أول زيارة لتجنيد عبدالرحمن

اول ما شوفتك
كنت عاوزة اجرى عليك و احضنك
اشمعنه باقيت الستات بتحضن و تبوس عيالها
ما انت ابنى برده
انت ابنى و حبيبي و جوزى

كنت فرحانة اوى

اوى

كان نفسى نقعد لوحدنا وقت اطول
بس يا خسارة

وحشتنى اوى اوى

اول ما روحت البيت
قعدت اتنطط
و اقول انا شوفت عبدالرحمن
كأنك كنت مسافر

وحشتنى

I'm so nervous , so excited,  I need some thing to calm me down,  and I'm out of yar, can't knit.

خمس ايام من دونك

اول يوم كان صعب جدا
فضلت اشتغل تريكو و كروشيه و اعمل حاجات جديدة تشغلنى
بس ولا جابت بفايدة

و لما عرفت انك فتحت تليفونك و مكلمتنيش
اتضايقت اوى مع إنى عارفة ان ليك عذرك و انك اكيد اكيد كلمت اخوك قلتله انت فين
بليل، معرفتش انام
فضلت العب سولتير
و فى الاخر فتحت الفاسبوك
لقيت رسالة من اخوك انك كلمته و قولتله على مكانك و على ميعاد الزيارة
و انك عاوز تشوفنى
انا قريت الرسالة
و فضلت اعيط
و اقول انت مكلمتنيش ليه و لو لدقيقة
و اقول برده انى عارفة انك اكيد كلمته دقيقة سرقة بسرعة بسرعة
و اقول برده كان ممكن تكلمنى خمس ثوانى هرضى بيهم

قومت من السرير
و مانكتش الا الساعة 7 الصبح
و من ساعتها و انا نومى بااظ
و مش بعرف انام الا لما اجيب اخرى

وحشتنى اوى اوى

بقيت الايام اللى صبرنى انى هشوفك يوم الجمعة
هشوفك بكرة
فاضل 22 ساعة بس

بعدها
مش عارفة هصبر تانى ازاى
انا بنام و اقوم اقول هشوف عبدالرحمن يوم الجمعة

حبيبي
زوجى
وحشتنى اوى

Back to knitting 
out of yarn

oh

story of my life

لا تتعامل معه

الحياة ياما تعلم الواحد
انا بسحب كلامى
قبل كده قلت انك لو تعرف شخص بيعامل ناس معينة بشكل وحش
تعامل معاه عارى و كويس طول ما هو كمان كويس معاك
ليه نعتقبه على شئ هو ماعملهوش ليك
يمكن يكون ليه اسبابه الخاصة انت مش عارفها
بدليل انه بيتعامل مع ناس معينة وحش و بوساخة و ناس تانية لأ
ده انا لما بعمل اعذار للناس
ده تعاملى مع الناس كلها
افضل كويسة مع اى حد مهما عمل فيا او فى غيرى
انا بسحب كلامى
لما جربت التعامل مع شخصيات زبالة معايا
و انا فضلت سنيييييين أعدى و أصالح و أتخانق و أصلح و أشتكى و أخد على قفايا بدل المرة 600 مرة
العجيب لو تشوف الشخصية دى ازاى بتتعامل مع بقيت الناس
يااااااا الله
صوت تانى و ضحكة تانية و اسلوب كلام تانى و شخصية تانية خااالص
اتحطيت فى الموقفين
و عرفت
ان فى ناس لازم تعاقبلهم على حاجة معملوهاش معاك
لانهم بيعملوا مائة تصرف وسخ مع شخص تانى و انت عارف
تبقى ظالم
فى ناس
مايستحقوش الحلو
مايستحقوش الحسنة
مش هقول تماما تعاملهم زيهم
لأ
ابدا
انا بقول
قلتهم احسن
اقطع علاقتك معاهم حتى لو من اهلك
لان هييجى عليك يوم و تدخل قائمة التعامل الزبالة بتاعهم
الطيبون يستهلوا انك تتمسك بيهم
و الخبيثون و المنافقون
ابعد عنهم
ولا فى رأى تانى؟؟؟؟

بُعد عبدالرحمن

خمول
كسل
حزن
غضب
فقدان شهية
أرق مع نعاس لكن مابنامش
ضيق نفس مع آلام فى الصدر
سرحان

ممكن اكون بأفور
و انا فعلا بأفور
لكن ده اللى حاسة بيه

وحشتنى

وضع صورة عبدالرحمن كخلفية للتليفون شئ غير صحى تماما
كل شوية اتضايق لما ابصلها ، و اقول وحشتنى اوى

حلم بنت عمى

بنت عمى كلمتنى يوم 1/1/2014
قاتللى انها حلمت بماما 
انها هى و اختها و مامتها و ماما فى مطبخ غريب
بيعملوا اكل كتير لحفلة او عزومة
و ماما بتقشر بطاطس و بتعمل صينية فراخ ببطاطس كبيرة اوى و مهتمة بيها اوى
بنت عمى و ماما كانوا فى المطبخ لوحدهم
و بنت عمى التانية و مامتها كانوا بره بيوضبوا صوانى اكل تانية
ماما قالت لنت عمى ( انا مبحبش حد يدخل مطبخى بس انا واثقة فيكى انك هتعملى فاطمة احسن حاجة، ده انتى رفعتى رأسنا يوم قراية الفاتحة)
و ده حقيقي بس ماما كانت ماتت ساعتها من سنة
بنت عمى فرحت اوى و قالتها بجد الاكل كان حلو
ماما ردت عليها ( ده كان جميل جدا لو كنت انا اللى عملته ماكانش طبع كده)
رحت انا طلع من الاوضة و دخلت المطبخ لماما بفستان كتب الكتاب و بقولها (ماما انا عاوزة الصينية دى كلها بيضاء)
قالتلى حاضر ، و انا مشيت
ماما قامت غسلت الارز و حطته على الصينية
بنت عمى بتقولها ليه كده
قالتلها( انا هعمل لفاطمة اللى هى عاوزاه ، و هعمل صينية تانية لينا)
و فعلا قعدت تجهز فى صينية تانية

الاهم
انها و هى بتعمل الحاجة
قالت لبنت عمى
( خلى بالك من فاطمة ، انا عارفة انك بتحبيها و انك هتعمليلها كل حاجة ، انا عشان عارفة انك هتعمليلها احسن حاجة سايباكى تقفى فى مطبخى ، خلى بالك منها دى لوحدها ، انزلى معاها هاتيلها كل حاجة ، نقيها بنفسك ، انى هتعملها كل حاجة كويسة ، اقفى جنبها و ماتسبهاش ، و من بعدها بنتى التانية ، بس خلى بالك من فاطمة ، انتى فعلا رفعتى رأسنا و اكرمتيها اوى )
و فضلت توصيها على ، و بنت عمى تقولها حاضر طبعا ، انا مش محتاجة توصية

المكالمة دى جت فى وقت فظيع
وقت كنت لسه راجعة من عند خالتى ، كنت عاوزة اقعد اسبوعين اريح اعصابى ، بس قعدت 3 ايام بس
و راجعة اعصابى زى القرف و تعبانة و مخنوقة و حاسة انى لوحدى فى الدنيا دى
و لقيت المكالمة دى
و طبعا انا متوصاش
حنفية العياط اشتغلت بمجرد ما قريت رسالة طنط قبل ما اكلمها

ربنا يغفرلك يا امى
بتهونى علي حتى و انتى ميتة
شكرا يا امى 
انا بحبك اوى

عبدالرحمن راح الجيش

ايه اليوم الطويييييل ده
ده لسه اول يوم
عملت فيه 8 coster
و ايس كاب
و اتفرجت على فيلمين
و لعبت على العجلة 40 دقيقة
و اخدت دش و عملت حمام كريم كمان
و لعبت على تليفون بابا
و قعدت فاضية ما بين ده كله
و المصيبة انى صحيت متأخر!!!
و مش عاوز اليوم ده يخلص
وحشتنى اوى
مش عارفة انام
عاوزة اكلمك جدا
واحشنى

عارف لما تبقى زعلااااااااااان ازى لدرجة انك مش عارف تنام
او انك تكون فرحااااااااااااان اوى برده لدرجة انك مش عاوز تنام ليخلص اليوم الحلو
 

knitting joke

LOL , hilarious , only knitters understand it.

what to knit?

waking up today without knowing what is going to be my next knitting project, it's a first.

My scarf

Finally , my own hand knit scarf, oh I have been waiting this moment for years , I don't know why!
I'll knit some more

قرفت

انا قرفت من كل حاجة
كل كلمة زفرة سمعتها من واحد زبالة
مهما كانت صغيرة
مبقتش طايقاها
كل تصرف من شخص حيوان
ببقى عاوزة اضربه كأنه قتلى قتيل
مش طايقة كل حاجة على الاطلاق
زهقت ان محدش بيسمع كلامى
و يتنيل يطلع كلامى صح
و هو ولا ياخد باله
و يضحك و يقول ده الموضوع ده كويس او الرأى ده صح
مش بياخد باله اصلا انى انا اللى قولته
و لما اقول ما هو ده اللى انا قولته
يقولوا امتى!!!
مش طايقة خد يطلب منى حاجة عشان انا اللى مسئولة عنها
و لما اعملها يزعق و ينتقدها و يقولى انا ايه العبط اللى بعمله
و تانى يوم اطلع صح
يقول:  ها فاطمة العبيطة كان عندها حق
اتفو على لسانكم
اتفو عليكم لما تطلبوا رأيى
و تتريقوا عليه
و تتريقوا عليه
و تانى يوم تعملوا بحذافيره
انا طهقت و زهقت و مليت
حتى بشتكى للفضاء الفارغ
زهقت من الشكوى
عاوزة اسافر
معرفش حد و مكلمش حد ولا حتى اتعرف على حد
اعيش لوحدى
انسى حياتى كلها

هتعلم كورى

اخر الشهر ان شاء الله هروح السفارة اتعلم كورى
يا رب يقبلونى فى المنحة بتاعتهم
انا متحمسة اوى
انا بقالى سنيييييين عاوزة اتعلم كورى
من و انا فى الثانوى و انا كنت عاوزة ادخل ألسن عشان اتعلم كورى
بس دخلت كلية الأداب

و بعدها حاولت كتيييييييييييييييييييييييييييييييييييير اتعلم من الانترنت
بس كله بفلوس
ده غير انى فى تعليم اللغة احب انه يكون مباشر
مش تعليم عن بعد
دورت كذا مرة عن اماكن تعلم كورى
معرفش ليه ملقتش
و بابا كان على طول يقولى لا فى كل حاجة
و يقولى ركزى فى الدراسة
هو بيتكلم من ناحية انى اصلا مش كويسة فى الدراسة ففاكر بمنعه ليا هيخلينى مشغلش نفسى
من و انا صغيرة قولت له مائة مرة
انت لو سمحتلى بنشاط تانى كنت رافضة
هركز فى الدراسة اكتر عشان متحرمش منه
بس عمره ما فهم
منعنى من البالية بالحجة دى
و من تعليم العزف برده بالحجة دى
و من تعليم الكورى كمان
بس انا هروح اتعلم الان
ان شاء الله

انا معرفش ليه بحب كوريا كده
فى شئ غريب بيشدنى ليها
من اول ما اتفرجت على مسلسل اغانى الشتاء

مع انى ماتفرجتش على حاجة كورى تانى الا بعدها باكتر من 5 سنين
لكن فضلت طول المدة دى مهوسة بيهم

كل شئ عن كوريا بيسحرنى

و الشكل الكورى بيعجبنى جداااااااااااا
جمال البنات فى كوريا بحب بساطته
و مافيش رجل يسحرنى زى الرجل الكورى
الشكل الاسيوى ده لو اتحط جنب كل اجناس العالم
هختار الكورى
مش الصينى او اليابانى
ممكن اليابانى شوية
بس الكورى الاول
معرفش ليه و الله

يمكن لانى من صغرى و الناس بيوقفونى فى الشارع و يسألونى انتى صينية او يابانية او كورية
حسب كل واحد بقى و الدولة اللى تيجى على دماغه
ممكن!!
ممكن لانى شبههم
ممكن لان بابا قالى قبل كده ان فى عيلتنا عرق اسيوى
ممكن

معرفش

بس فى شئ غريب بيشدنى ليهم بشكل عجيب
يعنى لو قدامى مسلسل كورى سخيف امام فيلم يابانى جيد جدا
هتفرج على الكورى
و الله مش عارفة ليه

المهم
انى اخيرا هروج اتعلم كورى
و مبسوطة انى فاضية انى اتعلمه
و محدش يقدر يقولى لا

انا مبسوطة اوى اوى اوى
 

استمع الى الآلم

عندما لا يقول قلبك الحقيقة
فإن الآلم سيجيب

knitting and crochet hunger

Recently i become so hungry 
i wanna knit and crochet a lot of projects for myself
Don’t want to make anything for any one
Enough asking me to knit something for you
I do not knit this before for me  
I have been knitting since five years now
My first two scarfs not for me, and I really need a scarf for myself, I’m wearing a fabric scarf!!!
Shame on me
My first two warps is a gift
My first sweater does not fit
All the hats I had knit, not for me
I’m dreaming with the beautiful sweaters and cowl and scarfs and fingerless gloves
I will not open my shop on etsy now
I wanna make this entire pattern i had for myself and my home
I wanna make something for myself
Stop serving other people

نبدا من الصفر

متعة العيشة خارج مصر
من اهم الاسباب اللى مخليانى عاوزة اسافر
إنى ابدأ من الصفر
مافيش بيت ولا  شغل و ولا صحاب و لا عيلة ولا شئ
مش مهم تسكن فى بيت كبير
وتعمل حساب الاولاد اللى هييجوا كمان كاااام سنة
لانك سهل تلاقى شقة تانية او تنتقل لمدينة تانية
مش مهم شكل البيت و الديكور
لان مافيش ضيوف اصلا
المهم بيتك يكون عاجبك انت و بس
و طز فى كلام الناس

تعمل علاقات جديدة و تضع الاسس اللى عاوزها بمزاجك
تغير شخصيتك
براحتك
مش مهم تشتغل ايه فى دولة و مدينة مايهمكش رأى اى شخص فيها
اخسل صحون و اتعلم الطبخ و اقعد على البحر و كل عيش و نسكافيه :)
و ماله
براحتك يا معلم
ابدأ من الصفر
اعمل اللى انت عاوزه
مش اللى انت مجبر عليه
عيش فى بلد نضيفة
حاول تختارها
امشى على القوانين
و افرح لما تلاقى حد يعاقبك على غلط انت عملته
لان ده معناه ان زيك زى غيرك
لما تلاقى حد يعمل غلط اشتكيه و شوفه بيتعاقب
هيكون فى مساواه
عدل
نضافة
احترام
صاحب اللى على مزاجك

نفسى امسح كل شئ فى دماغى
المعارف و الاهل و الصحاب و الاجتماعيات و العادات و كل شئ
ابدأ بمزاجى
صح

يااااااااااااااااااااااه
نعيم

يا رب اوعدنا بسفر لدولة محترمة نقدر نمارس اسلامنا صح فيها و يكون فيها عدل و نظام
يا رب
اخرجنا من البلد الظالم اهلها
يا رب
يا رب استجب لنا و تقبل اعمالنا

ساكت كتير

لما حد يزعل على حاجة تافهة
اعرف انه قبلها كان ساكت على مليون حاجة ليها قيمة
بس مين اللى يفهم

احنا لبعض

سبحان من جمعنا سوا
احنا فعلا ماننفعش الا لبعض
 احنا لبعض و بس
و انا بحبك انت و بس