بالرغم من اني اول واحدة ترتبط في صحابي بالشخص اللي مازلت مستمرة معاه
الا ان كل معارفي اتجوزوا و خلفوا
انا مش غيرانة منهم تماما
ربنا يسعدهم
بس فعلا محدش عارف الايام مخبية ايه
كل حسابات الانسان بتطلع بايظة
الناس كلهم بيتعاملوا معايا اني مش هستحمل بعد الجواز اني ءأجل الخلفة كتير
معرفش ليه محسسني اني عندي الحصبة و مش هستحمل ماهرش
بس انا فعلا فعلا فعلا هأجل الخلفة خمس سنين
انا معنديش اي طاقة اربي حد
كفاية عذابي مع اخواتي
عاوزة اعيش لنفسي
اول ما يكون في طفل خلاص
قول مع السلامة لنفسك بقي
انت كده out
لغاية ما عيالك كلهم يتجوزوا
ساعتها ممكن لو فيك نفس او صحة تبدأ تاخد اجازة لنفسك
و ده صعب جدا
عموما
انا معرفش انا بقول ايه
انا اه مستعجلة علي الجواز
بس ساعات بقول عادي مش مشكلة
الحمد لله علي كل شئ
ليست هناك تعليقات:
إرسال تعليق