من جديد

طز فى اللى فات
انسى و ادمى ورا ظهرك
و ماتفتكرش
و ماتاخدش بالك من اللى حصل
و اعمل نفسك مبسوط
و ابدأ صفحة جديدة
و اتفاجأ تانى
و ازعل تانى
اتخانق تانى
عاتب و ازعل و احتج
و سامح و خد على قفاك تانى
و عيط و قول ليه
و ابدأ صفحة جديدة تانى
و قول المسامح كريم
و اكرم اللئيم
و يتمرد اللئيم
و يضربك على قفاك و يضحك من ورا الحاكم
و الحاكم يسكت
و قول معلش
و ابدأ صفحة جديدة
و اتعب تانى
اتنازل
اخدم
اضحك فى وشهم
و اضرب على قفاك و اسكت
يا اما تشتكى
فيقولوا رغاى و مش عاجبه العجب
انسى اللى فات
اعمل نفسك مش واخد بالك
و لو مشهد فكرك ماتضايقش
ماتحكيش
ماتعيطش
قول ده تمثيل
اضحك
انسى
و مبروك
كل حاجة طلبتها جاتلك
مش كده برده؟؟؟؟؟؟