فعلا الواحد لما بيقعد فى البيت و مايشوفش حد احسن مليوم مرة
خاصة مع الشعب المصرى
بعد فترة طويلة من قلة الاختلاط و الزيارات
الواحد بيبقى هو
نفسه
شخصيته بتظهر بعبيدا عن المؤثرات
انا الان بتكلم باسلوبى و بطباعى
و بقيت باخد بالى جدا من اسلوب كلام الناس السخيف
و كلام النسوان العقيم
و تفكير الستات المصرية الاصيلة المتخلف
كل ما اروح ازور اى واحدة
سواء صاحبتى او قريبتى او من معارف ماما
ابقى قاعدة هشيط
ليه لازم لما ييجى ضيوف نأكلهم سمبوسك و رقاق و جلاش و محشى
ايه الخلطة العجيبة دى
ليه مش مصدقين ان فى واحدة فعلا بتتعب من الفتة بتاعتكم او من الاكل المقلى
ليه غريبة اوى انى بتعب من البيبسى او اى مياه غازية سواء دايت او عادى
ليه فاكرنى مكسوفة عشان اكلى قليل او انى قرفانة من اكلك
ليه تفكيركم على طول يدخل شمال
انا بطلت اكل الاكل ده ببساطة
انا مش جاية اقولك ان اكلك وحش او قرفانة منه
انا فعلا بطلت اكله و بقيت بتعب منه جدا
ببساطة
ذوق و تفكير البيت اللى بتزوره يتحدد من قنوات الدش اللى بيتفرج عليها
فعلا
اول ما تلاقى قنوات الافلام العربى اللى بتجيب نص ساعة اعلانات و عشر دقائق افلام شعبى مسفة
اعرف ان البيت ده و اهلة فى البلاك ليست على طول
لا تحكيلهم على حاجات خاصة ولا تدخل معاهم فى نقاش من اى نوع
لانهم لا هيفهموش ولا هيقتنعوا ولا حتى هيسيبوك فى حالك و يبطلوا سؤال عن الموضوع
الا اذا كنت انت منهم
دى حاجة تانية:)
لما اقابل واحدة صاحبتى بقالى كتير ماشوفتهاش
تلقائيا عقلى ماسك ورقة و قلم و مستعد لكتابة الصفات و فى اى بند هتتحط
لانى بعدت فترة عنها و بقيت مش متأثرة او متعودة على طريقة كلامها و تفكيرها
و اكتشف انها مش شبهى خااااالص
يا اما هى اتغيرت بسبب اللى حواليها يا اما هى اصلا كده
و فى الحالتين انا مش عاوزة ابقى زيها و مش عارفة اتأقلم معاها الان
المصيبة فى الاهل
انتى واحدة تقريبا فى اواخر الخمسينات
صاحبة امى طول عمرها ماشى
ليكى معزة فى قلبى ماشى
لكن اكيد مش هجيلك كل اسبوع
اجيلك كل اسبوع ليه يعنى
ده انا مابشفش صحابى بالسنة
انتى من جيل مش عاوزة اصلا اختلط معاه قبل من كونى مش هعرف
هنقعد نتكلم فى ايه
قعدة كلام النسوان اللى مش بتنسى كل غلطة صغيرة لاى واحدة
قعدة انا مش عاوزاها
انا مش بعيب فى حد ولا قصدى حاجة وحشة
بس ماتقعدش الا مع اللى شبهك
لانه احنا وصلنا لمرحلة فهمنا فيها كويس
ان فى ناس و طبقات و تفكير مش هتغيره و مش هيعود عليك باى نفع
ماتقطعش علاقتك
لكن خليها فقط علاقات و معارف و زملاء و شغل
و بس
ماتتصاحبش معاهم
حتى لو مش هيكون لك صحاب
حاول تحتفظ على شخصيتك ايا كانت
و حاول ترتقى لفوق
لكن لو غصب عنك عايش فى منطقة مش كويسة او مع ناس مش شبهك
ماتعاشرهمش اوى
حافظ على حد
ماتنزلش لتحت
لو مش عارف تطلع لفوق
على الاقل حافظ على نفسك
ببساطة
