البنت الام

طوال عمرى بقول
الواحدة متحسش انها خلفت الا لما تخلف بنت
فعلا كان عندى حق
الام لما تتعب هتلاقى البنت تاخد بالها من البيت و ابوها و اخواتها
و تراعى امها التعبانة
البنت بتساعدها فى شغل البيت
اه فى امهات بتخلى اولادها يساعدوها فى تنضيف البيت
يعنى الولد يشيل السجادة و ينشرها بعد الغسيل و يشيل العفش من مكانه عشان الام تمسح
بس اشغال البيت اليومية اللى فعلا متعبة
الطبخ الغسيل
محتاجين بنت تشيل الحمل مع امها
مشكلة البنت الكبيرة
ان لما امها بتموت
فعلا بتحتاس
لما هى بتتعب
اه بتلاقى اخويا يطبخ و التانى ينشر الغسيل
و ممكن تلاقى اختها الصغيرة تعملها حاجة تشربها
بس الكل بيمشى
اللى بيطبخ بيسيبلها المطبخ يضرب يقلب
بس مشكور على عمايله
اللى بينشر مش بيطبق الغسيل القديم و يوديه الدولاب
بيحطه على جنب و خلاص
بس برده مشكور جدا جدا
الاب يزعق بيقولها اشربى طيب الكباية دى على بق واحد
لكن مش بيقعد جنبها يطبب عليها و يمسكلها الكباية
الاخت بتسألها عاوزة حاجة اعملك حاجة
لكن لو قالتلها لا بتمشى تترزح تشوف مذاكرتها
انا فعلا عاوزة حد جنبى
عاوزة لما اصرخ الاقى اللى يطبب عليا
اتا عاوزة ماما
وحشتينى يا ماما
انا اسفة على كل حاجة عملتها فيكى
انا اسفة يا ماما
انا بحبك اوى

دور ست البيت

رجعت من فترة قصيرة اعمل فى البيت تانى
المطبخ كان بقاله شهرين ماتغسلش فيه المواعين
مسكته تانى
غسلت و رجعت اعمل اكل
و ابتديت انضف فى الشقة واحدة واحدة
بغض النظر عن كل شئ
بغض النظر عن كونهم بيساعدونى ولا لا
و بغض النظر برده عن كونى قرفانة انى بعمل تانى و ان محدش بيساعد غير حسن
لكن
اثبت وجهة نظرى
و مبسوطة بشوية حاجات
اولا مبسوطة بسؤال حسن عنى
فاطمة نامت. فى اكل. فاطمة انا جعان
ثقته فيا انى هعمله الاكل اللى هو عاوزه و انى مسئولة و قد المسئولية
ثانيا الست ماتحس انها ست الا لما تقضى طلبات بيتها.
مهما اشتغلت و اتعلمت
على طول بحس بحاجة ناقصة
شغل البيت و مسئولية ان فى ناس مستنينى اعملهم حاجة ليها احساس تانى
ثالثا اللى يزيد عن حده ينقلب لضده
مش معنى انك واثق انى هعملم حاجتك و انك مستنينى انك تسوء فيها و ماتقومش تعملها بنفسك لما تكون مشغولة
خلى عندك دم
دى حاجتك انت يا بهيم
الرحمة حلوة برده
رابعا و ده الاهم انى اثبت حاجتين
اولهم ان مش كل ست تقدر تشتغل طول اليوم و تهتم ببيتها. و اكبر دليل هو فشل حسنى التام فى الموضوع ده
ثانيهم انى مش عبدة عندكم .انا هعمل بمزاجى.
بالرغم من ان الموضوع رجع تانى لانى لازم اعمل طالما بعمل
لكن
لو قلت مش هعمل مش بتشتم
خامسا حسوا بشوية من قيمتى و حسوا بكدب حسنى انها سوبر مان و انها ساعة الجد هتلاقوها مافيش زيها
المهم
انا نص مبسوطة و بعمل براحة لانى استريحت كام شهر فعلا فعلا فعلا فرقوا معايا جدا
الحمد لله