انا مبحبش الخضة
و بعيط منها
مش الخض الهزار
لكن الخض بتاع ان حد يقول اسمي بصوت عالي جنبي مرة واحدة و انا مش منتبهة
بترعبني
بتحسسني بحزن فظيع معرفش ليه
بس بكرهها اوي
دي انا
بتعصب جدا جدا لما حاجة بعملها تبوظ بسبب حد تاني
يعني امون بعمل اكل و حد في المطبخ اقوله اطفي عليه
و اعتمد عليه و اثق انه هيعمل كده
و اكون قلت بدل المرة اتنين و تلاتة
و يتحرق
يااااه اتعصب اوي اوي
اول جملة تيجي في دماغي " انا استاهل ضرب الجزمة اني اعتمدت عليك"
او اني اكون مثلا عاملة اكلة و هاخد منها في عمل اكلات لمدة تلات ايام
مثلا لحمة مفرومة
و كل يوم هعمل اكله علي اساس اني هاخد من اللحمة دي
و تيجي واحدة ماهاش اي بازمة تفتح التلاجة و تاخد منها تحط علي البيض
يخرب بيت القرف
انا معايا ميزانية و مدبراها
ما تجيش انتي تبوظي اللي بعمله
طبعا بغض النظر عن ذكر الخناق و الدفاع اللي بيحصل
بتعصب اوي لاني بحس قد ايه اللي اعتمدت عليه بيخذل
و قد ايه انا كلامي و صوتي مش مسموع
بتعصب اوي من الحاجات البسيطة اللي بتبين قد ايه احنا ناس زبالة
