير قصد

و انا متحملة النتيجة

و هتحملها

ااه نفسي يرجع في كلامه الناتج عن لحظات غضب

لكن مش هضغط عليه في ده ابدا

انا بحبه و عاوزة اكون معاه

و غلطت كتيييير اوي

سنين اخطاء

و عاوزاه يكون مبسوط

عاوزة اعوضه عن كل شئ وحش شافه معايا او قبلي

عاوزة يكون مبسوط

هنفذ كل اللي يقوله

كل اللي هو عاوزه 

كل اللي يحبه

المهم اشوف ابتسامته الحلوة منورة وشه

اشوف رضاه في عينه

اشوفه مرتاح البال

انا اتجوزت احسن واحد في الدنيا

ربنا يعيني علي اسعاده يا رب

حبيبي يكفيني

مكدبش و اقول اني مش زعلانة

لا زعلانة 

مش لاقية هدوم و يادوبك بلبس لبس قديم بايظ

و لما الاقي حاجة كويسة مايكنش معايا فلوس و لما يكون في فلوس مالاقيش حاجة

و اغلب الحاجات هتنزل بعد جوازي

و مافيش فلوس للجهاز الاساسي اصلا

و هقضيها معالق بلاستيك للضيوف 😂 

دي تضحك الصراحة 

و شبه متأكدة ان بابا مش هيديني فلوس تاني بعد الجواز عشان اكمل جهازي

بس برده

عبدالرحمن يكفيني

مش مهم لبس ولا اي حاجة من اللي نفسي فيها

المهم اني عاوزة عبدالرحمن

دعيت ربنا يجمعنا ببعض

و الحمد و الشكر لله

و بس

انا فعلا راضية

زعلانة ااه

بس راضية

معرفش تتشرح ازاي دي

بس في عز ما بعيط عشان مش لاقية حاجة كويسة

بفكر ياااه ده انا هتجوز عبدالرحمن بعد شهر

الحمد لله

مش مشكلة عبدالرحمن مش بيفرق معاه

المهم اني عندي هدوم للبيت مش مهم هدوم الخروج

المهم هكون معاه

فعلا راضية و بشكر ربنا

اللهم لك الحمد كما ينبغي لجلال وجهك و عظيم سلطانك

اخيرًا 

ايه السعادة دي

ايه الجمال ده

ايه الفرحة دي

يا رب ديمها نعمة

ابتسامتك

اعمل اي حاجة عشان اشوفها دايما 

اهم حاجة في الدنيا

ابتسامتك و رضاك

انا سعيدة

انا فرحانة اوي اوي اوي

انا سعيدة جدا

اخيرا اليوم ده جه

انا مش مصدقة

انا سعيدة سعيدة سعيدة

و نفسي تكون سعيد جدا 

عاوزة اشوفك فرحان و مرتاح البال

عاوزة اشوفك بتبتسم من غير ما تاخد بالك

عاوزة اشوفك قلبك صافي 

انا بحبك اوي 

اللهم اعني علي طاعته و رضاه

Just do it

"anything will work if you do enough of it, do it hard enough, do it well enough, and do it for long enough."

اقرأيني كل يوم

١-٢-٣-٤-٥ بعدين ردي

فكري اللي قدامك هيفهم ايه مش ايه الكلمات اللي هتوضح قصدك

بطلي تقولي لا كذا

لا بتظهر انك بتقولي للقي قدامك لا انت غلط او لا انا مش عاوزة اسمع منك

لو حاجة فيها قرارات قولي طيب شوية و هرجعلك اقولك

اقعدي و فكري العقبات و ردود الافعال هتكون ايه

عارفة عارفة انك مابتعرفيش تفكري ابعد من رد فعل واحد او رد واحد علي جملتك

اتعلمي

فكري

هتغلطي كتير

بس هتتعلمي

لو معجبكيس رد فعل حد قريب ليكي بعد جملة قلتيها اسأليه بعدين 

مش في نفس اللحظة لكن بعد الحوار ما يخلص

انت اتخضيت ليه ولا وقفت لحظة و فكرت في ايه؟ هل انا قلت حاجة غلط او قلتها بشكل غلط

وضحي كلامك حتي لو اللي قدامك عارفك من و انتي في اللفة ، قولي كل اللي قصدك فيه ماتقوليش ماهو هيفهم ، لا انتي قولي و خلاص

بطلي تتسرعي 

واحدة واحدة الدنيا مش هتطير

فكري و أجلي قرارك حتي لو بتفكري في أكلة

مهما كان الموضوع تافة ، دي هتبقي فرص كويسة تتمري علي التفكير المنطقي

دوري و اقرأي عن التفكير المنطقي و النتائح و الحجج و الفرق بنها و مابين التفسير و الجدال و المناقشة

انتي ماعندكيش ادني فكرة مابين السؤال والاستفسار و مابين الجدال

علي طول الكل بيقولك بطلي تجادلي مع انك بتسألي عشان تفهمي 

انتي الوحيدة اللي قصدك تسألي لمجرد المعرفة و الناس فاكراكي بتجادلي

انتي بتسألي غلط

دوري و افهمي

هتتعبي شوية و اسلوبك كله هيتغير

استحملي 

واحدة واحدة 

اتعلمي الحديث اللبق

اقرأي كل يوم

Search search search

اعتذري كتير لانك هتتفهمي غلط كتير

و انتي غلطانة

ماتقوليش متيهمنيش الناس تفهم ايه

لا يهمك عشان تعاملهم هيتحدد علي اساس ده

واحدة واحدة

شخصية جديدة حياة جديدة و كل حاجة من اول السطر

مش عاجبك نفسك

غيريها كلها علي بعضها

اقرأيني كل يوم عشان تفتكري

افتكري ماتنسيش

اياكي تنسي

لا لا لا 

انتي لا تسألي ولا تقولي حتي رأيك

حاضر و بس

صوته... بينوّر الدنيا

لا إله إلا الله وحده لا شريك له ، له الملك و له الحمد و هو علي كل شئٍ قدير 

اللهم اشرح صدره و اشفي قلبه و صفي ذهنه لشغله يا رب العالمين 

سعيدة يا رب

انا سعيدة اوي

سعيدة بشكل عجيب

و قلبي مستريح و نفسي صافية 

و بالي مرتاح

سعيدة لدرجة اني مش قادرة انام

انا بحبه اوي

و سعيدة معاه اوي

احمدك يا رب و اشكر فضلك

اللَّهُمَّ مَا أَصْبَحَ بِي مِنْ نِعْمَةٍ أَوْ بِأَحَدٍ مِنْ خَلْقِكَ فَمِنْكَ وَحْدَكَ لا شَرِيكَ لَكَ ، لَكَ الْحَمْدُ وَلَكَ الشُّكْرُ

لك الحمد يا رب

اللهم لك الحمد كما بنبغي لجلال وجهك و عظيم سلطانك

اللهم اعنا علي ذكرك و شكرك و حسن عبادتك

اللهم لك الحمد و الشكر

انت ربي لا إله إلا أنت 

اللهم اعنا علي طاعتك

اللهم اعني علي طاعة زوجي و اسعاده

اللهم اعني علي طاعته و اسعاده و تعويضه

لك الحمد و الشكر يا رب

هتعامل

انتم المفروض تتعاملور مع بعض

اوك اوك

زي ما قلت

انا هتعامل مع مشاكلي بنفسي

انا هتعامل و هحل المشاكل ما بنا

زي ما طلبت

ماتجيش تتكلم بعدها

حسبي الله

قلبي واجعني 

بس مش زعلانة 

مش مجروحة اوي الصراحة

بالعكس فرحانة فيه

دي هتعمل فيك عمايل

انا بس مش متخيلة اني هنت عليه للدرجة دي

بس فرحانة ان ده حصل الان

فعلا فعلا قطع قلبي بعد ما ختم عليه

ايه هونت عليه للدرجة دي

اقوله هفضل هتهان في بيتك لغاية امتي و يسكت حتي مايسألش ايه اللي حصل زي كل مرة 

حسبي الله و نعم الوكيل عليه توكلت و هو رب العرش العظيم 

صبرني

يا رب اجمعني بعبدالرحمن علي خير

يا رب صبرني علي الشهر و نص دول

يا رب

افتكري

افتكري و اياكي تنسي

للمرة الاخيرة كبرتك

و قرلت لك انا بقالي عشر سنين بكبرك و انت مش عاوز تجيبلي حقي

لحد امتي هتشتم و اتهان في بيتك

لحد امتي هتهان في بيتك و انت ساكت 

عشر سنين بقولك هاتلي حقي

هفضل اتهان علي طول في بيتك ولا ايه

قال لما اروح

و لما روح

سكتم بكتم

ولا حتي سأل ايه اللي حصل 

شكرا جدا

شكرا

حقيقي انا فرحانة جدا

فرحانة اوي

اختم علي قلبي بدل الختم عشرة

احرق حبك في قلبي بعد ما نزعته

شكرا

انت فعلا هتخليني اعيش احلي حياة مع عبدالرحمن

مافيهاش حتي اي تأنيب ضمير اني مش عاوزة اشاركك فيها فرحتي

اللهم فرق بينا و بين القوم الظالمين

اللهم ابعدنا عن القوم الظالمين

اللهم انزع الغل و الحقد من قلوبنا

فرق بينتا و بين الظالمين

اللهم ابعدنا عن القوم الظالمين

اللهم انزع الغل و الحقد من قلوبنا

يا الله

اجمعني بعبدالرحمن علي حبك و حلالك و رضاك 

و ارزقنا رزقا حلالا طيبا و ارضنا به

و ارضنا ببعض و اسعدنا ببعض

و اصلح النفوس

ابعدنا يا رب عن القوم الظالمين

سبحان مغير الاحوال

سبحان مغير الاحوال

سبحانك يا رب 

حتي بعد الشغل ده اللي مش عاجبني و اللي اكيد مش هكمل فيه 

ااه اتعلمت فيه كتير و اتغيرت كتير

بقيت باخد قرارات تخص ناس تانية من غير ما ارجع لحد ولا اخاف ان حد يقولي انتي غلط

بقيت بفكر قبل ما ارد و ماردش علي الاسئلة

مش اي حد يسألني اي سؤال ارد

بقيت عندي صبر شوية علي الاطفال بعد ما كانت نفسي مقفولة جدا جدا

خرجت و شوفت الناس اللي اكيد مش عاوزة اتعرف عليهم ولا يهموني بشئ

شوفت و جربت و لو لقليل 

بس سبحان مغير الاحوال

انا الان مش بفكر غير في شئ واحد بس

اني عاوزة اعيش طوال عمري اسعد عبدالرحمن و بس

عاوزة اكون ست بيت تحفة عشانه

عاوزة اخص الان عشانه

عاوزة اتعلم طبخات جديدة عشانه

عاوزة اكون جميلة و حلوة عشانه

عاوزة الاقيه مستعجل انه يرجع من الشغل عشان يشوفني

عاوزة اعوضه عن كل القرف اللي شافه مني و من عيلتي 

انا بدعي الان بدعاء واحد بس

يا رب جمعني بعبدالرحمن علي حبك و حلالك و ""رضاك

و اعني علي طاعته و اسعاده

اشرح صدره و صفي نفسه و اشفي قلبه و صفي ذهنه لشغله يا رب""

و بس

مايهمنيش حاجة في الدنيا تاني

وجوده معايا و رضاه و سعادته هم همي الوحيد في الدنيا

و مش عاوزة اي حاجة تانية 

با رب

انت قادر علي كل شئ

انت القادر 

يا رب اصلح الحال

انت الوحيد العالم ما في الصدور 

انت الوحيد العالم انا اتغيرت قد ايه و الاسبوعين دول صحوني ازاي

انت اللي عالم و شاهد

اعني يا رب علي شكرك و ذكرك و حسن عبادتك

اعني علي عبادتك من خلال عبادة زوجي

يا رب

اصلح الحال يا رب

انا جوزي احلي حاجة في الدنيا

و اغلي حاجة في الدنيا

و احسن راجل في الوجود علي الاطلااااق 

من غيره الدنيا مالهاش لزمة

معاه ولا حاجة تفرق

هو و بس

يا رب اعني علي طاعته و حسن عشيرته

بعمل مقياس سمع 

و شكلي فعلا عندي حاجة في ودني

و نش عاوفة ادعي ربنا غير انه يجمعني بعبدالرحمن علي خير و رضاه 

كل دعاى لله لعبدالرحمن و بس

اتفو علي وساختكم 

اتفو علي وساختك

اولعوا بجاز

بتفرج علي برنامج say yes to the dress

 و كل الفساتين الحلوة عمالة تتبدل قدامي 

و اقول الله ده هيكون حلو علي

لالالا ده حلو

نفسي اجرب ده

لا ده

بس بقولك ايه

انا مش عاوزة فستان ابيض ضخم كبير زي سندريلا

مش عاوزة فستان جديد ولا طرحة ولا وردة بيضا تتلف حوالين دراعي كأسورة حورية جميلة

انا راضية جدا جدا بعبدالرحمن

انا بطلب من ربنا يجمعني بعبدالرحمن بس

من غير فرح من غير فستان من غير وردة من غير طرحة

من غير زغاريط حتي 

من غير فلوس ولا جهاز 

من غير تليفون جديد ولا كمبيوتر ولا تلفزيون ولا نت 

يا رب

اجمعني بعبدالرحمن و بس

عبدالرحمن هو كل حاجة

مش عاوزة غيره

يا رب

اجمعنا علي حبك و حلالك و رضاك

يااا رب

يا رب

انت قادر علي كل شئ

اجمعني بحبيبي يا رب

و اسعدنا و ارضينا ببعض

اعني يا رب علي طاعته و سعادته

انا بحبك انت و بس

و مش عاوزة حاجة غيرك انت و بس

يا رب يحفظك ليا

و يبارك لنا في حياتنا سوا

و يرضيك بيا 

اللهم لا تزغ قلوبنا بعد اذ هديتنا و هب لنا من لدنك رحمه انك انت الوهاب

يا رب اغفر لي ذنوبي و غيرني و اعني علي طاعة عبدالرحمن 

يا رب

انت القادر

يا الله اصلح الامور و تم كل شئ علي خير 

يا رب اشرح الصدور و هدي النفوس

اللهم لا تزغ قلوبنا بعد اذ هديتنا و هب لنا من لدنك رحمه انك انت الوهاب

اللهم اشرح الصدور و صفي النفوس و اصلح كل شئ يا رب العالمين

يا رب اهدي النفوس و اشرح الصدور

يا رب اظهر له قد ايه انا اتغيرت

اظهر له قد ايه انا بحبه و عاوزاه

يا رب اظهر له 

يا رب

تم الموضوع علي خير واجمعنا عليحبك و حلالك و رضاك

يا رب اجمعنا علي رضاك

من كام سنة كتبت بوست ان المستور اتكشف و انك في موضوع عبدالرحمن اتكشفت انك عاوز الخراب

النهاردة احب اقولك

انا مكنتش متخيلة إن هيتختم علي قلبي بالشكل ده

مكنتش متخيلة ان هييجي يوم و مايبقاش في ذرة حب في قلبي

حسبي الله و نعم الوكيل 

ربنا هو اللي رجعلي عبدالرحمن

ربنا هو اللي بيحافظ علي البيوت

انتم متعرفوش تعمروا

انتم بتخربوا بس 

لا إله إلا الله وحده لا شريك له له الملك و له الحمد.  هو علي كل شئٍ قدير

يا رب اصلح ما بنا

انا لو هعيش طول عمري تحت رجلك و الله ماهوفيلك حقك ، انت اعظم انسان في الدنيا ، الاهي يقدرني و اقدر اسعدك و يكتب لنا الرجوع ، انا بحبك اوي و مش عاوزة اشوف حد غيرك في الدنيا بعد كده ، انت كل حاجة ليا في الدنيا ، يا رب يحنن قلبك و يهدي نفسك و يشرح صدرك ، يا رب يوريك قد ايه انا اتغيرت و اتعلمت و اتربيت ، يا رب يجمع ما بنا، الاهي اسمحلي اشيلك فوق راسي ، يا رب اديني الفرصة عشان اعوضك عن كل اللي شوفته معايا و مع اهلي ، يا رب رجعهولي و قدرني اسعده و اصونه

يا رب

خدني و خلصني 

با رب

خدني بقي

كفاية كده

كفاية اوي كده كفاية اوي

دعائي ليك با رب

كل ساعة بتمر عليا بكتشف غلطات فظيعة عملتها في عبدالرحمن

كل ساعة بتمر بفكر و ارجع لكل موقف و كل كلمة و كل خناقة

و اكتشف اني كان معايا ملاك

و كنت لما بقول الحمد لله عاي وجوده معايا مش كفاية

انا لو عشت طول عمري اوفي في حقه مش هقدر اكفي نص اللي بيعمله معايا

كل سلعة بكتشف غلطات عملتها و اتعلم منها

يا رب

قدرني علي رد حقه

قدرني اني في كل صلاة اقول الحمد و الشكر لك يا رب علي وجود عبدالرحمن معايا

يا رب رجعه ليا

اهدي النفوس و اصلح الامور

يا رب رجعهولي

يا رب 

انا الوحيد اللي عالم باللي في نفسي

انت الوحيد اللي عالم اني اتغيرت و اني هفضل احبه و اصونه ليوم الدين

يا رب

اهدي نفسه و اشرح صدره و نور طريقه دايما

يا رب

انت عالم كل شئ 

يا رب

الدنيا خلصت خلاص

قد ايه انا استاهل ضرب الجزمة 

قد ايه انا استاهل العذاب اللي انا فيه الان

الاسبوع ده رباني و كشف اسرار ٢٥ سنة

اهي دي القشة اللي قسمت حب بابا و احترامه في قلبي

حتي احترامه و تقديره و فكرة انه عاوز مصلحتي

لالالالا

ده عاوز مصلحته هو

اكيد عاوز يجوزني واحد يجيبله شغل

واحد يجيبله مصلحة تشغل المقنع اللي هو مش عارف يشغله

عاوز عيالي يدوروا في ساقيته

محمد فلت بالعافية

لاخر يوم قبل ما يسافر كان قلبه متقطع هيسيب بابا ازاي و كان المفروض يقعد يشتغل في المصنع من زمان

يوم واحد قبل السفر كان بيفكر يغير قراره بسبب بابا

الان بيقول ياااه ده انا كنت غلطان بشكل لا يطاق

ده انا كنت هفضل طول عمري تعيس

انا لاول مرة اعرف يعني ايه حياة و يعني ايه سعادة و يعني ايه قرارات اخدها لوحدي

محمد قال كده

ياااه 

صحي لما مشي

و انا صحيت و انا لسه معاه

ضربني علي قفايا حتة قلم

صحاني و خلاني اشوف واحد واحد حواليا 

اشوفهم زي المثل اللي هو بيقوله دايما 

"اشوف مين بيخريني و مين بيبديني عن نفسه"

خسرني الحاجة الوحيدة الحلوة في الدنيا

مش الحاجة الوحيدة الحلوة في حياتي لا

الحاجة الوحيدة اللي حلوة في الدنيا كلها

عبدالرحمن هو كل شئ

هو اللي كان بيفضل جعان عشان يجيبلي حاجة انا عاوزاها

هو ابويا و امي و اخويا و احب انسان ليا في الكون

انا قلبي متقطع اوي 

مش عاوزة اشوف بابا تاني ولا اتعامل معاه

يادوبك هعتمله بالحسني و هصل رحمه عشان ربنا

عشان مش هيخسوني ربنا كمان

ولا هدخل النار بسببه

كفاية النار اللي انا فيها الان

كفاية العذاب اللي انا فيه الان

حسبي الله و نعم الوكيل

حسبي الله و نعم الوكيل

فوضت امري ليك يا رب

اصلح اي شأني كله 

اصلح الامور يا رب و رجعلي عبدالرحمن

انت عالم باللي في الصدور و عالم اني فهمت و اتغيرت

انت الوحيد اللي عالم 

اصلي لي الامور و رجع عبدالرحمن

انا بكره نفسي اوي

انا غلطانة غلط العمر كله

و اتربيت 

و اتعلمت

بكره اني طعت بابا

بكره اني كنت مطيعة كده

بكره اني سمعت كلامه 

بكره اني مأحرجتهوش

يا رب

يا رب

انت رب العرش العظيم

انت خالق كل شئ و مليكه

انت رب السماوات و الارض

انت قادر علي كل شئ

اصلح الامور يا رب

و رجعني لعبدالرحمن يا رب

و اعني علي طاعته و حسن معاشرته

اعني علي طاعتك يا رب

اعني يا رب

كلامي ليك و سؤالي ليك و طلبي منك

يا رب

اصلح الامور

رجعنا لبعض علي خير

انت عالم باللي في القلوب 

انت مطلع علي كل شئ و عالم ما تخفي الصدور

انت عالم اني اتغيرت

ان عالم اني مش هغلط تاني

اعني يا رب

اعني يا رب

يا رب

اللهم إني اعوذ بك من شر نفسي

لا اله إلا أنت سبحانك إني كنت من الظالمين

اللَّهُمَّ أَنْتَ رَبِّي لا إِلَهَ إِلا أَنْتَ ، عَلَيْكَ تَوَكَّلْتُ ، وَأَنْتَ رَبُّ الْعَرْشِ الْعَظِيمِ , مَا شَاءَ اللَّهُ كَانَ ، وَمَا لَمْ يَشَأْ لَمْ يَكُنْ ، وَلا حَوْلَ وَلا قُوَّةَ إِلا بِاللَّهِ الْعَلِيِّ الْعَظِيمِ , أَعْلَمُ أَنَّ اللَّهَ عَلَى كُلِّ شَيْءٍ قَدِيرٌ ، وَأَنَّ اللَّهَ قَدْ أَحَاطَ بِكُلِّ شَيْءٍ عِلْمًا , اللَّهُمَّ إِنِّي أَعُوذُ بِكَ مِنْ شَرِّ نَفْسِي ، وَمِنْ شَرِّ كُلِّ دَابَّةٍ أَنْتَ آخِذٌ بِنَاصِيَتِهَا ، إِنَّ رَبِّي عَلَى صِرَاطٍ مُسْتَقِيمٍ

يا رب انام مصحاش تاني

حسبي الله و نعم الوكيل فيك يا بابا 

منك لله

ضيعتلي طفولتي و شبابي و مستقبلي

منك لله

عمري ما هسامحك

لو جنتي تحت رجليك برده عمري ما هسامحك

منك لله

ضيعت الحاجة الوحيدة اللي حلوة في حياتي

منك لله

منك لله

يا رب

يا رب رجعنا لبعض

يا رب

مش هلجأ الا ليك

يا رب

دعائي ليك و غرضي من الاول كان رضاك

مكنتش عاوزة اقف يوم القيامة اقولك انا كنت مطيعة و بس

تسألني عملتي ايه في حياتك و وقتك و علمك

مكنتش عاوزة اقولك انا كنت مطيعة لابويا و مطيعة لجوزي 

كنت عاوزة اخد موقف

اقول لا

انا هعمل اللي عاوزاه

هدرس و اشتغل

و ماسمحش بحد يتحكم فيا

كنت فاكراه قاصد

لما اتأكد انه مش واعي اصلا هو بيعاملني ازاي 

قلت لا

هو مش قاصد

هو بس مش فاهم و مش واعي

ممكن يتغير

و غيرت كلامي

و قلت هرجع

لولا بابا

منه لله

منه لله

حسبي الله و نعم الوكيل

يا رب

رجعلي عبدالرحمن

يا رب حنن قلبه و رجعنا في رضاك

يا رب

يا رب

انر بصيرتي

و ماتخلنيش اسمع كلام حد تاني

و ماتخلنيش اخاف تاني

متخلنيش اخسر عبدالرحمن تاني

با رب

يا رب 

يارب انت عالم باللي في القلوب

و عالم بجهلي و ضغفي و غبائي

يا رب

انا كل اللي كنت عاوزاه اكون بنت بارة و زوجة صالحة

كنت عاوزة عبدالرحمن يفرح بيا

يقول فاطمة اخدت موقف في حياتها و قررت تصلحها

كنت عاوزاه يفتخر بيا 

يا رب

يا رب

اكتبلنا الخير ما بعض

اكتبلنا رضاك و احنا سوا

اكتبلنا السعادة مع بعض

يا رب

يارب اشرح صدره 

و اصلح حياته من بعدي

يا ربماخلنيش انا السبب في دماره

يا رب 

يا رب

"هو و بس" زن زن

ام الزن اللي في دماغي

" بس انا عاوزة عبدالرحمن ، بس انا هعتوزة عبدالرحمن" زن زن زن

مش عاوز يقف

مش عاوز يبطل

" انا بحبه و عاوزاه بس مش كده" زن زن زن

"يمكن يتصلح بعدين و يمكن تتقابلوا تاني ، ماهو اصلك لو فاكرة انك هتنسيه تبقي عبيطة ، ده هو كل حاجة " زن زن 

اكتر حاجة نفسي اعملها الان اني اجري اترمي في حضن حبيبي و اعيط و اشتكيله من جوزي 

هبل مش كده

كأنهم اتنين مش واحد

يا رب

وجهنا للافضل و الاصلح و لرضاك يا رب

يا رب اربط علي قلوبنا و اهدنا 

يا رب 

صداع

 قلبي بيتقطع مليون حتة

😤😤

اهدي خالص و تعاملي عادي جدا

كأنك متجوزتيش اصلا عشان جوزك يروح معاك 

عادي جدا

اهدي كده و ماتزعليش

روحي و اتبسطي و اكدبي جوزي مشغول 

عااااادي جدا 

حكمة خواطر ١١

قول لي و سوف أنسي

ارني و قد أتذكر

اشركني و سوف افهم 

و انت معايا

قد ايه انا نفسي اعيش مع عبدالرحمن

الراجل ده حلو اوي

احنا مع بعض في البيت حاجة تانية خالص غير التليفون غير و احنا في الشارع

انا ساعات بحس اني بحب شخصيتين

شخصية في التليفون لما ازهق منها احن للشخصية البيت

و شخصية البيت اللي بعد ما يمشي ابقي عاوزة اجري احكي اليوم كله لشخصية التليفون

ايه الراجل ده

ايه الحنية دي

النهاردة كالعادة عمال يُصر اني اشرب لما المغرب أذن 

و لما قعدت عشان نفطر لقيته بيمسك ايدي و بيحط فيها بلح

نفسي اشوفه كده طوااال العمر

نفسي يبقي حلو كده و حنين و مراعي كده طوال العمر

انا حرفيا بقعد علي الترابيزة في رمضان مهدودة حتي لو مش عاملة اكل كتير 

بس وقفت المطبخ في الصيف مع الصيام و كل واحد بياكل أكلة مختلفة 

اااااخ ده عذااب 

و الاستعجال خاصة لما الاذآن يآذن

بقعد مش شايفة قدامي و مش عاوزة اصب لحد يشرب او ياكل

لكن علي مين لازم طبعا اقطع الاكل و اغرف و لو لبابا علي الاقل

لكن لما الاقي حد يديني اكل في ايدي عشان او يصب لي العرقسوس 

يا سلام 

ايه النعيم ده 

تعب اليوم كله راااح

و قلبي اتملي شيكولاتة 😍😍 

ربنا يخليك ليا 

و يجمعنا علي حبه و حلاله و رضاه

انا بحبه و عاوزاه

و مهما حصل طالما هكون معاه خلاص

انا عاوزه اكون معاه انا عاوزاه

في ايه تاني بعد الكلام ده

انا بحبه و عاوزاه 

و مش مغصوبة علي الاستمرار لو مش عاوزه

ولا مغصوبة اكمل مسيرة مش عاجباني

استمراري اكبر دليل علي حبي

انا عاوزاه مهما حصل

هو ده الانسان اللي عاوزه اشرفه جنبي لاخر يوم في عمري

هو ده و بس

Want health . Be a keto

Oh I hate this awful felling after few hours from eating sugar 

This false hunger after suger burn, Just because of useless bite of carbs 

HATE IT HATE IT HATE IT

I want to be a keto 

Allah help me to be a keto

Keto is health 

قد ايه كنت بفرح بكلمة " انت تكفيني يا زهرتي "

شكلي مش هسمعها تاني 

انا بعمل دايت كيتو ketogenic 

و ربنا يقويني 

انا تعبت اصلا

ربنا يقويني و يعطيني النتيجة 

يا رب 

انت بالدنيا

في حياتي كلها بكل مراحلها ، مخلص ابدا ان واحد حاول يتعرف عليا او يفكر يرتبط بيا

ابدا 

و انا كنت فخورة بده جدا علي فكرة ، كنت حاسة إن ده دليل علي احترامي و أني مش من البنات اللي بتصاحب و تسيب واحد و تروح للتاني كأن الموضوع لعبة

و مازلت فخورة بالموضوع ده ،لكن...

مش هنكر إني فكرت كذا مرة في سؤال "اشمعني!"

"هو أنا مش حلوة ،ولا متحبش ، يعني مافيش حد عرفني شوية و حس بانجذاب فحاول يجس نبض الموضوع و يسأل حتي عن رأيي في الموضوع "

اي بنت عاوزة احس انها محبوبة

لكن مهمنيش الموضوع ، و انا اصلا مكنتش بدي فرصة لحد يتعرف عليا

انا معرفتش ولا. غير اللي بياخدوا معايا الدروس اللي عمري ما اتكلمت معاهم او هزرت لما كان كل اللي في الدرس يهزر سوا ،حتي كمجموعة بتتكلم كلها سوا

و مافيش غير اللي عرفتهم من منتدي كلمتنا 

و برده مكنتش بسمح لحد يعدي حدوده في الكلام

فاصلا اصلا مين هيجيله الفرصة يتعرف عليا و يُعجب بيا 

بس واحد بس حسسني إني شخصية تتحب و إني بنت ، و إني ملكة و من بعده مايهمنيش حتي لو مافيش راجل واحد فكر لثانية أنه يحبني

الإنسان اللي بحبه و اللي ميهمنيش غير رأيه

مجرد وجوده في حياتي يكفيني طوال العمر اللي فات و اللي جاي

مجرد إنك حبتني أنت لوحدك كافي

إنت كفاية 

تأخر جوازي

بصراحة و من الاخر

علي قد ما تأخر جوازي مدعج جدا علي قد ما انا بأحمد ربنا في بعض الاحيان

الواقع واضح محدش فاضي يقف مع العمال في الشقة 

علي الرغم ان في حاجات تعصب

يعني اخو عبدالرحمن تعبان جدااااا و مشغول في شغله بسكل غير مصدق و انا مقدرش ابدا اقوله انزل اشتغل في الشقة في الكام ساعة اللي بينام فيهم كل اربع خمس ايام

حرام

في كهربائي تاني موثوق فيه ثقة عمياء يتساب له المفتاح و هو خير من يعمل الشغل

نستني ليه لما نقول لاخو عبدالرحمن اللي مش لاقينه !!

و السباكة نفس الكلام ابو واحد صاحبنا برده شفنا شغله و ثقة

و هكذا 

بس علي الرغم من تأخر الموضوع لفقط عدم وجود حد يباشر الشغل

الا ان الشقة لو كانت خلصت انا كنت هحتاااااس

بابا مش معاه مليم

لاول مرة في حيااااااتي كلها مكنش معايا فلوس "للأكل"

اكل عادي لا فانتازيا ولا حاجة

خضار بس 

مافيش

و بقالنا شهوووور بنبيع في المحل

لو خلصت الشقة برده مش هنتجوز

و اللي يقولي ياستي اتجوزي باي حاجة

هقوله هتجوز من غير تلاجة او بوتاجاز !!

انا اللي هجيب كل الادوات الكهربائية هتجوز من غيرها ازاي مثلا

ده غير الفرش ، المرتبة و الملايات و ادوات المطبخ

هتجوز من غير اساسيات بحتة ازاي!!

كل ما احس اني اتخنقت افتكر كلمة بنت عمتي

"ممكن يكون ربنا مأخر الموضوع من طرف عبدالرحمن و الشقة و همها لانه عامل حساب ان باباكي مش قادر يجهزك فاصبري هتلاقيها اتحلت مرة واحدة من الطرفين لما ييجي الوقت المناسب"

ساعتها بهدي

و ادعي و اقول يا رب افرجها من عندك

لكن انا و عبدالرحمن متضايقين جدا

مش عشان كل اللي حوالينا اتجوزوا و خلفوا ، ده لا يعنينا في شئ

لكن احنا طولنا اوي

محتاجين بعض

بكل المعاني

محتاجة تشجيع عبدالرحمن محتاجة حضنه

محتاجة استقبله لما يرجع من الشغل بحضن كبير و بوسة في خده

و اشوف ابتسامته بعد هم الشغل و الطريق تظهر 

محتاجة اخد بالي منه 

احضر له اكل و اكل معاه

نتكلم و نضحك و نشكي 

محتاجه اشوفه كل يوم

و كفاية مكالمات تليفون بقي

ايه ده 

سبع سنين تليفون ، كفاية

كل علاقة ليها مراحل تطور

احنا طورنا كل المراحل في التليفون

بنتكلم الان كأننا ناس متجوزة بقالها خمس سنين

محتاجين بعض

يا رب قرب البعيد

احسن هدية جاتلي

معرفش ليه بقالي اسبوع مكتبتش عن مفاجأة عبدالرحمن

يمكن من فرحتي به و بالهدية

يوم الثلاثاء اللي فات كان عيد ميلادي

لبست طقم حلو و عملت لتفسي كيك و كلت نص فرخة بحالها :)

و انا قلتله يحاول ييجي قالي مشغول و مش هيقدر

و انا باكل كلمته اسأله جاي ولا لأ لاني هاكل ورك الفرخة 

بستعبط بسلامتي 

بس قلت يمكن لما اكلمه قلبه يحن و يقولي خلاص هاجي

قالي لا

متأكد؟؟

لا يا فاطمة مشغول جدا و هروح اكمل شغل

زعلت شوية بس قلت لا اتبسطي و ماتخليش حاجة تزعلك النهاردة

بعدين قعدت علي كمبيوتر حسن اتفرج علي فيلم و انا لسه في اول عشر دقائق محمد جاله مكالمة و طلع بره

بعدين دخل قالي قومي انا عاوز اذاكر شوية و عاوز اقعد لوحدي 

عادي محمد بيقول كده علي طول خاصة ان قبل ما ادخل اتفرج علي فيلم قالي كمان شوية يعني كان مشغول

اوك

قلت له اجي امتي ؟

قالي لا اقفلي الفيلم بقي انا عاوز اقعد لوحدي

اتضايقت شوية و ماشية في الطرقة بقول اعمل ايه الان اعمل ايه الان

و طالعة الصالة و بخ لقيت عبدالرحمن واقف في الصالة بيضحكلي

انا اتخضيت فعلا جدا 

مكنتش متوقعة انه يبجي خالص 

عيطت من كتر الفرحة و كنت سعيدة جدا

بعدين اداني شنطة حلوة كده فيها هدية ملفوفة كويس جدا

بفتح لقيت صندوق خشب انتيك تحفةةةةة

طالع من ايد فنان عبقري

بالضبط اللي كنت نفسي فيه

ضحكت و عيطت و حضنت حبيبي و كنت سعيدة جدا

و بعد ما خلصت عياط للمرة التانية لقيته بيديني هدية تانية 

Note book بورق اصفر عتيق ملفوق بجلد 

حاجة بردة انتيك تحفة

و كمان كاتب لي رباعية تحفةةةة

حسيت اني قلبي هيتخلع من مكانة

احسن هدية جاتلي في حياتي

شكل عيد ميلادي ال ٢٥ اللي كنت خايفة يكون يوم كئيب خاصة اني معرفتش اعمل اي حاجة من اللي كنت عاوزة اعملها

اتحول ليوم سعيد مديني طاقة سعادة و حب لغاية الان

عبدالرحمن احسن زوج في الدنيا كلها

ربنا يخليه ليا و اقدر اسعده دائما 

انا بحب الراجل ده اوي اوي اوي

با رب نعيش سوا في سعادة و نموت في يوم واحد

انا مقدرش اعيش يوم من غيره

اعظم انسان

انا بحبك اكتر من اي حاجة في الدنيا

بحبك

يومي 23/3/2015

اوك نتكلم جد شوية 

الايام دي انا بعمل ايه:

اصحي بدري علي قد ما اقدر، من حوالي الساعة ٥ للساعة ٨ الصبح 

بحاول معديش الساعة ٨ ، طبعا بيعتمد علي انا نمت الساعة كام 

افطر و اشرب الساي بلبن حبيبي

و اقعد اذاكر كوري 

لغاية الساعة ٢:٢٠ اشمعنه؟

بتفرج علي مسلسل قديم الصراحة اسمه ED علي Mbc4

الصبح ممكن اتأخر في بداية المذاكرة شوية بس اخري ببدأ الساعة ١١ لو صحيت ٨

بعد المسلسل بدلع شوية امسك التليفون افتح الفاس بوك و انستجرام و هكذا 

و بعدين علي الساعة خمسة او ٤:٣٠ استعد اروح الجيم 

ارجع الساعة ٧:٣٠ او ٨ 

اكل و اصلي المغرب و العشا 

و انام 

ساعات باكل قبل الجيم علي الساعة ٢ 

و بس

ده يومي 

ساعات بريح شوية من المذاكرة و اتفرج علي Running man  و اقعد في حلقة مدتها ساعة و نص اتفرج عليها اربع ساعات 😂

لاني بوقف كل ما يتكتب حاجة علي الشاشة و اقرأها و لو في كلمة جديدة اكتبها و احفظها

يعني برده مذاكرة تتسم بروح الضحك 

محتاجه اتعلم كوري لاني بحبه و لانها حاجة مفيدة اعملها و مهارة جديدة اكتسبها 

و في الجيم بخس طبعا و الاهم اني اقوي عضلاتي خاصة عضلات الجزء العلوي

لاني محتاجة اقريها كويس عشان اشتغل تريكو

وحشني اوي التريكو

و كل ما اتعب افتكر kim jong kook و انه كان عنده انزلاق غضروفي و برده عنده مشكله في وقبته زيي و اشتغل كويس و الجيم اصبح حياته و انه الان معروف بقوته و عضلاته

و ان الحل الوحيد للمشاكل دي مش الراحة 

لا لا لا العكس تماما

اعصابك تعباك او مفاصلك اياك تقعد في السرير 

قوم قوي عضلاتك جدا جدا جدا عشان تشيلك

لكن تقعد تبقي بتمرض نفسك

العضلات هي اللي هتشيل الواحد و تقويه

انا يومي كله مفيد الان

و اللي مش شايف كده يخبط راسه في الحيط

قائمة عيد ميلادي

عملت فرخة كاملة بالمسطردة و العسل وأكلها لوحدي مع حبيبي

و اعمل cheese cake لحبيبي 

و اشتري ساليسون cheese sticks من خميرة

و نقعد ناكل فيهم انا و حبيبي لوحدنا

يااااه ده يبقي يوم تحفةةةةةةة

19/3/2015

امبارح كان يوم حلو اوي

قريت فيه محادثة كاملة بالكوري و فهمتها

و بعدين نزلت الجيم و اتعرفت علي بنت حلوة جدا

فاهماني و فاهمة اسلوبي و ضحكنا و اتمرنا سوا

و بعدين النهاردة عبدالرحمن بينقل الكراكيب اللي في الشقة مع صحابه اخيرااااا

It's happy day

من غير فيتامينات :((

يااه الفيتامين اللي كنت باخده فعلا كان هو اللي ساندني

من بعد ما خلص باسبوعين او زيادة و انا جعانة جدا جدا لاننا اقلا مش بناكل غير بيض

مش جعانة كربهيدرات لكن جعانة اكل بيتي مغذي

عاوزة فراخ اوي

و خضار و سلطة

و بنام كتييييييير و كسلانة دائما

و معنديش القدرة اعمل حاجة

فعلا هو اللي كان ساندني خاصة و بابا مش بيسيب فلوس في البيت بقالة اربع شهور الان

و باكل بيض و شاي بلبن بس

و كنت عادي راضية

بس بعد ما الفيتامينات خلصت و مافيش بديل طبيعي ليها

جسمي بدأ يصرخ و يقول تعبان

١٦/٣/٢٠١٥

انا فرحانة النهاردة

النهاردة صاحية بدري جدا (الساعة ٢بليل😂)

ذاكرت و خلصت level 1 from talk to me in korean

و فرحانة جدا اني خلصته في نص الشهر مش في اخره

و جربت اعمل شيبسي في الميكوويف و نجحت من اول مرة 

و كان طعمه تحفةةةةة

من غير نقطة زيت او حتي ملح 

و ده باسطني جدا لاني ساعات ببقي نفسي في ساندويتش شيبسي من بتاع الفول و بحس بالذنب الرهيب و انا باكله

بعمله في البيت بس بيشرب زيت فظييع 

لكن في الميكوويف طلع مقرمش جداااا و طعمه طازج و نضيف

و كمان انا اصلا مزاجي حلو لاني امبارح شوفت عبدالرحمن و اول امبارح شوفته و اتمشيت معاه و جابلي برفان شانيل

ده غير اني شوفته بعد ايفنت روحته حلو جدا جدا

انا فرحانة جدااا

و فرحانة اكتر اني اتخانقت مع اختي لانها اخدت من الاكل بتاعي بحجة انه اكيد اكل البيت لاني مش بجيب اكل لنفسي

ايوة فرحانة 

لانها كل شوية تأكد عليا (اكرهيني انا وحشة انا زبالة اكرهيني دائما)

و فرحانة انا شتمتني و قالتلي حقيرة و وسخة 

و زعقت و قالت امشي من قدامي عشان مزعلكيش انتي حقيرة و انا مش هتكلم معاكي

يااااه يا السعادة دي

احب انا لما رأيي في حد يطلع صح و قراراتي بقطع علاقتي معاه تكون قرارات سليمة

هعترف اه ان نفسي وجعاني و اني حاسة بالعجز لاني عايشة في بيت كرامتي فيه مهانة حتي مش لاقية اكل (حرفيا مش لاقية اكل)

بابا مسبش فلوس من اربع شهور و انا باكل بيض و شاي بلبن بس

فلما بيكون معايا فلوس اجيب سلطة ولا خس بيتاكلوا و بتشتم

سبب اخر يخليني اقول لنفسي انتي صح البت دي لازم تقطعي علاقتك بيها

فانا فرحانة برغم الجوع و الدوخة لاني مش باكل حاجة عدلة 

انا فرحانة اني متجوزة اعظم انسان في الدنيا

و بكرة ييجي ياخدني و يعيشني في سعادة و حب دائما

و انا اول ما هتجوز هنسي الحزن و النكد و مش هكشر تاني ولا هنكد عليه تاني ولا هتكلم حتي عن اي شئ وحش

مافيش شئ وحش ممن يحصلي اكتر من اللي حصلي السنين دي

و السلام ختام😄😄

مش عاوزاكي تتصلحي ابدا

ياااه انا اخيرا بقيت بخرج من خناقة او شايمة منك فرحانة

فعلا فعلا فرحانة

لان كل ما قلبي يحن او اقول حرام الخصام

ترجعي تفكريني قد ايه انتي وسخة جدا جدا

و وساختك لا تحتمل صلح و لو بعد خمسين سنة

شكرا انك بتفكريني دائما

شكرا علي وساختك

مش قادرة استني اكتر من كده

عاوزة يكون ليا شقتي

بيتي لوحدي

سبع سنين كتير

سبع سنين في مرحلة اخرها سنتين

كتييييير

لازم طبعا الواحد يتعب و يفقد الامل

كتييير

حاجات كتير هتختلف بعد الجواز

او بمعني اصح كل حاجة هتختلف بعد الجواز

كل حاجة

اولا كل المشاكل اللي انا فيها هتخلص تماما لان كلها متعلق بوجودي في البيت ده

شيل ده من ده يرتاح ده عن ده

ببساطة

ثانيا كل الانتقادات عن اشياء مش موجودة في علاقة في التليفون هتنتهي

اصلا احنا مش مع بعض عشان نفقد الامل في حاجات مش موجودة في علاقة تلفونية

سبع سنين في علاقة تعارف!!!

كتييير

كتييير اوي اوي

الفترة دي لازم تنتهي بقي

يا رب

يا سبحان الله

و انا لسه الصيح كنت عاوزة اكتب بوست عن مدي قرفي و خوفي لحد ييجي خاصة هو

بس كنت تعبانة جدا لاني مطبقة و يادوبك فاتحة عيني و مش مركزة

سبحان الله

اهو اللي خايفة منه حصل

اللي مش قد الخلفة

انا احترم جدا اللي تأجل الخلفة لغاية ما تحقق احلامها

دي واحدة عاقلة و واعية و مدركة لما هي الأمومة

فاقد الشئ لا يعطيه

و كلام الست ذاتها في بيتها و في اولادها ده مجرد مسكن لواقع أليم

لا يعترف بشئ إلا إن نجاح المرأة يتلخص في الجواز و الخلفة و خدمة الزوج و الاولاد

واحدة تعليم يكفي و بلا طموح و بلا اهداف او نشاطات و هوايات

هتربي طفل نافع للمجتمع ازاي

التربية مش اكل و لبس و خلاص

اللي مش قد الخلفة و التربية مايخلفش

و اللي هيتكلم في الدين لازم يفتكر كويس انه هيحاسب يوم القيامة

انت و انتي اديتم ايه لاولادكم

هل انشأتم انسان صالح للمجتمع ولا لأ

مش خلف خلف عشان نكتر و خلاص

اللي مش قد الخلفة مايخلفش

و الجواز مش معناه اننا لازم نخلف

انا زهقت من كمية الناس اللي بشوفها عاجزة  و جاهلة وسط اطفالها

و مش واخدين بالهم ان اطفالهم بيستنفروا منهم

ناقص يقولولهم طالما انت مش فاضيلي و مش مهم بيا جبتني ليه

ربنا يعينا

احسن اخ

امبارح حسن جابلي مج لبني كبيييير سادة حلو اوي

و الاهم

سكينة مطبخ

يااااه اخيرا 

ده انا بتعذب كل يوم

حسن ده احسن اخ

ليه بحب اخواتي

من يومين اخويا الكبير كان بياخد فلوس البيت عشان نازل و هيشتري حاجات للبيت معاه

ده لوحده انجاز و حاجة نتغني بيها

بيوله رايح فين ، هاتلي حاجة مختلفة بقولك هاتلي شيكولاتة

قالي انا مش رابح السوير ماركت 

قولت له هاتلي اي حاجة مختلفة انا زهقت

و اخويا الصغير كان واقف جنبنا 

بعد ما خرجت من الاوضة بقول نفسي في فطير بالنوتيلا

اخويا الصغير قال ده بقي حاجة منتشرة اوي اوي 

بفوله نفسي فيه و ماسكة نفسي مش عاوزة اعمل اوردر عشان مبوظش اكلي

لقيت اخويا لما رجع جابلي شيكولاتة فلوتس

يعني عارف انا بحب ايه و جابلي منها

و الصبح صحيت علي رسالة من اخويا التاني بيقولي انا جايبلك فطير من الفرن 

علي قد ما كنت تعبانة علي قد ما ضحكت و فرحت جدا

قد ايه ان اخوانك يكونوا عارفينك و مراعيينك و بيلبوا رغباته ده احساس حلو اوي

سي السيد

عمرك شوفتي واحد يقول لمراته لا انزلي ليه لوحدك عشان خايف عليها و بيترعب و هي بره مش لانه عاوز يفرض سيطرته

عمرك شوفتي واحد بيصالح مراته لما بيزعلها او هي تزعله

هو اللي بيصالح

انا شوفت

ده جوزي حبيبي

بس بلاش تخوفني و تقولي ايوة انا رجعي و محبش تخرجي لوحدك 

قولي انا بخاف عليكي و مش عاوزم تكوني لوحدك

قولهالي في النقاش مش بعده و انت بتصالحني

انا بحبك

بقالي فترة نفسي اكل حاجة مختلفة 

تقريبا تلات اشهر

و مافيش اي حاجة رضياني

لا صوابع زينب ولا الشيكولاتة ولا ساندويتش ولا اي junk food  خالص

و مش عارفة ايه هي

عاوزة اكل حاجة مختلفة جدا ترضيني من اول قضمة

و اقول هي دي

جوزي احلي زوج في الدنيا

عارف اني متضايقة فجابلي صوابع زينب و جالي مخصوص البيت فاجأني 

العادات الصغيرة

كل واحد له عادات صغيرة تعتبر من سمات شخصيتة

و بعض الاشخاص اللي مش فاهمين ده بيتعاملوا بغباء معاه

مع انهم هم نفسهم عندهم عادات غريبة

شوية امثال للتوضيح

في ناس مهما بلغت قواهم الجسدية و العضلية مازالوا بيترجوا في الاتوبيس و المترو و رايحين جايبن مع كل فرملة 

في ناس مهما كبرت بتتعور من فتح اي can مرة من كل ثلاث مرات مثلا

في ناس مابتعرفش تحافظ علي مشروب في ايديها و هي ماشية او واقفة علي طول يقع منهم 

في ناس مهما بلغ علمها مابتعرفش تتعامل مع الالات زي ATM او ماكينات الطعام او ماكينات التصوير اللي في الشارع و هكذا

في ناس مهما اتعلمت السواقة بتخبط بالعربية ١٠٠ مرة في الدقيقة و دائما بيسوقوا كأنهم في صحراء محدش جنبهم

في ناس مش بتعرف تلاقي حاجة ، يعني لو قلتله دور علي المرآه مايلاقيهاش هههههههه، دول بيعانوا خاصة الستات علي طوووول مش بتلاقي حاجة في شنطتها ، يا عيني عايشة مأساه 

هم كده مش بيعرف يلاقي حاجة ابدا، زيه زي اللي دائما يضيع مفاتيحه، مهما عملت له علاقة مفاتيح جنب الباب او حفظته يحطها دائمو في جيبه اليمين، بشكل ما علي طول يرميها في اي حتة و يرجع يدور عليها

ماتقولش عليه مش منظم، هو منظم في كل شئ فيما عدا الجزء ده

ده مش غباء ولا ضعف ولا شئ

دي حاجات عادية جدا لكن اللي معندوش حاجة زي كده فاكرها غباء و يقولك ركز انت بس و هتعرف و بتتعور ليه انت صغير ولا عيل ولا ايه

دول اللي ناس هبلة

لكن كل واحد في حاجات مبيعرفش يعملها

لم يخلق بعد الانسان الكامل

انا عندي عادات عجيبة مهما عملت مش بعرف اغيرها

انا بوقع صينية المشروبات (ايوة انا مدخلتش بصينية الشربات يوم قراءة فتحتي)

انا كل يوم كل كل يوم اوقع شوية من الشاي و انا طالعة من المطبخ

و العجيبة اني بوقع من كبايتي فقط اللي حرفها تخين و كبيرة و بحاول كل يوم اقلل الكمية اللي فيها عشان ماتبقاش سايحة و برده مش بعرف

و ده يوصلنا للنقطة الثانية الا و هي اني مش بعرف اقدر المقادير السائلة و انا بصالها من فوق

لازم انزل في مستوي الكوب عشان اشوفة من زاوية متوازية عشان اعرف اوقف سكب السائل امتي

لو مايت نص كباية و انا باصة عمودي علي الكباية دائما و ابدا بملي ربعها

حاجة تانية انا مش بعرف اقعد ثابتة ابداااااا

و دي معلومة لسه عارفاها من شهرين بسبب ملاحظة اخويا

انا بفرك علي طول حتي و لو هحرك رجلي من قدام لورا 

ااااه عشان كده بكره اقعد في الكراسي اللي فوق العجلة في الاتوبيس عشان رجلي بتبقي في وضع واحد بيتعبني

انا دائما بتحرك حتي في نومي بتقلب كتير

لما مش بتقلب ببقي فعلا في نوم عميق

انا الطبيعي بتاعي نوم خفيف جدا جدا بنتبه كتير

ايه تاني!!!

ااه انا بخبط في الزوايا

و ماتقليش خدي بالك :@

انا بتنيل بخبط في اي زاوية

خاصة بعد ما لبست النظارة

مرات لا تحصي اللي طلعت فيها من المطبخ اللي عشت فيه طوااااال عمري و انا بخبط بكل كتفي

مش بلمسه

لالالالا يا حبيبي

كتفي لغاية ودني كله بيدخل في الحيطة

طيعا مش هنتكلم علي خبط الكنبة و الترابيزات و العتبة و اكرة الباب

كمان انا جسمي بيقشعر جدااااا من احتكاك الجلد ما التراب

يااااه تنضيف البيت عندي لعنة

كل ما ييجي تراب علي ايدي اروح اغسلها

بتعصب اوي من الترويق

روق انت لو في بهدلة و انا امسح :)

طالما الموضوع فيه مياه ماشي ؛)

معنديش وسواس و بغيل ايدي كل دقيقتين ، لا بس لما يبقي في تراب كتير لدرجة انك تحسه علي ايدي بتجنن

في حاجات تانية بس مش فاكراها

بس كلنا كده

كلناااااا

مل واخد يبص لنفسه و هيلاقي عنده عادة او لازمة معاه طوال عمره مهمها صلحها مش بتتصلح ابدااا

يعرفهم و يعدهم و يقول للي حواليه عشان يساعدوه و يبطل يسمع انتقادات

و احسن ناس عارفين ده هم الاخوات

اسأل اخواتك هتلاقيهم عارفين كل حاجة 

ده لو كانوا مقربين منك

يعني انا مثلا مكنتش بجرب اكلات جديدة

كل ما نجرب حاجة جديدة تلقائيا اختي تاخد بتاعتي من نفسها تدوقها لو (هتعجبني) تقولي ماشي كلي لو لا تقولي لا انتي اطلبي كذا

ماتسألش هي عرفت ذوقي ازاي هي اختي و عارفة ايه اللي يعجبني و ايه اللي مايعجبنيش

مثلا لو كنا اشترينا ايس كريم كونو كان بتاعتي هي تفتحها تاكل السوداني و الشيكولاتة اللي علي الوش و تديهوني بعدين تفتح بتاعها

و انا ساكتة مستنياها عادي

مثلا هم عارفين اني مش بشيل سوائل فتلقائيا لو في المطبخ بغرف اطباق شورية و حد دخل المطبخ بياخدها و هو طالع

و انا كمان عارفة اخويا مش بيحب الاكلات اللي بروائح نفاذة

علي السفرة بحطها في اخر الترابيزة من الجنب اللي مش هيقعد فيه ، ببعدها عنه علي قد ما اقدر

اخويا التاني بيتقرف من الاكلات اللزجة زي الفول و الجبنة ، الحاجات اللي ملزقة في بعضها و بتعمل صوت عند التقليب، بس بيكلها و من اهم اللكلات اللي بيحبها

ببساطة مش بقلب الحاجة قدامه، اقلبها في المطبخ و احاول اخلي شكل الطبق حلو عشان مايتقرفش

ماتجيش تقوله انت بتتقرف من نعمة ربنا!

لا هو بيحبها و بياكلها كمان ربنا خلق حبة الفول و اللبن احنا اللي بنعمله بطرق ملزقة

عادي

اشمعني الناس اللي جسمها بيقشعر من اصوات الاحتكاك مفهومة و الناس بتراعيها او ساعات تلعب معاها كده، تيجي جنبه و تمسي اظافرك علي الزجاج المدهون فالتاني يزعق و يقولك بس بقي

و اللي بيتعور من المعلبات ده تلاقي كل اللي حواليه تلقائيا هم اللي بيفتحوله الكان

مش عيب و الله ولا حاجة تقلل منه ، راجل كان او ست

عادي كل واحد فينا عنده حاجة

تعلم الكورية

لما تتعلم لغة انت بتحبها (من غير فرض)

انت قررت تتعلمها لوحدك

بتبقي ممتعة جدااااا

مهما كانت اللغات صعبة بالنسبة لك و بتعاني من حفظ الكلمات و كتابتها

ساعتها بتلاقي كل شئ سهل و سريع

بتحفظ الكلمات بسهولة و عندك حب تعلم اكثر و اكثر

الكوري سهل جدااااا

خاصة اني عارفة حاجات كتير من المسلسلات

كل ساعات و شهور الفرجة علي المسلسلات مضاعتش هدر خالص

انا مبسوطة جدا

اخيرا بعمل حاجة انا فعلا عاوزاها

انا بحب الكوري اوي اوي اوي

6/1/2015

اللي يوجع فعلا ان لما ست البيت تتعب ماتلاقيش اللي يخدمها

لا و ايه

يخربوا الدنيا اكتر كأنهم متوقعين ان حد هيلم وراهم

فعلا مؤلم اوي

ان اللي عايش معاهم يعتبروك لا شئ

Hay ya

I'n feelling good today

😄😄😄😄😄😄