انا اقولك متعصبة ليه
كل يوم يتزعقلى على الاكل
و لما اعمل مكرونة محمد يتحكم فيها
و تطلع بايظة و حسن يزعق و يتعصب
و انا اصلا صلحتها في دقيقة
و برده محمد ينتقض تصليحي مع انه اصلا مش هياكل منها
المنشر بايظ و مش لاقية هدوم البسها
بقالي سنتين بتعالج من التهابات خلصت كل المضادات الحيوة
اقول لبابا عاوةر اروح دكتورة كويسة كفاية بقي دكاترة الجوامع و الادوية
يقولي روحي بس الجامع ده دكاترته كويسين
هو انا هفضل ادخل جسمي كيماويات تجريب لغاية امتي
شيلنا المكاتب و لميت حاجاتي تاني و كركبتها في اكياس في الارض
البيت و توضيبه اللي محدش بيشيل منديل وقع منه
عفانة
ده غير حركة محمد الزبالة علي الفجر
ابقي هاخد دش و اطلع عشان حد عاوز الحمام يدخل هو بعديه لامم هدومه عشان يستحمى هو
يا زبالة حركة وسخة
اقف انا في نص هدومي مستية واحد مزنوق و عاملة له اعتبار
و اخد انا بالجزمة
و حسني اللي كل يوم تغسل المواعين قبل الفطار بربع ساعة
مكتوب عليا اعمل الفطار و السحور قي القرف و بردة اغسل الحلل و الاطباق اللي هعمل فيها
طبعا غير عصبية عبدالرحمن عشان حاجة اتفه من التفاهة
اللي انا مش بقدر اعمل زي الخناقة الخايبة دي عشان انت قبل ما اتخانق تقولي بطلي تفاهة
لكن انت عادي
و الصبح اصحي علي عصبيتك تاني و تكملة خناقة مش خناقة اصلا
تحب اقولك زي ما بتقولي
تحب
و الشقة عاوزة تتنضف
و اتدبست في عزومة مش عاوزاها
و مهما ساعدتوني كله هيطلع في وشي
و بتسأل متعصبة ليه
لا خالص يا حبيبي انا متعصبة بس ان المسلسل فاتي مش اكتر
ليست هناك تعليقات:
إرسال تعليق