انا متضايقة

انا متضايقة اوى اوى اوى
يعنى محدش فاكر ولا مقدر اللى عملته عشانهم
و الحاجات اللى ضيعتها عشانهم
ولا حد عاوز يقف جنبى و يجيبلى حقى
و لا حتى عاوزين يسيبونى فى حالى
او حتى يسكتوا اللسان الزفر
لا و كمان
تعبانة بساببهم و يقولولى انت  عملتى ايه يعنى عشان تتعبى كده
و لما افضى و اسيبهم يخدموا نفسهم و اتفرغ للعلاج
العلاج ما يتمش صح
و لسانها الزفر الوسخ القذر محدش عاوز يوقفه
و يوم ما يتكلم
يقولها اسكتى مش لازم نتكلم كتير
لا يا راجل
هو ده اللى قدرت عليه
لا شاطر
و انا اتشتم على الفاضى و هى تفضل تكدب
و انا المفروض استحمل
لا و ايه
اصالحها كمان
و انا افضل تعبانة
غضبانة و قليلة الحيلة
و مش هبقى وسخة زيها
و هو مزعلنى اوى اوى اوى
سكوته و كلامه و تصرفاته
و طبعه
حرام عليك
8 سنين
اخرتنا 8 سنين
و عشان ايه
لا شئ
خايف عليا و على مصلحتى
و اكيد اكيد هو عارف مصلحتى
حرام عليك
8 سنين ضاعوا هدر
انا متضايقة اوى
مش عارفة هقضى سنتين هنا ازاى
انا مش طايقة كل حاجة
انا مش عاوز اقعد
عاوزة اروح اى حتة تانية
انا متضايقة اوى اوى
مش عارفة حتى اشتكى لاى حد
انا تعبانة و غضبانة و مخنوقة
و بتيجوا عليا كل ساعة
حرام
يا رب
نجينا
يا رب
ارزق عبدالرحمن
يا رب
جمعنا
يا رب
صبرنا على السنتين دول
يا رب

زعلى منك اصبح لا يحتمل

Need you sweety

No one know how much I need knitting .

needles cables and stitch markers

انا مش مصدقة
الحمد لله و الشكر لله
9 كابل للابر يكفونى ان شاء الله
و طبعا حبيبتى اللى مغلبانى و موقفة شغلى
الاستتش ماركرز
بجد انا فى قمة سعادتى
بجد شكرا ليكى يا مى
انتى أحياتينى

ناس جميلة

فى ناس جميلة اوى فى حياتنا
مش عارفة ليه احنا مش بنقرب منهم
يعنى مى فتحى مثلا
بنوتة جميلة جدا
اعرفها من اكتر من 8 سنين
صداقتنا لم تتعدى المنتدى و الفاس بوك بعديه
مع انها مشتركة معايا فى حاجات كتير
لكن كرهى لصداقة الانترنت و البعد اللى بتحتمه
و وجودها فى محافظة تانية
خلانى ماقربش منها لمجرد انى مش عاوزة اقرب فترة و ابعد فترة
نفس الموضوع مع نورهان و سارة و رنا
كل صداقات المنتدى الحبيب
اللى بعد موته ماتت صداقتنا معاه
انا عاوزة واحدة معايا
صديقة اشوفها 
اروحلها و ترجيلى 
نتقابل لما نحتاج بعض اقدر اواسيها او افرح معاها لما تحتاجنى
نخرج سوا و نتكلم سوا و نشارك حياتنا سوا
انا مش شايفة للصداقة معنى لما تكون من بعيد لبعيد كده
اه انا بدور على ناس كوريين اتكلم معاهم email
بس شغل الشات و الفاس و اللايك و الكومنتات
انا ماليش فيه 

بصراحة انا غلطانة
انا اتكلمت فى الموضوع ده اكتر من مرة
انى ببعد من الاول عشان ما يش اقصر معاهم بعد كده لو مش عارفة اقعد على الكمبيوتر 
مش بحب ان الكمبيوتر يتحكم فى حياتنا كده
و تتحول كل حاجة من حوالينا من خلاله
حتى اجمل الاشياء
نتشاركها من خلال عبوديتنا للتكنولوجيا
مش عاوزة اكون عبدة لشئ
عاوزة اكون عبدة لوفاء الصداقة و مشاركتها

اخلاق الميدان

الكل عارف اخلاق الناس فى ميدان التحرير ايام ثورة 25 يناير
و تساؤلاتنا عن اختفاءها تماما بعد الثورة
السبب بسيط
معرفتك بإن اللى جنبك متضامن معاك و واقف جنبك و مستعد يفديك بعمرك
معرفتك بإنه رافض للظلم و الجهل و اختياره للحق و العدل
معرفتك بده بيخليك تعامله احسن معامله زى ما انت بتتمنى الناس تعاملك
و هو بيعمل نفس الكلام
ليه المصرى لما بيسافر بيبقى محترم
و متحضر و نضيف
و مايرميش ورقة فى الارض
و لما يرجع مصر ممكن عادى يقزقز لب و يرمى على السجادة
لانه ببساطة عارف انه فى بلد نضيفة و فيها قانون بيمشى على الكل
لكن فى مصر اتعود انه يرمى و امه تشيل
و ان اشمعنة الباشا اللى راكب العربية يتضرب له سلام و انا يطلع عينى فى الاتوبيس
المساواة و العقاب بيولد الاخلاق

زمان
كان الاستاذ لو عاوز الفصل يسكت كان يقول اللى هيتكلم الفصل كله هيتضرب
و لما نحتج
يقول اللى حواليه سابوه ليه يتكلم
فاول ما حد يكح بس تلاقى الفصل كله بصله و قاله صه
لكن لو الاستاذ سأل مين اتكلم
اللى جنبه يقول
محدش بيقول
عشان زى ما محدش عاوز يتفتن عليه هو كمان مش بيفتن

بسيطة
اللى مش عاوز يشيل الزبالة مش بيقول لاخوه شيل الزبالة
عشان مش عاوز الكلمة تتردله
و اللى مش عاوز يدفع غرامة رمى الزبالة فى الشارع
بيسلم على جاره و يتسامر معاه و هم سوا رايحين يرموا الزبالة فى الشارع العمومى
و فى الاخر
احنا شعب وسخ
مايمشيش إلا بالجزمة
لو عارفة انه هيتضرب لو غلط
هتلاقيه محترم
لو لف الحاكم وشه الناحية التانية
ممكن ينزل على دماغة يقتله عشان مايحاسبهوش
زى اللى كان بيعمل مشكلة فى الميدان او يتخانق مع حد كان بيتطرد
فالمسألة ليها وجهين
النضيف اللى نفسه يتعامل بنضافة
و اللى بيتصنع النضافة عشان مش عاوز يتطرد

ببساطة

اغانى كورية

beast , bye bye love

فى شئ غريب فى سماع الاغانى الكورية، انا بستمتع بالموسيقى، و الاغانى العربى موسيقاها متشابهة جدا جدا و مملة و متوقعة، الانجليزى اتعودت عليه و بقيت بحفظ الاغنية فى دماغى و بقيت بفهم كل كلماتها، الكورى، بسمع اول مرة الاغنية بالترجمة، و بتعجبنى كلماتها و معانيها المختلفة شوية، دا غير الموسيقى الجميلة اللى مش متوقعة و جديدة بالنسبة لى، الاهم بقى، انى على الرغم انى ببقى حافظة ايقاع الاغنية فى دماغى من كتر ما بسمعها، لكن فى شئ غريب فى انك تسمع اغنية محدش عارف معناها غيرك حتى لو نسيت الترجمة، و موسيقى جديدة، و بستمتع بيها كل مرة اسمعها معرفش ليه كأنها اول مرة، و بتخلينى اعيش فى حلم حياة اخرى غير حياتى، كأنى بخرج من حياتى و اعيش فى مسلسل كورى و لو لمدة ساعة، بحس انى خرجت من البيت و اتفسحت و اتبسطت و عملت كل اللى نفسى فيه ، فى اربع دقائق اغنية، كلام عجيب، بس معرفش ليه محتاجاها، محتاجة اختلاف بعد ما الواحد اعتاد على اللى حواليه و زهق منه، ده غير ان موسيقاهم جميلة جدااااااااااااااااا، موسيقى تضحك و موسيقى تبكى و موسيقى ترقص، و الاحلى، ان عندهم الفرق الشبابية هم اللى بيكتبوا الاغانى و بيلحنوها و يوزعوها، فى امل ، فى روح جديدة دائما، مش زى عندنا، الملحن هو هو بقالة 60 سنة بيلحن لتلات اجيال، و الله حفظناك، دى عينة لأغنية جميلة رقيقة مش صاخبة

قرار تأجيل الانجاب

قرار تاجيل الأنجاب

للأسف، الواحدة تتجوز من هنا ، تحس انها كانت عاوزة تتجوز علشان الخلفة، و فى الغالب، بتبقى لا هى و لا هو مهيأين لتربية طفل و صنع انسان، و فى الغالب برده، بتقى فى المعيشة و الراجل غصب عنه بيتحط تحت الأمر الواقع اللى بتحطه الزوجة و تقوله معرفش انا حامل و عاوزة فلوس و اتصرف، يعنى يروح يسرق ولا ايه، حكمى عقلك، استنى شوية لغاية ما جوزك يحقق احلامه، مش تربطيه فى ساقية العمل لمجرد الفلوس اللى عمالة تشفطيها، انتى بتدمرى جوزك اللى نفسه يشتغل حاجة معينة او يتعلم حاجة او يطور من نفسه او يغير مجال عمله اصلا، انى حلمك انك تتجوزى و تخلفى، حققتى نص المشوار، و النص التانى هيتحقق هيتحقق، ليه الطمع، ده انا اعرف ناس اتجوزوا بس عشان يخلفوا، مش عشان تعيش مع الراجل اللى حبته او ان يكون ليها حياتها و استقلالها، تروح هى كمان تتعلم شئ او تمارس هوايتها، لكن لا، العقلية المصرية تقول، عد تسع شهور بعد الدخلة، لو مخلفتش، تبقى نهارها و نهار اللى خلفوها اسود من الاسئلة و القر و العجن بتاع النسوان، انتم مالكم، و مش عاوزة اسمع من حد تانى كلمه (هاتى واحد و أقعدى عليه)، ايه هقعد عليه افطسه يعنى، بلا غم.

Enough

i had enough
don't test me

على الرغم

على الرغم انك فيك اللى مكفيك و مش طايق نفسك
على الرغم من المشاكل و الصعوبات
على الرغم من نرفزتك عليا
على الرغم من خنقتك من الدنيا كلها
على الرغم من السلبية و القرف اللى بنشوفة فى الشارع و فى التعامل مع الناس
إلا إنك لما بتكون معايا
بتبقى مولع صوابعك العشرة شمع ليا
بتبقى عاوز تشيلنى من على الارض شيل
حتى و انت متعصب عليا و بتزعقلى
بتزعقلى و انت بتفهمنى و بتزعق باقل درجة ممكنة
انت احسن واحد فى الدنيا

أنت

على الرغم انك مش صبور
إلا انك استنتنى خمس سنين
و لسه مستنى
حبيت الصلصال
مع انك مش لاقى ادوات كويسة
عاوز تعمل فيديوهات
مع ان عائدها انتظاره طويل
صبرت على البلد و الشعب
مع انه مش هيتصلح
احلى حاجة فيك
انك ضد صفاتك
عصبى
لكن لو اتحطيت فى موقف بتتحاور فيه احسن من اى محاور عالمى
ملول
لكن بتصبر على شغل مش شبهك خالص
جاد
لكن هزارك بيطلع احلى ضحكة فى نفس الواحد
بتزهق بسرعة
لكن عمرك ما استكبرت بمعلومة عن حد او رديت طلب اى حد بسؤال حتى لو كان شخص غبى او المعلومة مش هتفيده
بذمتك
فى حد كده دلوقتى
الدنيا ماتدتش لك حاجة حلوة
و البلد خربانة
و الشغل اتضرب
و العيشة غالية و زى القرف
و عمرك ما استسلمت
قلت حتى لو البلد دى زى القرف
مافيهاش صلاح
فى بلاد تانية
ارض الله واسعة
مع انك متكتف فى البلد دى
فى احسن من كده
فى حد بيفكر كده
مافيش
يبقى طبعا
انت احسن واحد فى الدنيا
انت اللى بيشتغل
و بيعافر
و بيسعى
و بيجرب
و بيقبل بقسمة ربنا
و يسعى للاحسن
و مابيستسلمش
ولا بيتخاذل
و لما بيعمل شغل
بيشتغل ليل نهار
يتعب تعب مش بتاعه
و يشتغل اكتر من اللى اتكلف بيه
و مابيشتكيش
و بيطبطب على الناس
و يحمسها
و يدور للناس على شغل معاه
مابيخبيش معلومة
و ماينشرش اشاعة
عارف دينه
مابيسكتش على الغلط
و لو على رقبته
عاوز يعلم الناس
ينشر لغته
ينشر لغته دينه
و مش امعه
ليه دماغه
واعى
ناضج
مسئول
طبعا
انت احسن واحد فى الدنيا

امتنانى

حاسة بحب و شكر و امتنان ليك غريب
من ساعة ما اتجوزنا و انا بحبك من جديد
انا كنت بحب واحد تانى
قبل جوازنا حبى ليك بالضبط كأنى كنت بحب واحد تانى
بعد كتب كتابنا و انا بحبك لاول مرة
بحبك كانى بحب شخص جديد
كانى اول مرة اشوفك و مفتونة بيك
حاسة انى عاوزة ابوس ايدك اللى مسكت بايدى و طمنتنى
ابوس رجلك اللى مشيت ناحيتى و انت عارف ان ظروفنا صعبة
ابوس عنيك اللى بتضحكلى
ابوس بقك اللى بيقولى انت هتشتغلى و هتعملى و انا هقف جنبك
ابوس دماغك اللى تعبانة و بتفكر طول الوقت فى الشغل و العيشة و ازاى هنعيش سوا سعداء
انا فعلا حاسة بطاقة حب ليك كبيرة
لدرجة انى محسساك انى بودعك عشان دخولك الجيش
انا مش قصدى اودعك
انا فعلا عاوزة اقولك بحبك طول الوقت
انا فعلا كل يوم اسمع او اشوف موقف اقول عليها
عبدالرحمن فعلا احسن واحد فى الدنيا
كل يوم اسمع منك كلام
اقول عليه الحمد لله انا محظوظة
انا اتجوزت احسن واحد
اخلاقه، قيمه، مبادئه، تفكيره، تصرفاته، طباعه، صبره، حتى عصبيته
كل حاجة فيك مثالية بالنسبة لى
اكيد لما تكون كل الحاجات دى كويسة
لازم قدامها تلاقى الوحش
لما يكون الوحش هو ظروفك و شغلك
و شوية ذكريات و تعاملات الناس
يبقى الحمد لله
ده هو ده النعيم بعينه
يافرحتى لما اتجوز واحد معيشنى فى فيلا و خدم و فلوس
و يفتح بقه يطلع دبش فيا
او ان اهله يطلعوا عينى
او ان تكون معاملته غبيه و خشنة
او انه ينسى الحلو و يمسك فى الوحش و يفضل يسم بدنى بيه
او ان يكون روتينى زيادة عن اللزوم العيشة معاه تطهق
او انه يعايرنى انى فى يوم طبخت وحش
او انه يقولى لبسك مش شيك لازم تلبسى بنطلون معرفش ايه و بدلة ماركة و تلبسى زى فلانة و علانة و الشياكة و المظهر الاجتماعى
هستفاد ايه ساعتها
فلوس و عربية و منظر اجتماعى
و بنام متنكدة
عشان ايه
طز
مش عاوزة
انا عاوزة واحد ادخل معاه الجنة
انت هتدخلنى الجنة
هندخل سوا ان شاء الله
انا بحب جوزى
و فخورة بيه
و بشكر ربنا عليه
كل يوم
الحمد لله
ان جوزى احسن انسان فى الدنيا

من جديد

طز فى اللى فات
انسى و ادمى ورا ظهرك
و ماتفتكرش
و ماتاخدش بالك من اللى حصل
و اعمل نفسك مبسوط
و ابدأ صفحة جديدة
و اتفاجأ تانى
و ازعل تانى
اتخانق تانى
عاتب و ازعل و احتج
و سامح و خد على قفاك تانى
و عيط و قول ليه
و ابدأ صفحة جديدة تانى
و قول المسامح كريم
و اكرم اللئيم
و يتمرد اللئيم
و يضربك على قفاك و يضحك من ورا الحاكم
و الحاكم يسكت
و قول معلش
و ابدأ صفحة جديدة
و اتعب تانى
اتنازل
اخدم
اضحك فى وشهم
و اضرب على قفاك و اسكت
يا اما تشتكى
فيقولوا رغاى و مش عاجبه العجب
انسى اللى فات
اعمل نفسك مش واخد بالك
و لو مشهد فكرك ماتضايقش
ماتحكيش
ماتعيطش
قول ده تمثيل
اضحك
انسى
و مبروك
كل حاجة طلبتها جاتلك
مش كده برده؟؟؟؟؟؟

الكلمة الاخيرة

فضلت ساعة ماسكة نفسى
لا اتكلمت ولا عيطت ولا ظهر عليا حاجة
اول دمعة نزلت بعدها
لما سمعته بيقول مش هعمل
ساعتها
نزلت دمعة حرقة
دمعة...
خلاص دى نهاية الستار اللى كنت مستخبى وراه
مكنتش عاوزة اسمع نفسى و هى بتقول:
دا انت طلعت بق كبير اوى
مش سايبلى حتى حجة احطهالك
انت طلعت ظالم اوى
انت ظالم

لسانك حصانك

فى ناس مش صريحة
و مش بحجة
و مش بتقول اللى فى قلبها
ولا اللى فى عقلها من غير فلتر
لالالالالا

فى ناس لسانها زفر زفارة السمك المعفن 

اول اما تتكلم

تحط من شان نفسها اوى

الناس دى ماينفعش تسامحهم على زفارة لسانهم
لانهم مش غلطانين

لكن هم ناس زبالة معفنة
احسن حل ليها
انك تولع فيها

الحقارة

انا شوفت منك حقارة لا يمكن ان يتخيلها حد
شوفت منك تعامل وشح
شوفت منك كدب لغاية ما اتكتبتى عندى كتابة زى ما اتكتبتى عند ربنا
شوفت منك خداع
شوفت منك سفالة
شوفت فى كل موقف و كل كلمة تنطقيها زبالة
انا شوفت منك اللى عمرك ما هتعرفى يتغفر عنه منى
انا ماشوفت حد بالحقارة دى
ولا حتى فى الافلام
اوسخ شخصية شوفتها فى حياتى
فى كل الافلام و المسلسلات
كل شخصية ليها حد
ليها وقت بتقف فيه
ليها نقطة ضعف
سواء شخصية بتأثر في حياتها او موقف
مافيش زيك يا شيخة
حتى فى الخيال
على رأي عبدالرحمن
الواقع فى مصر
و الناس فى مصر
فشخوا الخيال
انتى منهم

لو فى يوم قريتى الكلام ده
هتضحكى
انا عارفاكى و عارفة وساختك
اضحكى كمان
اضحكى اوى

و هنشوف بعد سنين مين اللى هيضحك

ماتفتكريش انى انا اللى هضحك
و اقولك اللى يضحك اخيرا يضحك كثيرا
لا
انا مش وسخة زيك

انا بس هقولك
انا معرفكيش
 و مش عاوزة اعرفك
و مايهمنيش ده يتثبت قدامى
مايهمنيش تتحرجى ولا تتهزئى ولا تتشتمى او تضربى او يتمرمط بيكى الارض زى ما بتعملى فيا
انا بفرح كل ما تعملى كده
لانى عارفة كويس ربنا شايلى ايه
مش فى الدنيا
انا مستنية عدل ربنا فى الاخرة
عارفة انه الوحيد اللى عادل
عارفة انه هيجيبلى حقى منك

و ساعتها
مش هضحك عليكى
ساعتها هقول الحمد لله
انا أتربيت صح
و مكنتش وسخة زيك

ربنا هيجيب حقى
انا متاكدة

أحب أتعاقب

انا احب النظام
احب العقاب
اللى غلط يتعاقب و اولهم انا
احب يكون لكل واحد كبير
و الكبير نفسه عنده القيم اللى اتربى عليها و ربنا و التجارب اللى مر بيها و اللى على اساسها بيحكم
مافيش مشكلة صغيرة
مافيش نقاش لا يستحق الرد عليه
مافيش خناقة ما بين اتنين يتقال عليها تافهه
كل حاجة بتكبر لو اتسابت
لازم يكون فى حكم
اللى بحبه فى المسلسلات الكورية(اللى اكيد مش زى الواقع زى اى دراما)
ان على الاقل الاهل بيضربوا الابن على دماغه ضربه خفيفة لو اتكلم بشكل مش كويس او رفع صوته او اتصرف بتكبر
او اى غلط بسيط من اللى احنا بنتغاطى عنه لغاية ما يترسخ فى وجدان الواحد
اللى هيتكلم بتعالى بهزار و اتساب بدل المرة عشر مرات هيتكلم كده طول عمره
اللى يشتم و هديد بسبب ضعفه و يكسب النقاش هيتعود طووول عمره يهدد
اللى يقول انا حر و اعمل اللى عاوزه و يتساب لانه كلام فاضى فى الهوا
بعمل اللى هو عاوزه لغاية ما يوصل لمرحلة اللا عودة
اللى يزعل اخوه و مايعتذرش و يتسابوا يعتذروا لبعض لوحدهم
عمرهم ما هيعتذروا
و هيتربى فى نفس كل واحد غل من ناحية التانى
الاهالى هم اللى غلطانين
الاهالى اللى يقولوا احنا ربينا و جه دورهم يطبقوا دول اهالى ظالمين
بدليل انهم فى سنهم ده غلطوا فى الحكم ده
الكل بيغلط فى اى سن
و محتاج التقويم سواء من شخص كبير او صغير
يتقال عليا صغيرة و عقلى صغير و مش بعرف اتلك ولا اعمل حاجة
مايفرقش معايا الكلام ده ببصلة
اللى اعرفه
ان لما اتنين يتخاصموا لازم يحتكموا
ده حتى الاسلام بيقول كده
اللى عايشين مع بعض لازم يرجعوا للكبير
و لو الكبير سكت
بتبقى مصيبة
بيبقى خراب بيوت
ده انا حتى شوفت فى فيلم اب و ام اتخانقوا على حاجة و كل واحد متمسك برأيه 
راحم احتكموا عند ابنهم الصغير
جابوا واحد بره المشكلة يحتكم
الولد معملش حاجة غير انه عرف كل واحد التانى قصده ايه و هو عمل كده ليه
و سابهم يفكروا
 ان شاء الله انا عمرى ما هعمل كده فى عيالى
اللى يغلط لازم يتعمل فيه اللى عمله فى التانى
فى ناس ضميرهم بيموت
واحد اتعود يعمل اللى هو عاوزه فى اى وقت
يقول اللى عاوزة و يتكلم بأقذر الاساليب
و يتصرف أزبل التصرفات و محدش يكلمه
عاوزه يتصلح ازاى
خلاص
انت كأنك انت اللى ربيته على الوقاحة و قله الأدب و عدم مراعاه الغير حتى لو كان اخوه
انت ربيته على الحقارة دى
و بعد فترة
متقدرش حتى تفتح بقك تقول ده غلط
لانك مكسوف من نفسك و من عيالك
هتقول ايه
انا سكت عليه لغاية ما باظ
سكت ليه
و لسه ساكت ليه
عاوز ايه

اللى يشوف الظلم اللى سكوته عنه أوجده هو الظالم نفسه

العقاب

احسن مثال للعقاب الصح

العقاب مش ضرب. العقاب هو الكشف عن نفس المخطئ. العقاب هى الاهانة المحترمه. هينه من غير ما تجرحه. اكسر كبرياءه من غير ما تكسر صورته قدام الناس. بعد ساعة كل واحد فيهم هيفكر الف مرة انه فى الاخر ده زميلى ،فى الاخر ده زى اخويا فى الاخر كلنا سواسية هنتعاقب نفس العقاب. فى الاخر فى اللى اكبر مننا لازم نحترمه. مش يتسابوا على حل شعرهم و نقول عليهم كبار يحلوا مشاكلهم بنفسهم.

انت ظالم

كل يوم بتوضحلى اكتر
و بكتشف ظلمك و قلة حيلتلك
و انعدام خبرتك فى حل الازمات
انت ظالم
بطلت من زمان اطلب عدلك
الطلب من ربنا بس
ربنا هيجيبلى حقى

الغل

اللهم انزع الغل و الحقد من قلوبنا
اللهم طهر قلوبنا و نقيها من كل كيد
يا رب احفظ قلبى من الغل بسبب واحدة ماتستاهلش حتى الشتيمة
يا رب ابعدنى عن القوم الظالمين
يا رب ابعدنى عن السلبية
يا رب هب لى الحكمة لتربية اولادى تربية حسنة
يا رب
ابعدنا عن البلد الظالم اهلها
يا رب
ودينا مكان نعرف نبقى مسلمين و مؤمنين بحق فيه

اخرها

الساكت عن الحق شيطان اخرس
ادرس و مخمخ و اتفرج
و يا سلام لما تتفرج على النتيجة
اتفرج و طأطأ و اعمل مقموص
خلى القمص فى المصايب ينفعك

الساكت

اللى يسكت عن الظلم اللى سكوته عنه نماه و قواه. يبقى هو الظالم نفسه.

الساكت

اللى يسكت عن الظلم اللى سكوته عنه نماه و قواه. يبقى هو الظالم نفسه.

كتييييييييييييييييير

ايه ده
دا انا بحبك اوى اوى
حبيبي
و جوزى
بحبك اوى

لا رجوع

أكبر خوف عندى منذ طفولتى
إنى أقول حاجة، مكنش ينفع تتقال

اكبر مشاكل الدنيا بتحصل عند مناقشتها
لما يستفزك الشخص الأخر عشان تقول كل اللى فى قلبك
و تفضل تصر على انك معندكش كلام تانى
بتبقى ناقص توطى تبوس رجله تقوله: ابوس ايدك ماتتحايلش، انت مش قد الكلام اللى عاوز اقوله

فى كلام لو أتقال
مافيهوش رجعة
ماينفعش تسحبه
ماينفعش تقول للتانى انسى كل اللى قلته

ماينفعش

و انا صغيرة
طبعا كعادة كل المصريين الاستهزاء بالاطفال شئ عادى عندهم
بيقولوا ان الطفل بينسى

لالالالالالالالا
لا يا حبيبي لا
 احنا مش بننسى

انا فاكرة حياتى من عمر 3 سنين
انا الراوى الرئيسى لكل ذكريات أسرتى

انا كنت لدغة فى 14 حرف
و مش مكسوفة من الموضوع ده
انا كل لدغة فى 14 حرف طالعين من الحنجرة و اسفل الحلق
عشان كانوا صاعبين عليا
و محدش فكر يصلحهم فيا قبل ما يضحك عليا
عاوزينى ازاى اسمع كلام واحد بيستهزأ بيا عشان هو اللى مش عارف يعلمنى
انت اللى معرفتش تعلمنى
انت اللى معرفتش تتصرف زى الكبار-اللى المفروض انك منهم- و تبطل ضحك على طفلة مافيش فى ايديها حاجة

كنت بتكسف اتكلم عشان محدش يضحك
ببقى عاوزة اقول كلام مفيد
كلام يتسمع برغم اللدغة عشان مايقولولش عبيطة
بس كانوا مش بيفهموا و مش بيحاولوا يفهموا فبيطنشوا و يكملوا كلامهم هم

فكنت بخاف اتكلم كلام يطلع عبيط مش هقدر ارجع فيه
فكنت بفكر فى الكلام كويس
و اضغط على نفسى عشان اطلع حروف (الخاء و الغين و القاف و الكاف) من الحنجرة و أسفل الحلق
و قبل ما حتى اتكلم كانوا بيضحكوا
كأنهم فى السيرك و الأراجوز داخل فبيضحوا عشان عارفين انه هيضحكهم
فكنت بلجلج

بزق الكلام زق
بعصر نفسى
و مع كل كلمه واحد يضحك و واحد يخبى الضحكة و واحد متضايق من اللى بيضحوا بس ساكت

فبقيت بلجلج خوفا من الكلام
و تفكير طويل فى كل كلمة و تركيب الجملة
بفكر ابطأ من كلامى فبلجلج

بلجلج عشان عاوزة اتكلم بسرعة و واحد بيقولى خلصى خلصى بسرعة و بقرف

كبرت على اللجلجة بعد ما صلحت الحروف كلها معادا 3 حروف ( الجيم و الدال و الراء)

بابا ودانى دكتورة تخاطب فى مستشفى السمع و الكلام
كانت الجلسة أوضة طوييييييييلى فيها حوالى 30 مريض على الاقل
ما بين اللى عندهم اعاقة ذهنية و اعاقة جسدية و صم و عواجيز مركبين اجهزة تخاطب
ازاى جلسة لواحدة بتتكسف تتكلم ، تتحط تتكلم وسط ما لا يقل عن 3 واحد

لغاية ما فى يوم قالى ألبسى نروح المستشفى قولت له (لا)
زعق و شخط و انتى مش فاهمة دى دكتورة كبية و كويسة و الكلام اللى مش بيأكل عيش ده
قولت له انا بروح اتكسف اكتر و الجلج اكتر و الحروف اللى اتصلحت تبوظ انا مش بعمل حاجة
روحنا و طلعت معيطة
تانى مرة الدكتورة قالتله بنتك مافيهاش حاجة هى بس خايفة تتكلم مش اكتر بنتك زى الفل ماتجيبهاش تانى انا بتعامل مع مشاكل عضوية مش نفسية

ودانى لدكتورة فى مصطفى محمود الجلسة ربع ساعة لوحدى
صلحت الجيم و الدال
و زادت اللجلجة بلة

كانت الأستاذة بتخلينى اقرأ قصص اطفال و احط قبل كل كلمة حرف الالف بحركة اول حرف فى الحركة
انا اصلا مشكلتى انى بقول أأأأأأأأأ كتير
و كل مرة اقولها
ما هى دى المشكلة
المصيبة انى كنت اول ما ادخل عندها ابقى كويسة
و بتكلم برابنط
لانى عارفة انها فاهمة و مش هتضحك
 المشكلة انى خايفة اطلع بمنظر مش كويس قدام الناس الجهلة اللى بيضحكوا او بيطنشوا كلامى

عاوزة اقولهم انتم غلط
انا كلامى ليه اهمية حتى باللدغة و اللجلجة

محمد نبيل كان معايا فى سنة 5 ابتدائى
ولد مشهور فى المدرسة هو و صاحبه محمد ايمن

كان بيحبنى اوى لانى لادغة زييه فى حرف الراء
و مكنش عنده اخوات بنات
ليه اخين ولاد كبار بيعملوه اسوء معاملة
كان بيحب يفرد نفسه على حد و يضرب حد عشان اخته
كان ماشى يقول فى المدرسة انى اخته لغاية ما الكل صدق
لاننا لادغين احنا الاتنين فى الراء
و كان بيدافع عنى لما حد يضايقنى
هو اول واحد شجعنى و خلانى لما ولد يضاينى اقوله هجيبلك اخويا يقطعك(طول عمرى كان نفسى اقول الكلمة دى)
يقولى اخوكى مين يعنى(باستهزاء)
اقوله محمد ايمن، مايصدقش
اروح لمحمد يقوم لامم كل صحابوا و يروحوا يقطعوا الواد
كان بيخلينى امشى بفخر فى المدرسة و اعمل فيها اكبر واحدة فى المدرسة و احنا بتوع سنة 5 يا اطفال
:)


فى الثانوى
عرفت مشكلتى صح و عرفت علاجها
بس المشكلة كانت برده فى الخوف
و ان كل النا عارفين انى بلجلج و متوقعين اللجلجة و الملل قبل ما اتكلم

قبل الجامعة قررت قرار مهم جدا
قولت لنفسى
انتى رايحة مكان جديد مع ناس جديدة محدش عارفك و لا عارف قصتك
ارسمى عليهم الثقة، هيصدقوها
اتكلمى كويسة و الكل هيتعامل على اساس ده

و ابداى حياة جديدة

و فعلا حصل

اه بلجلج من حين لاخر لما بتكلم بسرعة
او لما بكون متوترة

بس عالجت نفسى


المشكلة فى الخناق
لما يبقى فى كلام فى قلبك مش عاوز تطلعه

لو طلع
مافيش بعديه رجعه
كلام ينهى علاقات

ياما قلت لا مش عاوزة اقول
و لما بقول الخناقة بتبقى خناقة فعلا

اخر مرة

الكلام اللى مكنش ينفع يتقال على الاطلاااااااااااق
قولته لسبب واحد
انه خلاص مبقاش ليه معنى
خلاص المشكلة خلصت
قولته عشان اعرفك ايه اللى كاااااان فى قلبى
لو كان ليه معنى او لسه حاسة بيه مكنتش قولته
بس انت تعاملت معاه على انى كنت قصداه
الحمد لله ان الموضوع عدى
لانه فعلا كان عدى بالنسبة لى
انا بس قولت حاجة كنت حاسة بيها

انا فعلا بكره الكلام اللى مايتقالش
و بكره نفسى لى قلته
لانه ماينفعش يتقال

و بس خلاص
مافيش خاتمة

ما اريده، سأحصل عليه

هجيب اللى انا عاوزاه.
سواء دلوقتى او بعدين.
و انت اللى هتدفع
سواء الحاجة ب 30 او 150
انت مش عاجبك الاوكازيون و عاوز تزنق نفسك
براحتك
انا مش هتزنق ولا هتسلطق
و هجيب كل اللى عاوزاه بالكمية اللى عاوزاها
و مش هعمل حساب فلوس
و انت اللى اخترت
انا راعيتك و بقالى سنين بقولك و استنيت كتير و نبهتك و قولتلك هستنى الاوكازيون
ات مش عاوز انت حر
اللى عاوزاه
هيتجاب

بتوجع

و بس

انت اللى ليا يا تريكو

عندما يصبح التريكو شخص يواسى وقت العصبية و الزعل و التوتر و الغضب. وقت الظلم و حرقة الدم. يواسى حتى و هو بيقولى علش انا واجعلك ايديك بس انا برده جنبك.
ساعتها بس، التريكو يصبح اعز صديق.

الايام الحلوة

الحاجات الحلوة مابتتحكيش
بتتحس

محمد سافر

حمد سافر
انا متضايقة اوى

ضااااااع

ضيعت يوم من دهب
ليه كده يا فاطمة
و الله معرفش كان مالى!!!

دورة مجانية لشرج كتاب الأرجومية

The International Center for Teaching Arabic to Non-Arabic Speakers (ICT) announces that the center will present a free course to explain the book “El Tohfa El Sunyah Be Sharh El mokadema El Agroomyah” by the author “Mohamed Mohi El Din Abdel Hamid”, and lectures DR. Ahmed Abd El Basset the general manger of the center.

free course
“El Tohfa El Sunyah Be Sharh El mokadema El Agroomyah”

The free course will take a 16-hour, two hours in the lecture, two lectures per week, and it will begin Saturday 15 July 2013.

Note: Places are limited and priority booking primacy
To register: call center numbers
+2010/00896667 +2011/11299257
+202/22742455
For more information visit our account on Facebook

 http://www.facebook.com/ICTARABIC

Quranic examples of book Baghdadi base الأمثلة القرآنية على كتاب قاعدة بغدادية

الأمثلة القرآنية على كتاب قاعدة بغدادية
يحتوى هذا الكتاب على أمثلة من كلام الله عز وجل منتقاه بعناية لتكون مناسبة لدروس (قاعدة بغدادية) ومتقاربة فى الوزن ليحسن وقعها على المتعلم .

فهو يوفر انتقالة هادئة من مرحلة الهجاء إلى مرحلة القراءة فى المصحف .

ويحتوى أيضا على أمثلة عديدة من كلام الله المجيد ، لدروس من علم التجويد ودروس من علوم عربية ، تيسر على معلمى ومتعلمى التجويد هذا العلم الشريف ، ولذا فهذا الكتاب يحتاجه

الأطفال لتعلم القراءة العربية وتعلم القراءة فى المصحف ، الكبار لتعلم أحكام التجويد ومحو الأمية ، والأجانب صغارا وكبارا لتعليمهم القراءة فى المصحف الشريف

تحميل الكتاب من هنا:
قاعدة بفدادية

هموت على خيط تريكو

لا خلاص تعبت
انا فعلا هموت على خيط تريكو
عاوزة خيط بحوالى 400 جنيه
لا مش حرام ولا تبذير
انا هعمل بيه حاجات لو اشتريتها هدفع فيها الف جنيه
و يمكن اكتر
عاوزة اخلص بقى من بلوفر بابا
و ابدأ اعمل حاجات لنفسى بقى
بلوفر بنت يويو مش هياخد وقت ان شاء الله
و بعدها انا بقى
انا
عيب عليا يبقى مش عاملة لنفسى حاجة
و كل حاجتى للناس
فين الحاجات اللى افخر بيها و اقول.انا عاملة ده
يا رب ارزق

The “Baghdadia base” Book كتاب قاعدة بغدادية

For the first time and exclusively on the Internet, ICT uploaded the “Baghdadi Base” book, to help those who teach Arabic to non-native speakers.
The “Baghdadia Base” book was written by SHeikh “Hamed Abd El hameid Hamed” who spend all his time and effort to record his experience to keep it and push us to spread Arabic language.
And the book is unique and extremely important, and worth to mention that the ”Baghdadi Base” book is a specialist approach to teaching reading only.

لأول مرة وحصريا على الإنترنت ولمساعدة القائمين على تعليم اللغة العربية لغير الناطقين بها كتاب القاعدة البغدادية، والكتاب فريد من نوعه ومهم للغاية.
كتاب “قاعدة بغدادية” للشيخ “حامد عبد الحميد حامد” الذى كتبه ونقحه بنفسه حتى استطاع أن يضع فيه خلاصة خبرته فى تعليم القرآن والعربية للأجانب ولغير العرب. ولذا ، فإن الكتاب يُعتبر نسخة فريدة لتمكنه من الإفادة فى أقسا عدة فى مجال التعليم، حيث يُستفاد منه فى تعليم القراءة لغير العرب ، وتعليم الأطفال فى المستويات الابتدائية الأولى ، وتعليم الأميين فى فصول محو الأمية بمنهج علمى قادر على تخطى صعاب المشكلات التعليمية المتخصصة بالقراءة ، عن طريق اعتماد الكاتب والمؤلف على استخدام وتطبيق المناهج الصوتية وتعليم صوتيات الحروف والمقاطع كتابة ونطقا.
وجدير بالذكر أن كتاب قاعدة بغدادية كتاب ومنهج متخصص لتعليم القراءة فقط، وأنه اعتمد على تغذية مهارة القراءة والكتابة كمراحل ابتدائية وكمداخل أولية تسهل عملية الفهم الواسع بعد ذلك.

for Download the book please check the link :
لتحميل الكتاب الرجاء اضغط الرابط :
arabicegypt.net/en/the-baghdadis-base-book/

أسعد يوم فى حياتى

جميلة

حاسة انى جميلة

معقول

انا بحب جوزى اوى
بحبه اوى
مكنتش فاكرة ان حبه هيزيد فى قلبى بعد كتب الكتاب كده
و انه بدل ما يبقى خلاص موجود فى حياتى و مطمنه لوجوده
دلوقتى بقيت عاوزة احافظ عليه و احافظ على حبه ليا اكتر من الاول
و بقيت عاوزة ارضيه و متنازعش معاه.ابدا ابدا كأنى بحاول اخلى واحد يحبنى
كأنى لسه عارفاه
و بشده ليا
و عاوزه اظهر كل جميل فيا و اخفى كل عيب
انا بحبه اوى
يا رب احفظنا و بارك فينا

سعادة العمر كله. فرحى مع حبيبى

انا سعيدة سعادة لا يمكن ان توصف
ربنا يتمها على خير و يكملها بمشيئته

انا اتجوزت

انا اتجوزت فعلا
انا فعلا اتكتب كتابى
ماما
شايفانى
كان نفسى تبقى معايا
كان نفسى تشوفينى عروسة
ماما
انا بحبك
ماما
انا اتجوزت عبدالرحمن حبيبى
احسن واحد فى الدنيا كلها
بحبك يا عبدالرحمن

هتجوز

ان شاء الله ان شاء الله
انا هتجوز عبدالرحمن النهاردة
انا هتجوووووووز
حبيبىىىىىىىىهتجوز اغلى واحد عندى
هتجوز احسن واحد
هتجوز والى الولاية
هاااااا
باركلنا يا رب

ايام سعادة

يا رب خلى كل ايامنا سعادة كده
يا رب خلى كل اختلاف ما بنا يعدى بسرعة و مايتحولش لخناقة
يا رب خلى عبدالرحمن مزاجه رايق كده على طول
يا رب اعدل جنونى و ماتجننش تانى
يا رب احمينا من عيون الحاسدين و الحاقدين
يا رب ارزقنا رزقا حلالا طيبا مباركا فيه و ارضنا به يا رب العالمين
يا رب بارك فى صحة عبدالرحمن و يقدر على شغله و صعوبته
يا رب اجمعنا على حبك و حلالك و رضاك
يا رب وفقنا فى حياتنا و فى مستقبلنا
يا رب بارك فى رزقنا و فى ذريتنا
يا رب احمنا و ذريتنا من كل شر او سوء
يا رب
صفى قلوبنا
و نور عقولنا
و اهدنا الى صراطك المستقيم
يا رب نور قلوبنا بجمال الصلاة
و ارزقنا حب القرآن
و اهدنا به
و ادخلنا جنتك يا رب العالمين
يا رب
بارك فيما بيننا طوال حياتنا
يا رب
انا بحبك
ارزق كل عبادك حبك
يا رب

قرفانة

قرفانة و مخنوقة و مش طايقة كلمة من حد و بتلكك عشان اعيط

نفسى اتخدم

نفسى اتخدم مرة
زهقت
قرفانة و ماليش نفس اعمل حاجة
و طبعا لازم اقوم اطبخ
و لحمة كمان يعنى وقت
و خضار
و مواعين
هو انا هقعد طول عمرى اخدم
نفسى اتخدم بقى
نفسى اكل و استمتع من غير ما اتعكنن انى هغسل المواعين بعد الاكل
نفسى اتخدم شوية

مش عروسة

مهما عملت مش عارفة اغطى الهالات السودة اللى عندى من اكتر من 8 سنين
نفسى عبدالرحمن يشوفنى مرة من غير هالات
نفسى يشوفنى و لو مرة واحدة حلوة
مش واحدة وشها محروق كأنها جاية من السودان بهالات واحدة عجوزة
انا مش حاسة انى عروسة
هلبس فستان اى كلام
مهما عملت مش عارفة اخس
مع جزمة اى كلام لانى اكيد مش هلاقى مقاسى
و تقريبا مش هحط ميكياج
و هترسى فى الاخر انى البس النظارة اللى واكلة نص وشى
و دمتم
انا متضايقة اوى

البيض ملك الافطار

مزاج عندى اوى اقعد ابتكر فى طرق جديدة لتقليب البيض تخلى طعمه مختلف
انا بعشق البيض

مش مهم

انا عاوزة عبدالرحمن
عاوزة اكون معاه
يبقى مش مهم الباقى
نجيب ولا لا
فستان او طقم عادى
انترية ولا كنبة
مش مهم
المهم انى عاوزة اكون معاه
يبقى مش مهم الباقى
اتغاطى عنه و اغمض عينى و اقول حبيبى
كفاية انى معاك
مش مهم
المهم انت حبيبى

حلم وحش اوى

حلم وحش عكنن عليا
يا رب مايتحقق ابدا
ابدا
يارب

عطشانة

انا البنت اللى تقوم من النوم من كتر العطش تشرب
تلاقى مواعين، تغسلها ،و تنسى تشرب.
انا اللى لما ابقى عندى ناس فى البيت اشغل الاربع عيون و الفرن و تقف على السلطة و الحوض تغسل و تقعد ساعتين تقول : فى حاجة ناسياها
و بعد ما تأكل الناس و تغسل المواعين و تقعد ترتاح تقول: آه دا انا كنت عطشانة من 3 ساعات و نسيت انى اشرب
انا طوووول عمرى اول حاجة اعملها الصبح انى افطر بيض
دلوقتى على طوووول اول حاجة اعملها انى اغسل المواعين عشان اعرف اكل بيض
انا عاوزة غسالة اطباااااق

انا اتخطبت

الحمد لله و الشكر لله
انا اتخطبت
القعدة كانت حلوة و مفرفشة
و سلسة و الامور سهلة
ما شاء الله ولا حول الا بالله
الدنيا خلصت زى ما احنا عاوزين
انا فى فرحة عجيبة
عاوزة اتنطط فعلا
بس حد يدينى فرصتى
اتنطط و اقول هاااااا
زى ما عملت اول ما طلعت من الصالون
دخلت الاوضة و قعدت اتنطط و اقول هاااا
بس اتكعبلت فى ديل الفستان
الحمد لله
يا رب تممها على خير

كله ورا بعضه

الساعة خمسة الفجر
هموت و انام
و بردانة جدا و مش لاقية حاجة اتغطى بيها
عبدالرحمن جاى بكرة
و لازم انام كويس
عينى وجعتنى و قعدت اهرش فيها
لغاية ما عملت كيس مياه حوالين النينى
و الحركة دى وحشة جدااااا
بكرهها
و ورايا بكرة خمسميت حاجة اعملها
و هموت وانام
و بردانة
و السلام ختام

جاى بكرة

عبدالرحمن جاااااااااااااااااااى بكرة
ان شاء الله جاى بكرة
جار بكرة
هااااااااااااااااااااااااااااااااا
يا رب تمها على خير

وانت كمان

من كتر ما فرحت بكلمة وحشتينى
معرفتش ارد
ضحكت اوى
و خوفت اقولك و انت كمان ماتصدقنيش
او تقولى انتى خليتى فيها انت كمان
ضحكت اوى و كتمت الضحكة
فرحت وحاولت اقولك و انت كمان
وحشنى القعدة معاك
وحشنى اشوفك
اصلك كنت لسه قايلى انا مش طايقك
فكان لازم اخاف ارد عليك لما تقولى وحشتينى
خوفت اقول حاجة تبوظ سعادتى بالكلمة و تلقائيتها بالنسبالك
خوفت ترد رد يبوظ فرحتى بيها
خوفت تقولها و ترجع فيها
فمتكلمتش كتير
فرحت بيها اوى

بابا هيكلم عبدالرحمن

بابا كلمنى قالى انه هيكلم عبدالرحمن دلوقتى
قولتله استنى لما يخلص الحصة اللى بيدرسها الان عشان بيبقى مشغول
اول ما قالى لقيت قلبى بيدق بسرعة
و فرحانة اوى اوى اوى اوىفرحانة اوى
حاسة انى عاوة اتنطط من الفرحة
فعلا فرحانة
انا بحبك

اسكتى
اى كلمة تانية و لو حتى اسف او طلب سماح ممكن تبوظ الدنيا
اسكتى و بس

كسرت كتير

المرة دى فعلا كسرتى كتييير اوى
المرة دى الاخيرة
فعلا
كسرتى كتيير بغباءك
كانت لزمتها ايه الصراحة الزيادة دى
دى مش صراحة
ده تخلف و غباء
يارب صفى ذهنه و نفسه
يارب اهدينى

و الله العظيم عاوزاك

انا فعلا دلوقتى خاسة بانى لسه بحبك
و الله العظيم عاوزاك
و الله العظيم عاوزاك
و هعمل اى حاجة عاوزها
لانك صح
انا بحبك
و ربنا شاهد

نوووووم

بقالى يومين مش قادرة امسك نفسى و افضل صاحية 12 ساعة على بعضهم
حلو إنى ارجع انام تانى بعد العشا و ابدأ بومى بدرى
بس بنام كتير

knitting needles

حسن جابلى الابر يوم راس السنة
يعنى من شهر كامل
طبعا كان المفروض اكتب عنها
بس من كتر فرحتى مكنتش عارفة اكتب ايه
http://www.amazon.com/Knitters-Pride-Interchangeable-Circular-Deluxe/dp/B006H7QZ22/ref=sr_1_1?ie=UTF8&qid=1354422414&sr=8-1&keywords=knitters+pride+nova+interchangeable

بقالى شهر باستخدمها
الكورد الصغير الى حد ما باظ شوية
بس بيشتغل
خلصت بكرة فى البلوفر البنى
و هكمله لما اجيب خيط
و خلصت البلوفر البترولى
و همووووووووووووت و اجيب خيط
عندى افكار كتييييييييييييير جدا
بس  الفلوس بقى
عموما

انا شغالة طووووول الوقت
طول ما انا قاعدة ماسكاها
مش بضيع ساعة فى اليوم من غير ما اعمل البلوفر
هو لسه مخلصش اوى
لسه الفينش بتاعه

يا رب عاوزة خيط

ليه

ليه تبوظ عليا اليوم ده
ليه تقول الكلام ده
انا مكنتش هقولك عشان عارفة انك هتقول كده
بس قولت افرحك معايا و اخى ظنى فيك حسن
و اقول لا ده هو مزاجه رايق مش هيعكنن عليا
حرام عليك
فعلا هتخلينى محكلكش تانى حاجة زى كده

ماما فرحانة

ياسمين كلمتنى و قالتلى انها حلمت حلم حلو اوى
انها جايبالى تورتة و جاية هى و اختها و خالتى
فى مكان حلو اوى
نزلوا فيه سلالم طويلة كلها سجاد
و احتفلنا كلنا مع حسنى بعيد ميلادى و كنا فرحانين
و شافت ماما واقفة على الباب مبسوطة و بتضحك اوى اوى اوى اوى
كان حر بيزغزغها
و بصالى و بتضحك معانا
و كلنا كنا مبسوطين
و من ساعتها و انا بعيط
وحشتنى اوى
كان نفسى تكون معايا فى خطوبتى
بس المهم انها فرحانة لى
مش زعلانة انها مش موجودة معايا
وحشتينى اوى يا ماما
وحشتينى اوى

ابتسم

Dr. Mostafa Mahmoud

ابتسم : عندما تجلس مع عائلتك .. فهناك من يتمنى عائلة ...
ابتسم : عندما تذهب إلى عملك .. فالكثير مازال يبحث عن وظيفة
ابتسم : لأنك بصحة وعافية .. فهناك من المرضى من يتمنى أن يشتريها بأغلى الأثمان
ابتسم : لأنك حي ترزق .. فالأموات يتمنون الحياة ليعملوا صالحا
...
ابتسم لأن لك رب تدعوه وتعبده فغيرك يسجد للبقر..
ابتسم : لأنك أنت .. هو أنت .... وغيرك يتمنى أن يكون أنت
اللهم لك الحمد كما ينبغي لجلال وجهك وعظيم سلطانك