24

24
سنة على 25

كنت عاوزة اكبر
و افهم
و ماتخدعش

كنت عاوزة افهم كلام الناس
مين بيأفلم عليا و مين بيراضينى و مين فعلا عاوز مصلحتى


يارتنى مافهمت


 

ساعات الواحد بيقى عاوز يقول كلام جارح لحد
بيبقى مقتنع تماما انه يستحقه
و لما بيقوله
مش بيندم عليه
لكن بيزعل انه بقى الشخص اللى يقول كده
بيحس باحساس سخيف و يحس انه انسان جارح

و بيبقى برده عاوز يصالح اللى زعله
بس هو نفسه وعلان منه اكتر بكتير من انه يصالحه

حبيبي
وجودك بيدفينى

انا متعكننة اوى اوى اوى اوى اوى
اللهم اشرح لي صدري

النهاردة انا رجعت بالعافية
فجأة بعد ما بدأت ادخل فى النوم
لقيت طنى بتوجعنى جدا جدا و مش قادرة اخد نفسى كأنى جعانة اوى لدرجة ان الضغط وطى
استغربت جدا لانى لسه واكلة من ساعتين
قومت اكل
يادوبك باكل قطمة خص حسيت انى عاوزة ارجع
قعدت حوالى عشر دقائق فى الحمام يادوبك رجعت كمية قليلة جدا
المصيبة انى مش برجع بسهولة
عضلات المعدة عندى قوية
فلو عملت ايه، يستحيل ارجع
الا لما بوصل لمرحلة كبيرة جدا جدا من التعب
ده انا برجع كل كااااام سنة مرة
فى ناس فاكرين ان دى ميزة
بس من خبرتى، دى مصيبة
الواحد ساعات يكون تعبان جدا جدا لدرجة انه يدعى ربنا انه يرجع عشان يستريح
انا بقى ساعتها بعمل شتى انواه القرف اللى يخلينى ارجع، مابرجعش
بفضل تعبانة
النهاردة تانى يوم فى علاج مرض اخر!
و فيه اتنين مضاد حيوى
واحد فيهم بيسبب تقلصات و قئ و الام فى المعدة
حلو اوى
هى ناقصة
انا بقالى فترة طويلة بتعالج من مرض لمرض
اخلص ادوية مرض ابدأ فى التانى
كفاية كيمياء بقى
يا رب

وحشتنى

انا متعصبة و غضبانة فوق الوصف
لدرجة انى عاوزة انام و غضبانة على النوم

عشان لما اقول ان ام كل حاجة فى الدنيا بتعصبنى تبقوا تصدقوا
يلعن ام باب النجار المخلع يا اخى

مافيش جيبة تطلع كويسة ابداااااااااااا
يا رب صبرنى
يا رب
صبرنى
انا هفضل طول عمرى محرومة كده ولا ايه
اللى يغيظ انى اقدر اشترى
انى اقدر اعمل كويس
لكن ليه مافيش حاجة بتتضبط ابدا
لما اشترى ملاقيش كويس
و لما اعمل ياما الباترون غلط
يا اما القماش زى الزفت



يااااااااااااااااا رب
صبرنى
يا رب

اللهم اشرح صدرى و يسر لى امرى
يا رب
اشرح صدرى

تليفون جديد

عاوزة تليفون جديد
و مافيش اى حد اقدر اطلب منه تليفون جديد
و كنت معتمدة على شكل التريكو
و اللى شكله مش هيتم السنة دى
و تليفونى خلاص باظ و يادوبك هيكمل معايا شهرين كمان بعد الوقعة اللى وقعها امبارح

زهقت زهقت زهقت
زهقت من الحرمان
ايوة الحرمان
مش هبقى ناقمة على حياتى لانها احسن بكتيييير من ناس كتير
لكن ناقمة على الظلم

طوااااااااااااااااااااااااااااااااااااال عمرى مش بشترى حاجة الا لما احتاجها فى اللحظة الاخيرة
مثال
كل جزمة اشتريتها طواااااااااااااااااال عمرى (حرفيا) كانت عشان اللى قبلها اتقطعت او وسعت
ده اسمه حرمان
كل هدوم اشتريتها كانت عشان اللى قبلها قدم اوى اوى اوى

التليفون اللى قبل ده اتغير لما وصل لمرحلة انى بفتحه عشان اتكلم و اقفل الشماعة اشتمه و اقفل التليفون
و برده ساعتها مطلبتش تليفون
بابا جابلى من نفسه
و قال ايه
نجيب لفاطمة تليفون لانها مش بتطلب حاجة
طيب ما انت عارف انى مش بطلب حاجة
انا مراعياك
راعينى يا شيخ

اللى كنت خايفة منه من ست سنين حصل اهو

خلاص هنوضب الشقة
و هتجوز خلال كام شهر

و لسه ماجبتش حاجة
انا ورايا مشاوير تهد الحيل
و عارفة متنيلة عارفة انه مش معاه فلوس الان
انا مراعياك
لكن ماتتخضش كده لما اقولك على الاسعار

انا قولتلك من ست سنين
ادينى و لو 200 جنيه كل شهر
كمصروف
و انا هجهز نفسى بيهم
قولت انا قد ان قبل الفرح باسبوع اجيب كل حاجة فى يوم واحد
هنأجر نص نقل و هننزل نجيب كل حاجة
و مايهمنيش الاوكازيون
هدفع السعر عادى

خلاص
شيييييييييييييييل
انت حر

بس انا اللى هيطلع عينى
و الحاجة يستيحييييييييييييييل تتجاب فى يوم واحد
انا اللى هتهد حيلى قبل الفرح

و مش هحدد ميعاد الا لما الحاجة كلها تكمل


زهقت من الظلم ده
ماينفعش واحدة تفضل تلبس جزمتين فى سنتين تلاتة
و واحدة بترمى الجزم القديمة اللى ملبستهاش عشان مش عارفة تلبس ايه ولا ايه

ده ظلم

انا عمرى ما بصيت على حد
بس انت اللى خلتني ارجع لكلمة اشمعنى
و اقول اشمعنى اختى بتاخد فلوس و تشترى و انا اللى على وش جواز مش هى

زهقت و طهقت
انا هروح اتفرج على المسلسل لحسن اطق
و الله المسلسلات و الافلام تحفةةةةةةةةة
بتبوظ العقل
بتخليك متفكرش
ده هو ده النعيم
او و الله

مع التيار

انا مش بخاف لاقول رأيى فى اى موضوع لاخسر اللى مختلف عنى فى الرأى
لا ابدا
بالعكس انا هفضل اقول رأيى بصراحة
لانى ببساطة
وصلت لمرحلة انى ميهنيش ابدا اخسر حد انا مش عاجباه
طز
خور فى داهية
انا مش هنافق ولا اتكلم باسلوبك عشان اعجبك
انا ده رأيى
عاجبك عاجبك مش عاجبك الباب يفوت جمل
و لو هخسر كل الناس
مش عاوزة حد
انا عاوزة اعيش لوحدى على فكرة

الذكاء انى اعبر عن رأيى و افضل محتفظة بمبادئى مع كل الناس بطريقة مختلفة
تناسب كل دماغ او عقلية ثقافية مختلفة
لكن انا مش همشى مع التيار و اتسبه بالللى قدامى عشان اعجبه

كنت عاوزة اكبر

زمان
كان نفسى اكبر اوى
من حوالى 8 سنين
كنت بقول لكل الناس
انا بحلم اوصل لل 25 سنة
ده انا هحتفل باليوم ده احسن احتفال


دلوقتى
بلعن سلسفين ام اليوم اللى قلت فيه نفسى اكبر و افهم
يا ريتنى ما فهمت و يا ريتنى ما كبرت و يارتنى فضلت هابلة و عبيطة و معرفش حاجة عن الدنيا و البلد و الناس
فى بعض الاحيان الجهل بيبقى نعمة

انا كنت كويسة اوى اوى اوى
ليه كنت عاوزة اكبر

الله يلعب الاحباط

كل سنة و انتى طيبة يا ماما

كل سنة و انتى طيبة يا ماما ، انا زعلانة منك اوى اوى اوى ، ازاى تموتى قبل اسبوع من عيد الأم الوحيد اللى قررت اجيبلك فيه هدية ، طيب كنتى استنى كام يوم كنتى هتفرحى اوى ، اخص عليكى كده مستنتيش المفاجأة ، انا عندى ليكى هدية تانية خالص احلى بكتير ، انا بدعيلك و بقرأ قرآن ليكى و بدعى ربنا جزاءة يكون قصر فى الجنة ليكى، شوفتى بقى انا بحبك ازاى ، عشان بس تصدقينى لما اقولك انا بحبك اوى يا ماما.

ذوق ذوق ذوق ذوووووووووق

الشعب المصرى بيئة بطبعه
يحب كل حاجة متزوقة
كل تنتوفة متزوقه

من وجهة نظرى
ان كل الغلابة و الطبقة متوسطة البسيطة مش المتوسطة العالية
كل الناس دى بتحب المنظرة
و لما واحدة تتجوز لازم تزوق كل حاجة فى البيت
طبعا عشان تثبت للناس انها معاها فلوس تعمل ديكورات

كلللللللللللللللللللللللللللللللللل حاجة متزوقة لدرجة الترجيع
الانتريه كبيييييييييييييييييييييييييييييير و ضخم
و السجادة فيها كام لون
و السيراميك اللى باين مشجر و مقلم و فيه اشكال
و كل حيطة فيها لون او لوحة او ورد
و الترابيزة مليانة ارابيسك و عليها مفرش دانتيل و بونبنيرة فيها كل انواع و الوان البونبونى و الشيكولاتة غير الفازة اللى فيها ورد صناعى من كل لون و شكل
غير الباب اللى متزوق 
و الكرانيش
ازاى تتجوزى من غير كرانيش
و النجفة
و البوفيه
و السفرة
و الاهم
صندوق المناديل المتزوق
لاااااااااااااااااااازم تجيبى صندوق تحطى فيه علبة المناديل





جتكم قرف فى عيشتكم و فى دماغكم
اولا
حرام عليكم الفولس اللى على الفاضى دى
ثانيا
انتم مش بيجيلكم صداع
صدااااااااااااااااااااااع
عينك على طول لاقطة ألف لو و ألف شكل فى كل كورنر
ايه ده
و الله عرفنا انكم معاكم فلوس و مش اقل مننا

المصيبة و النايبة الكبيرة
ان لو فى واحدة فى عيلتم من الطبقة دى
لازم تاخدى بنصيحتها
واحدة قربتى
نزلت معاها اتفرج على حاجات للجهاز
اتخانقت معايا عشان مش عاوزة اجيب صينية تقديم مشروبات فيها كرستال و اشكال و الايد عاملة ازاى و الحواف و متزوقة اوى
مكنتش عاوزة تمشى الا لما احلف بالله العظيم تلات مرت انى هشترى صينية زى اللى بتشاور عليها 
كانت منقية اكتر صينية متزوقة
ازاى عروسة تقدم العصير للى هيباركولها فى صينية سادة زى اللى انا عاوزة اجيبها
لالالالالالالالالالالالالا
لازم لازم لازم لازم
احلف بالله انى هجيب الصينية دى و هقدم فيها
و الكلمة اللى تتقال
انتى قليلة ولا ايه

يخرب بيت المنظرة على بيت اللى بيبص و يتقمر
مش لازم اجى فى وشك بكاسات متزوقة فيها اغلى عصير و محطوطة على صينية لوحدها تعمل ديكورا فى ريسبشن كامل عشان تعرفى انى معايا فلوس
و انتى مال اهلك

طز فى ميتين ام الناس على ميتني ام الفلوس على ميتين ام كلام الناس و تحماتهم
طز فيهم كلهم
الناس هتيجى نص ساعة و تمشى
مالى انا و مال الزواقة دى

انا بيجيلى صدااااااااااااااااااااااااااااااااااااع
الواحد لما يحب يقعد يستريح من الشغل يحب يصفى باله 
 يتنيل يصفى باله ازاى كده
يبص فى الارض يلاقى فرح فى السجاده
على الحيطة مروستان
فى السقف ديسكو

ايه
ايه
ايييييييييييييه

قرفتونى فى عيشتى

انا هعمل بكلامكم
انا مش قليلة عشان احتاج اثبت لكل واحد و واحدة يدخلوا الشقة انى معايا فلوس
انا مش قليلة عشان افضل اقول بص بص بص شايف تعالوا اتفرجوا
انا مش قليلة عشان اتمنظر بفلوسى
انا مش قليلة عشان اهتم بكلام ناس متخلفة

فعلا فعلا كلامى طلع صح
الناس الغنية
مش محتاجة تثبت لحد هى معاها كام
عشان هم مش بيهتموا بكلا الناس اصلا
واللى يعرفوهم زيهم
ناس عارفة يعنى ايه فن المساحة
انك تقعد فى اوضة مافيهاش الا اللى انت قاعد عليه
تقعد تحس بالمكان و وسعه

احلى يوم نمت فيه فى حياتى تقريبا
اول يوم نقلنا السرير فى الاوضة و احنا بنوضب الشقة
كنا بليل و نقلنا السرير بس
الاوضة كانت فااااااااااااااااااااااااااااااااااااااااااضية
مع انها مش كبيرة
حسيت انى قاعدة ف قصر واسع
كنا فى الشتا و نمت و غطيت وشى باللحاف كمان
مش شايفة حاجة
لكن ذهنيا
كنت عارفة انى الاوضة فاضية
 و واسعة
و صافية
يا الله
يااااااااااااااااااااا الله
نمت بعمق جدا
و صحيت بضحك


ناس متخلفة 
شيلوا الباطحة اللى على دماغكم
بطلوا تقولوا احنا مش فقراء
انتم لو عندكم ذوق
هتعرفوا ان اى مكان لازم يكون فيه حاجة واحدة بس او حاجتين بالكتير
هم اللى ظاهرين
و الباقى متخفى وراه بيخدم عليه
حاجة واحدة بس

انا متوقعة الكلام اللى هيتقال فى شقتى
ده النقاش مكنتش مقتنع اننا عاوزين نعمل السقف لبنى
قال ازاى هو السقف ابيض عشان ينور الشقة
لا يا خويا
و ام ميتين الزحمة اللى عاملها فى بقيت الشقة
السقف هو اللى هيوسع الاوضة

احنا هنعمل الشقة كلها الشقف لبنى
و بسسسسسسسسسسسسسسسسسسسسسسسسسسسسسسسس
هو ده الديكور
كل الشقة بني و بيج و ابيض
و بس
عفش قليل جدا

انا افتخر
انى عروسة من غير نيش

خلص جيش بسرعة

تعالى بقى يا عبدالرحمن
تعالىى بقى

my new craving

جبنة كيرى السايبة من عند الهوارى


يا الله
طعملها يرضى النفس
مؤخرا بقى طعمها بالنسبة لى احسن من الشيكولاتة و الحلويات اللى مليانين سكر

و فى الاخر دى دبنة مفيدة فيها لبن و قشطة

حبيبي
لما تكون مزعلنى و عاوز تصالحنى او لما اكون متضايقة من حاجة
هاتلى علبة نص كيلو منها
هتصالح على طوووووووووووول

MISERY

I cant hold happiness in my heart more than five seconds 

I feel that my ability to happiness had been absorbed from me, can't deceive myself anymore

I can't be convinces that happy does not related with thinks around me

I feel misery

يومى مع ماما

الحمد لله. ربنا ادانى يوم اخير مع ماما زى ما كنت عاوزة
لاول مرة احلم بماما
كنت فى المستشفى بزور حد و لقيتها نايمة على سرير جنبه
لقيتها لسه صاحية و بتشيل المحاليل و الاسلاك كلها
تقريبا كانت فى غيلوبة بقالها كتير جدا
اتفاجأت و بقولها ايه ده ماما انتى هنا انتى وحشتينى جدا
قالتلى وحشتك ايه بس دا انتى ماجتيش تزورينى ولا مرة
قولتلها و الله مكنتش اعرف خالص انك هنا انا كنت بحسبك.....
و سكتت
قالتلى انا عاوزة اخرج
مسكت ايديها و خرجت معاها
فى البيت فضلت قاعدة عادى جدا كأنها رجعت خلاص
فى نص اليوم لقيت المستشفى بتتكلم و بيأكدوا عليا انها لازم تيجى بليل اخر اليوم عشان تاخد الحقنة الاخيرة اللى هتريحها
عرفت انه يوم و هيخلص
قفلت السماعة و قولت لها تعالى نخرج
بصتلى باستغراب جدا
قالتلى انتى هتخرجى معايا!!!
قولتلها ايوة طبعا هنروح نتفسح
معرفش ليه كانت حسنى اللى بتسوق العربية
و انا قاعدة جنب ماما ورا
و حسنى مصممة تروح كافيهات عالية اوى فى اماكن عالية جدا
و الكافيهات كلها كانت زحمة جدا
و هى مصممة تروح واحد من كدا كافيه جنب بعض
اخيرا دخلنا واحد كبير كأنه قصر
و زحمة و بندور على مكان نقعد
حسنى ماشية قدامنا تسأل اللى بيشتغلوا نقعد فين و نشوف نلاقيه مش مناسب
الحلم كله كده
و انا مأنجشة ماما و هى ساكتة طول الطريق
و بتهاول تكون فى شكل حلو عشان ماتحرجناش
معرفش ليه و احنا ماشيين لقينا حسن و بابا قاعدين على ترابيزة لقولها بالعافية و حسن بيكلم بابا عن لبس لبسه
المهم
ماما كانت ماشية بصعوبة
قولت لها اتصندى عليا
قالتلى عادى يعنى
قولت لها اه طبعا اتسندى و انا ماسكاكى كده
اول ما سندت على دراعى لقيتها بتسند جامد قولت ياااه دى كانت تعبانة اوى
و بالرغم من انى اصلا كتفى كان واجعنى و لما هى سندت وجعنى جدا
الا انى ضحكت
ابتسمت لما لقيتها سندت و هى واثقة انى هقدر اشيل حملها
فرحت
و انا طول الطريق اقولها انا بحبك اوى يا ماما او انتى وحشتينى
و هى تخبط دراعى بشويش كأنها بتقولى بطلى بكش بقى
اليوم خلص و احنا لسه بندور على مكان
فجأة كنا فى قاعة بنشوفها لقيتها مش عارفة تاخد نفسها
قعدتها فى الارض و بشاور لحسنى تفتح الشبابيك
اتلخبطت و فضلت تبص على عامل حوالينا تقوله الاول
زعقت لها و بقولها افتحى
بصت على زباين قاعدين جنبنا و كانت محرجة
شخط فيها و قولت لها افتحى دى هتتخنق
ماما كانت لابسة سويتر بسوستة عالية معرفش ليه
لقيت عنيها تحتها ازرق
اول ما فتحت السزستة بقيت وشها بان و اخدت نفس
بس كان واضح ان اليوم خلص
مكنتش عارفة تاخد نفسها او تتكلم
قولت لها ماما انا بحبك اوى و انتى وحشتينى فعلا
و الله وحشتينى جدا جدا مصدقانى؟
و الله العظيم بحبك مصذقانى؟
قامت هزت راسها لفوق و تحت
قولت لها بجد مصدقانى
هزت راسها ااه تانى
قولت شديت حسنى من هدومها و قولت لها قولى اخر حاجة صدقينى هتندمى اشد ندم
كانت متصمرة فى مكانها
قولتلها قولى
اتلجلجت و قالت ستو....و لجلجت تانى
قاطعتها قبل ما تقولها ان ستو ماتت
و ماما وشها نور و ضحكت اوى اول ما سمعت كلمة ستو
روحت انا قولت ستو بعتالك السلام و بتقول ده انا بحب نجوى جدا جدا انا معنديش بنات غير نجوى و لا بحب حد غير نجوى
ماما فرحت و نزلت نامت على ظهرها و غمضت عنيها
و انا صحيت
مبسوطة انى قضيت يومى مع ماما
مش مهم عملنا ايه
المهم اننا فضلنا ماشيين متأنجشين و هى مبسوطة
قولت الحمد لله يا رب
الحمد لله انك اديتنى اليوم اللى عاوزاه
بغض النظر انى عيطت بعدها
بس انا اول ما صخيت كنت مبسوطة جدا
و اول ما عبدالرحمن يخرج من الجيش هقوله يودينى ازور ماما
وحشتينى يا ماما
الله يرحمك

Where is my sweaters

I can't find my knitting sweaters!
I'm frustrating

one step at a time

لو فيه أمرأة تستحق الاحتفال فهي المرأة المناضلة .. المرأة اللي مابتستسلمش ، المرأة اللي بتنجوا من أمراض الطب بيقول عنها .. قاتلة

دي صور اتاخدت لمراحل نمو شعر واحدة من اللي قدروا يهزموا مرض السرطان ويتعافوا بعد رحلة طويلة من العلاج الكيماوي المؤلم جسديا ونفسيا

كل حاجة ممكنة .. احنا بس نقرر

المصدر  http://nooun.net/

علي و علي اعدائى

مبدئيا انا عندى اكتئاب
انا معنديش معلومات كتيرة عن الاكتئاب
بس اللى اعرفه عنه ينطبق عليا
يلا بقى ما هى خربانة خربانة
بسم الله
للمرة المليون هقولها صراحة
خد كلامى بشكل حرفى و ماتقولش ما انتى قصدك كذا
انا زهقت من كل حاجة
و بتعصب من كل حاجة
و معنديش مانع اخسر كل حاجة
لكل واحد بيسألنى مالك
صدقنى
انت مش عاوز تسمع الإجابة على السؤال ده
عاوز تعرف مالى
اقولك مالى و اقفل بقك و ماتسألش تانى ولا تحاول تستفهم او تعارض او تخرجنى من اللى انا فيه او تساعد بشئ
حط فى بقك جزمة قديمة و استحمل الاجابة و اخرس
انا بصحى من النوم بس عشان ربنا هيحاسلنى على وقتى
الحاجة الوحيدة اللى مخليانى عايشة و بتنفس ان بما انى خسرت دنيتى مش هخسر اخرتى كمان
عاوز تعرف بتعصب من ايه
كل يوم بفتح عينى على عفانة الاوضة و كركبتها و هدوم الست الهانم اللى مدلدلة من سريرها اللى فوقى اللى مش بتنام عليه اصلا و حاطة مرتبة فى الارض و هدومها النضيفة و الوسخة الصيفى و الشتوى و اللى بيتلبس و اللى عمره ما اتلبس و اللى مش هيتلبس تانى متنطورين على المكتب و السرير و فوق ادراج المكتب اللى فى الارض و فى بقيت الارض اللى باينة من الاوضة
اشيل اللحاف و احط رجلى على الارض
ليا شبر واحد فقط ما بين السرير و القرف بتاعها و الادراج قدام نهاية السرير و انا بلف من الكورنر عشان اطلع بره الاوضة ليا شبر واحد فى الارض امشى فيه
معلقة هدومها على عمود السرير كل ما ادخل او اطلع من الاوضة يخبطوا فى كتفى و لو وقعوا
هاهاهاها
تعالالى يا معلم
لازم احطها زى ما هى كانت حطاها بتفس الترتيب فى نفس ذات البقعة اللى كانت حاطاها يا اما هيتنعكشوا و  هتكويهم تانى
طبعا من الاول كده كل كلمة بتطلع من بقها فيها خمسميت شتيمة و اهانة
من الاخر يعنى
و انا عليا انى اتكيف مع الشبر ده و العب سيرك و انا بلف عشان ماخبطش فى الادراج و اتعور و موقعش الهدوم و اخرج من الاوضة بسلام
طبعا احنا لسه بنتكلم فى التفاهة
دول اول خمس ثوانى من يومى
ادخل الحمام ، الهدوم على الارض عمرها ما هتتغسل ولا الغسيل اللى فى الغسالة هيتنشر و لما ترجع الخدامة فاطمة تعمل تبقى تنشرها
مش هنتكلم عن نظافة الحمام اصلا
بتعصب من رحلتى من الحمام للمطبخ و انا بعدى الطرقة
هتلاقى المنشر على شمالك
بقالى سنيييييييين (بشكل حرفى) بقول: فيها ايه لما الواحد ياخد هدومه و هو ماشى
بطلوا عفانة
يعنى الواحد يبقى داخل الحمام ياخد دش يروح ياخد الهدوم اللى هيلبسها بس و يسيب بقيت هدومه
طيب ماتاخدها معاك اوضك اللى جنب الحمام
تلات خطوات
ليه بتعملوا الحركة الوسخة دى
انا من ساعة ما بطلت اعمل و دائما و ابدا الهدوم على المنشر او ترابيزة المكواه اللى جنب المنشر
اللى بيغسل بينشر الهدوم و يحط الناشفة على جنب المنشر
فى هدوم بتقعد بالشهرين على المنشر
يعنى لو مكنتش اعمل محدش يعمل لنفسه مش لغيره
يارتكم كنتم انانيين و بتشيلوا هدومكم بس
لو كل واحد شال هدومه الدنيا هتبقى بمبي
بتعصب من العفانة دى فى تلات ثوانى بعدى فيهم الطرقة
بتعصب لما ادخل المطبخ و الاقى المواعين اللى ماتغسلتش بقالها اسبوعين
و على المتضرر انه يغسل طبقه و ياكل فيه و يرجعه وسخ تانى
بتعصب من الحوض المسدود و المياه اللى بتنزل فى الارض عشان مكسلين ترموا بواقى الاكل فى الزبالة بدل ما تسدوا بيها الحوض
بتعصب من الزبالة المليانة على اخرها و رحيتها فاحت و قرفانين ترموها بره الشقة
بتعصب من الترابيزة و الكبايات مترصصة عليها و محدش عاوز يغسل الكباية بعد الشرب. لا، يغسلها و يشرب فيها و يرجعها وسخه
بتعصب انكم كلكم بتشتكوا ان مافيش معالق شاى نضيفة و انتم كلكم معادا الصغير _فى السن الكبير فى التصرفاتو اللى هنستثنيه من كل التصرفات معادا فى الخناق _،كلكم بتشطفوا واحدة تعملوا بيها و ترجعوها فى المواعين تانى
المصيبة ان احنا ناس نضيفة جدا جدا
لكن الحاجات الصغيرة دى بتفرق اوى
انا اللى كنت بحط ايدى فى القرف ده
انا البنت اللى كانت تصحى قبل ميعاها باربع ساعات
تعمل غداء لو عرفت و اغسل المواعين قبل ما اغسل وشى
انا اللى كنت بحط ايدى فى قرف الحوض لما حد فيكم يسده
انا اللى كنت بصحى من النوم و اقوم من تحت اللحاف عز البرد عشان نسيت ارمى الزبالة عشان الزبال جاى بكرة
بتعصب لما ابص على الارض الاقى السجادة الوسخة اللى كنت بنزل على ركبى كل يومين اكنسها بمقشة يدوى
انا اللى كنت بشيل وساختكم
دول اول نص ساعة بس من يومى
لما اقول كل حاجة بتعصبنى تبقى تصدقنى
بتعصب من التلفزيون و كدبه
بتعصب من الشارع اللى مش عارفة امشى فيه
بتعصب من اخلاق المصريين الزبالة
ثانية واحدة
انا كنت بهزر
الكلام اللى فوق ده كله لعب عيال
انا بس كنت عاوزة اوضح ان فعليا كل حاجة بتضايقنى فعلا بكل معانى الكلمة
بس اللى فوق ده مش لعب عيال اوى
ده كله يصب فى اتجاه واحد
قد ايه انا كنت بتعب فى خدمتكم
لا لقيت شكر
و لا تقدير
ولا مساعدة
و لا حتة تقفلوا بقكم و تبطوا شتيمة فى اللى بعمله
يعنى لا بترحموا وا بتسيب وا رحمه ربنا تنزل
يا جبارتكم
و فى الاخر انا اللى يتقال عليا فاضية و قاعدة في البيت مش لاقية حاجة اعملها
انا بتعصب من كل مرة افتكر حاجة مروحتهاش عشان اعملكم اكل ولا اغسل المواعين
بتعصب كل ما افتكر كورس ماروحتهوش عشان مواعيده فى العصر و انتم بتيجوا من بره عاوزين اكل طازة و سخن
بتعصب انى بعمل و بتشتم
و ماعملش برده اتشتم
بتعصب من كل تصرف يحصل منهم طوال اليوم
لما حد ياكل و مايلاقيش طبق نضيف
يكسل يغسل او يتقرف فمياكلش اصلا
و حسنى قاعدة على الكمبيوتر
مايكلموهاش ولا يبصلها
و انا كنتم تقومونى من المذاكرة قبل الامتحان بكام ساعة عشان اغسل معلقة
بتعصب لما تقعد قدامكم ماسكة التليفون تعمل شات و انتم قرفانين من المطبخ و واحد بيدور على تيشيرت و مش لاقي حد يرد عليه لما يسأل و واحد مش لاقى اكل و واحد هيغمى عليه من قله الاكل
بتعصب لما تقولوا فى قعدة الخناق اللى دائما بطلع فيها غلطانة و اسمعكم بتقولوا
احنا عارفين اسلوبها، هى تسيب المطبخ كام يوم كده و تيجى تعمل اكل و تغسل كله فى يوم واحد ، ده اسلوبها و احنا مش عاوزنها تتغير
و هى تضحك من وراكم ضحكة نصر
و اديها بطلت تعمل اصلا و هى فى اجازة
حد قالها قومى اعملى
حد قال لها روقى الكنبة من هدومك و شنطك
كنبة تشيل 15 واحد ، دلوقتى بيقعد عليها واااااحد بالعافية
سايبنها براحتها
انتم كنتم بتقومونى من النوم عشان اعمل حاجة
كأنكم بتصحوا الشغالة الى نايمة فى المطبخ
كنت بتحايل عليكم تسيبونى ساعتين اذاكر قبل الامتحان
و الهانم مش بتبص على ابوها لما ييجى من الشغل تعبان و يقوم يغسل مواعين و ياكل جبنة
بتعصب لما تقولولى انتى وراكى ايه يعنى
احنا ذنبنا ايه نعيش فى القرف ده عشان انتى غيرانة منها
بتعصب لما تتخانقوا معايا و نقعد القعدة دى اللى ملهاش اى تلاتة لازمة و تحاولوا تفرضوا عليا انى ارجع اكلمها و اقسم معاها الشغل تانى
ايه ايه ايه
انتم مش لاقين حد يخدمكم فقلتم تجيبوا الشغالة اللى ببلاش
بحجة انكم بتصلحوا ما بنا
هنقول كام مرة بقى حرام عليكم
شيل ده من ده يرتاح ده عن ده
كام مرة هنقول دى انسانة زبالة
بأقذر اخلاق شوفتها
مش عاوزة اتعامل معاها
ماتفرضوش عليا اتعامل معاها بس لانها اختى
ليه
عملت لى ايه
ولا حاجة
هى تاخد من هدومى و انا لا
انا اشيل لها حاجتها و هى لا
انا اكون اختها و استحملها و هى لا
انا اطبخ و هى لا
انا اغسل و هى لا
انا اعامل صحابها كويس و هى لا
انا اسمع الشتيمة منها و ماردش و هى طبعا تشتم و بس
انا اتضرب منها و ماشتكيش
و هى لو لقيتنى شوحت بايدى و انا متعصبة تفتح محكمة و تطلعنى غلطانة
انا امشى على كل كدبة بتقولها و هى ماتعبرنيش ولا تسمع كلامى
انا اكون اختها و هى تكون رئيستى
ليه اتعامل مع شخصية زبالة زى دى
ليه
ليه
و تقولوا انا غيرانة منها!
انا غيرانة منها!!!
عشان بتروح اكتفتيز و بتعمل انشطة و بتروح دورات و احتفالات و مجموعات عمل و محدش بيقولها بتعملى ايه
انا مش غيرانة يا اهبل
انا غضبانة
مظلومة و مجروحة
انا اتقال لى لأ على كل حاجة
حتى لو كورس مهم ولا حاجة اتعلمها
انا اتقال لى لا
و هى مش بتسأل اصلا
بتروح براحتها
تدخل البيت الساعة واحدة بليل
عادى جدا
انت اللى عملت فيا كده يا بابا
انت اللى قعدتنى في البيت
انت اللى قلت لى على كل كورص او رحلة او اى حاجة لا
لا لا لا لا
كل حاجة لا بدون سبب
و انا كنت عبيطة و سمعت كلامك
انت اللى خلتنى كده
انت اللى لعنتنى
انت اللى خلتهم يمرمطونى
و فى الاخر
تقول لحسنى انا مش عاوز افولك لا على حاجة عشان ماتكدبيش
يا نهار اسود عليك
انت بالضبط بتقولها انا مش قادر عليكى اتفضلى امشى على حل شعرك و اتسرمحى بس تبقى قوليلى
شاطر يا بابا
عاوز تعرف انا مالى
انا بطلت ارضى
رضيت بدورى كأم من و انا عندى اربع سنين
رضيت ماخرجش الا معاهم
رضيت ماتفسحش الا معاهم
رضيت ماخدش فلوس قبلهم
ماشتريش حاجة الا معاهم
رضيت اشتغل خدامة عندهم
رضيت بالشتيمة و الاهانة
رضيت اتنازل عن حقوقى
رضيت اخدم لواحدى
رضيت اتنازل لغاية ما بقيت بقول لكم انا هعمل و هنضف بس محدش يقول حاجة ولا يتأمر على الاكل
رضيت حتى بإنى كل يوم اتعب و اعمل و تقولوا ايه القرف ده عشان بس مش على مزاجكم
رضيت و بقيت بقول ماتصعبوش عليا المهمة
رضيت انى فى كل خناقة
بابا يوم مايتكلم يقول كل واحد يعيش لنفسه و يكفى نفسه طالما مش عاوزين تتعاونوا
و انتم التلاتة تقولوا موافقين
و انا اقول انا معرفش اعيش كده
معرفش اشوف محمد جعان و اسيبه
معرفش اشوف حسن جاى فرحان و اقعد و ماغسلش حاجاته و اساعده
تقولوا خلاص استحملى
رضيت و قلت ماشى بدل المرة عشر مرات
انا استاهل انى اتنازلت
انا استاهل ضرب الجزمة انى وافقت
و لما قولت ماشى كل واحد يكفى نفسه
كلكم بصيتولى حتة بصة
و قولتم انى انا اللى عاوزة افرق العيلة
و انا اللى عاوزة اخرب البيت
و انا البنت الانانية
و انا اللى غبية و مش بفهم
و انا البنت العاقة
هو عشان انتم اتعودوا منى اتنازل يبقى خلاص
اه خلاص
انت كنت اخر واحد اتوقع منك تقولى كده
انت ياللى كنت دائما بتنصفنى و تقول انى مظلومة
انت تقولى
كل واحد ربنا خلقه عشان حاجة
فى ناس انهلقت تساعد ناس تانية يقضوا مهامهم و شغلهم
احنا لينا حياتنا و شغلنا و اهتمامتنا و مش هنوقفها عشان نعمل اكل ولا نغسل مواعين
انتى فاضية و انتى اتكتب عليكى تعملى و تساعدى و بس، دلوقتى و بعد الجواز و هتفضلى كده طول عمرك
يبقى خلاص ارضى باللى قسمه ليكى ربنا و تأقلمى على كده و عيشى كده و خلاص
ارضى تانى
و استسلم تانى
و اتشتم و ارضى
اتضرب و اتسب و ارضى
ليه هو انا حجر
ده حتى الحجر بيحس و بيسبح ربنا
انتم ايه
مابترحموش
ليه ذنبى ايه اعيش فى القرف ده
ذنبى ايه اتحرم و اخدم
ذنبى ايه اوقف حياتى
الرد ايه
و احنا ذنبنا ايه نعيش كده عشان انتى زهقتى من غسيل المواعين
ها
و انا ذنبى انى رضيت
اه انا ذنبى انى رضيت و استسلمت
عاوز تعرف انا مالى
انا غضبانة جدا
غضبانة جدا
غضبانة منك اوى يا بابا
بقالى اكتر من سنتين و نص غضبانة منك
زعلانة اوى
ليه الظلم ده
عارف يا بابا انت عملت ايه فيا
انت اديتنى دور و مسؤولية مش بتوعى
و انا كنت قدهم
اكدت عليا المسؤولية من غير اي صلاحيات
مخلتهمش يسمعوا كلامى و يحترموانى
لكن خلتنى انا عبده وراهم ماشية فى ظلهم
حياتى كلها منذ الطفولة متوقفة عليهم
و الان
سبتنى و انا فى تانية جامعة ابقى مسئولة عن البيت
من غير مساعدة ولا صلاحية
شوفتنى بشتكى
و متكلمتش
شوفتنى بتشتم و سكتت
شوفتنى بنفجر و انصفتهم
شوفتنى بتمرد و قولت عليا طفلة عاوزة تلعب شوية قبل الجواز
انت ظلمتنى و اهنتنى
عارف حسنى بتاخد منك كام فى الشهر
على الاقل بتاخد 20 جنيه كل يوم
عارف 20*30 بكام
بلاش
خليها 20*20
عارف ده كام
و انا لما اقولك عاوزة عشرة جنيه تقولى ليه
ليه
ليه
انت عارف انا عليا مصاريف قد ايه
ده انا مرة كتبت لك ورقة بأهم حاجات عاوزها الان و حالا
مارضتش تبص فيها
و حسنى عمالة تتصرمح براحتها
عارف حسنى عندها هدوم قد ايه
حسنى كل شهر تدخل بهدوم او شنط او جزم
كل شهر
معملتش الجيب لغاية دلوقتى ليه؟
عشان مستنى تلاقى وقت تفك فيه جيب حسنى
انت بتعاقبنى على ذنب حد تانى
ولا بتعاقبنى انى مفكتش الجيب بتاعتها
ذنبى ايه
انا مش لاقية جيب البسها
ذنبى ايه و هى بتشترى جيب
ذنبى ايه نزل بجيب بايظة الشارع
او منزلش و مخرجش ولا حتى اروح الدكتور عشان مش لاقية خاجة البسها
و انا اقولك اول الشتا عاوزة اشترى بلوفرات معديش هدوم خالص
تبصلى و تقولى ليه ما انتى عندك بلوفر ازرق
و مش عاوزنى اتعب
اقولك عندى اسود بقاله 5 سنين و ازرق بقاله 4 سنين
بس
ايوة بس يا بابا معنديش تانى
انتى مش عندك سويت شيرت كده
والله كنت هشتمك
عندى سويت شيرت من 9 سنين
لسه عاوزنى البسه تانى
انت بتهزر
تقولى و ماله
و بعدها بشهر اقولك عاوزة مائة جنيه هشترى انتر شيرت عشان الكريم اللى ادهونى دكتور الجلدية أكل جلدى و الهدوم
تقولى انا اديك فلوس كتير الشهر ده
فلوس ايه يا بابا
تقولى انا جبتلك من شهر دواء
ايه
ايه
ايه
انت بتحسب علاجى
انت بتحسب عليا الدواء
لالاااااااا
انت عارف انت بتدى حسنى كام
و اياك اسمع كلمة غيرة تانى
انت كنت بتصرف على مين تانى اصلا
محمد و حسن شايلين نفسهم بقالهم سنين
انت بتصرف على مين غير حسنى
اقارن مع مين غيرها
ربنا امرك تصرف على عيالك
على قد مقدرتك
لو قادر تديلها فى اليوم عشرين
يبقى المفروض تدينى انا كمان
بس انا استاهل انى مراعية ظروفك
مراعية انك فجأة اكتشفت احنا مصارفنا قد ايه
اكتشفت فجأة ماما كانت عاملة فرق ازاى
اخر مرة صرفت عليا كنت فى تانية اعدادى
فجأة. لقيت مصاريف بيت كامل واربع عيال متعودين على اكل معين و حياة معينة
مراعيةانك بتوضب فى المصنع الجديد
مراعية ان السوق واقف و الشغل واقف
مراعية ان من شهر ستة اللى فات مافيش فلوس بتيجى من شغل السعودية
و حسنى مش مراعية خالص
لو صحيت من النوم مالقتش العشرين جنيه بتوعها بتاخد فلوس البيت
لا بتعمل اكل و لا بتعمل حساب ان فى بهايم عاوزين ياكلوا
و لا حد بيحاسبها او يراجعها
انا استاهل انى مراعياك
عارف إنى بقالى سنيين عاوزة هدوم
و بقول هجيب فى جهازى كل اللى عاوزاه
و هنرجع تانى لموضوع شغل المصنع
يا بابا و الله العظيم باب النجار مسروق
عمرى ما جبت اللبس اللى عاوزاه بس عشان عندنا مصنع
و عمرنا ما عملنا
و عمرنا ما هنعمل
احنا كل ما نعمل جيبه ترجع المصنع على الاقل 3 مرات
ليه
نيجى للنايبة الكبيرة بقى
جهازى
اقسم بالله العظيم انا مش هتنازل
مش كل ما اقولك رقم سعر حاجة تتخض كده
مش ذنبى انك مش عارف السوق و مش عاوز تعرف لما بنقولك و تسكتنا و تقول انا عارف كل حاجة و عارف الاماكن الاحسن من ده
منتش عارف حاجة
انا مراعياك اوى اوى اوى
انا هجيب بس اللى محتاجاه
بس اللى هستخدمه
اولا لانى مبحبش شغل التحويش و المنظرة قدام الناس
ثانيا لان حرام نصرف فلوس عشان نتمنظر بيها
ثالثا عشان انا عارفة ظروفك و مراعياك اوى
عاوز اتجهز زى بقيت البنات
انا معنديش اى مانع
بس انت اللى قد الكلام ده؟؟
لو عاوز ماشى
بس استحمل
انا مش هتنازل فى الهدوم
هجيب كل اللى عاوزاه
ماتضغطش عليا اكتر من كده
راعينى زى ما انا مراعياك
راعينى بدل ما اتجنن
راعينى عشان متغطش عليك
بطل تطلب منى ابقى خدامة و عبدة
بطل تظلمنى
بتعصب لما الاقيك ناسينى
و الاقى البيت كله ناسينى و مش حاطنى فى الاعتبار
عارف انا جايبة نظارة بقالى قد ايه
خمس شهور
عارف لما كنت بقولك هتعمل النظارة امتى
كأن اول مرة تسمع انى عاوزة اغير النظارة
انت قعدت شهرين كل يوم ترجع من الشغل تسأل حسنى على النظارة
اشتريتى ولا لسه
بتتحايل عليها عشان تروح هى تشترى نظاااارة لنفسها
يا الله
و انا اقولك طيب اعملى نظارتى
تقولى ما احنا مستنيين حسنى
بتعصب لما اقول لحسن على حاجة و ينسى
و افضل مستنياه عشان هو مش بيحب الزن
بتعصب لما اقول لمحمد صلح لى حاجة فى الكمبيوتر
و يقولى حاضر و يمشى
و لما اقوله عليها للمرة العشرين يقولى انتى محتجاه يعنى
هو انتم شايفنى ايه
ايه الجبروت اللى انتم فيه ده
ناسينى ليه
عشان مش ببجح زى حسنى
مش بزعق لك لما اكون عاوزة حاجة
الدنيا دى تعامل المحترم بالجزمة
شكرا على اهتمامكم
شكرا على معرفتى قيمتى عندكم
بغض النظر بقى عن البيت
عشان تفهم بس يعنى ايه متضايقة من كل كل كل حاجة
انزل الشارع
بص على الزبالة و الناس
انا بتعصب من سواقة المصريين
كل واحد يكسر على التانى و يشتم اللى كسر اسرع منه و زنقه
بتعصب من المواصلات و قرفها
بتعصب من كل اللى بسمعه من الناس فى المواصلات من تعاملات و كلام و كدب و خناق
بتعصب من المترو
و الدكر اللى فاهم نفسه راجل و يركب عربية السيدات
بتعصب من خناقى معاه و سكوت الناس
بتعصب من الستات اللى ميعرفوش الراجل و يدافعوا له
و يشتمونى انا عشان اتكلمت
بتعصب انى مش معايا فلوس اجيب خيط
بتعصب انى يوم ما اقول هخرج تقولى يا بابا هتخرجى ليه
انا عمرى ماخرجت غير للجامعة
انا امتى خرجت مع صحابى و ا اتفسحنا
امتى
ابدا محصلش اصلا
غير لما اروح لصحبتى بيتها او الجامعة
بتعصب من التراب
و حساسية العين المقرفة
بتعصب من انى مش عارفة امشى فى الشارع من التحرش
بتعصب من الحر و من البرد
بتعصب من كل حاجة
مش قادرة ارضى بالوحش و اسكت
بس عشان فى ناس حالتها اوحش مننا
او بلاد اوحش مننا
او حكومات اظلم مننا
مش معنى ان فى اوحش منك انك ترضى باللى عندك
ربنا ماقلش كده
ربنا قال تسعى و تصلح من نفسك و من اللى حواليك
ربنا قال ماترضاش بالظلم
بتعصب منك يا حبيبي
كل ما تزعقلى
كل ما تزعقلى قدام الناس
كل ما تحاول تقنعنى بحاجة بالشخيط
بتعصب لما تزن اقول حاجة مش عاوزة اقولها
بتعصب من حاجات صغيرة كتير
بتعصب لما تقولى قوليلى عليها فى ساعتها
و لما اقولك تقولى ايه التفاهة دى
و لما اعديها تزعق انى بعديها
و لما افضل راضية و هادية و سامح كل تصرف صغير تافة لمدة 3 اشهر
و ألتمسلك العذر
اصله تعبان
اصله متضايق
اصله متخانق مع حد
اصل الدنيا و الشغل و الحياة ألخ
لغاية ما انت تتعود تعمل الحاجة و انا اسكت فيبقى فى طبعك خلاص
اقول لا لازم اتكلم
بتعصب لما تزن عليا اقولك كل الحاجات الصغيرة اللى مضيقانى من تلات اشهر
و تفضل ساكت
و لما اقولها تهب فيا انى دماغى صغيرة و انى عاوزة انكد عليك و انى الغلطانة انى سكت و ليه مش بقولك
من ست سنين و احنا فى الدوامة دى
اقول تقول تفاهة
اسكت تزعق ليه متعصبة و ساكته
اعدى و يتراكم تقول غلطانة
اعملك ايه
ارسيلك على بر
انا هقولك الخلاصة
ليك و لبابا و ليكم كلكم
انا بطلت ارضى
مش هرضى ولا هتنازل و لا هسكت على اى حاجة صغيرة تانى ابدا
مهما بلغ تفاهتها
مش انتم بتقولولى ماتتنزليش عن حقك
حاضر
من العين دى قبل العين دى
انا مش هتنازل عن حقى
ولا تنتوفة
و استحموا
استحموا كل شئ جوايا
انا جوايا كتير اوى
استحملوا بقى
نفسى انام من غير ما اعيط
كل يوم بنام معيطة و عندى صداع رهيب
مش بعيط ضعف و لا صعبانة عليا نفسى زى ما انتم فاكرين
انا بعيط من الغيظ و العصبية
انا لو فضلت افتح البوست ده كل شوية اكتب فيه
هيجيلى انهيار عصبى فعلا
كفاية انا مش هفتح تانى

Dream end

Today is the day, when the dream is end
Yes, it is end today
Sorry dad
Forgive me

عبقرى زمانه

امبار و انا ماشية فى الشارع لقيت اتنين ماشيين و واحدة فيهم ماسكة طفل صغير تقريبا ابن اللى ماشية جنبها
المهم
الست كأنها اول مرة تشوفه و بتضحك فى وشه و بتهشجره بمنظر حلو
الكلام ده من بعيد و احنا ماشيين فى اتجاه بعض
لما قربت
لقيتها بتضحك و بتقوله (انت. ...... )و بوسة فى خده
انا مكنتش لسه سمعت هى بتقول ايه
على ارض الواقع
اول ما عديت من جنبها لقيتها بتقوله
انتى كلبة كلبة. بوسة.  انتى كلبة كلبة. بوسة. انتى كلبة كلبة. بوسة
شعب يهشج العيال بانتى كلبة و انت وحش كده ليه ياختى كميلة و هكذا
مع ذكر ان الكلام ده بيتقال بضحك و الاب و الام بيضحكوا كمان
بتهشجى العيال انتى كلبة كلبة
متوقعة يطلع ايه!!!!
اكيد عالم فيزياء

مواعيد المصريين

من اكتر الحاجات اللى بكرهها و بتعصبنى جدا
انى اكون رايحة مع حد مشوار و يأخرنى بالساعة و الساعتين
حتى و لو عشر دقائق
انا شخص يحافظ على مواعيده دائما
و بوصل قبل ميعادى
ييجى بقى واحد عامل حسابه رايح. مشوار فوق النص ساعة بالمترو
يقوم يلبس قبل الميعاد بنص ساعة
و يقول بلاش المترو نمشى للمحطة حوالى تلت ساعة و نركب مكروباص عشان نتفادى زحمة محطة الشهداء
(((انت بتهزر)))
احنا كان المفروض نكون راكبين الان اصلا
مش لسه هتقوم تلبس
راعى ان فى ناس مستنية فى الشارع
ولا اللى يقولك انا قدامى عشر دقائق و اوصلك عشان اخدك لمكان الميعاد
و يوصل بعد ساعة الا ربع
ماتقول من الاول قدامك قد ايه
بلاش كدب بقى
ما انا كده كده هستناك
انا لما اعرف ان قدامى لسه وقت طويل ساعة الا ربع بحالها
اولا اقدر ارتب نفسى انى اعمل حاجة مفيدة او اخلص حاجة ورايا كنت مأجلاها لبعد المشوار
ثانيا اتصل باللى رايحين له اقوله هنوصل امتى عشان هو برده يرتب اموره و يعمل حاجة مفيدة
افرض وراه شغل عاوز يخلص
او مشوار مهم
حرام عليكم تبوظوا حياة الناس عشان كلام فارغ
لا و اللى يغيظ بقى
انك تكدب على واحد عارف الطريق اللى هو جاى منه
من شارع السودان من احمد عرابى مثلا لجامعة القاهرة واقعيا (لا يحدث الا وقت الفجر و الشوارع فاضية تماما) سبع دقائق لو الطريق فاضى و راكب تاكسى او عربية و مش بتقف
لكن بالمكروباص لما الطريق يكون فاضى برده على الاقل 25 دقيقة
دى اقل حاجة
يعنى الطبيعى 40 دقيقة او ساعة فى الزحمة
ماتسطعبتش و تقولى قدامى عشر دقائق
على الخريطة عشر دقائق
فعليا ساعة
او تقولى قدامى ربع ساعة، بس الطريق زحمة شوية
و هو امتى الطريق كان فاضى يابنى
ليه توقفنى فى الشمس
احترموا مواعدكم
راعوا الناس يا بهايم
و مش اسفة فى الشتيمة

انتِ ازيك؟؟؟

الواحدة لما تبقى حالة هرمونتها طبيعية
بتعرف قد ايه هى كويسة
ولا حالتها مطينة بنيلة

مفاجأة

عارفين ايه هى فعلا فعلا المفاجأة
انك تبقى ماشية و النور مقطوع و بتفكر و تسب فى خمسميت حاجة زبالة فى حياتك
و تمدى ايدك فى الشنطة تجيبى سماعات التليفون
تحسسى و انتى بتدورى على ام السماعات و انتى متعصبة
تقومى ماسكة شيكولاتة مارس اللى كنتى جايباها و نستيها
تضحكى من قلبك و تقولى يااااه حبيبة قلبى
احبك و انتى بتفجئينى كده
هم

Stop thinking

Now i know why some people listen to pop and rap music when they can't deal with problem in there live
Coz it make you stop thinking
Please stop thinking

و الله لجيب عليها وطيها

انا بس مستنية كام يوم و ابقى فى حالتى النفسية و الهرمونية الطبيعية و هكتب و اجيب و القديم و الجديد هليكم كلهم
استنوا بس
الله يكون فى عون اللى هيقرأ البوست ده
لو عرف يخلصه اكيد هينضملى فى اكتئابى
استنوا عليا بس
يا رب