وانت كمان

من كتر ما فرحت بكلمة وحشتينى
معرفتش ارد
ضحكت اوى
و خوفت اقولك و انت كمان ماتصدقنيش
او تقولى انتى خليتى فيها انت كمان
ضحكت اوى و كتمت الضحكة
فرحت وحاولت اقولك و انت كمان
وحشنى القعدة معاك
وحشنى اشوفك
اصلك كنت لسه قايلى انا مش طايقك
فكان لازم اخاف ارد عليك لما تقولى وحشتينى
خوفت اقول حاجة تبوظ سعادتى بالكلمة و تلقائيتها بالنسبالك
خوفت ترد رد يبوظ فرحتى بيها
خوفت تقولها و ترجع فيها
فمتكلمتش كتير
فرحت بيها اوى